Շաբաթ, 5 Փետրվարի 2011 15:59

HSBC Բանկ Հայաստանը՚ վերսկսել է դրամային վարկերի տրամադրումը

ԱրմԻնֆո. ՙHSBC Բանկ Հայաստանը՚ 2010 թվականի դեկտեմբերին վերսկսել է դրամային վարկերի տրամադրումը: Ինչպես ԱրմԻնֆո-ի թղթակցին հաղորդել է ՙHSBC Բանկ Հայաստանի՚ գլխավոր գործադիր տնօրեն Ասթրիդ Քլիֆորդը, հիփոթեքային վարկերի և վերանորոգման համար վարկերի տոկոսադրույքները տատանվում են 12-14%-ի, ավտովարկերի գծով`16-17%-ի սահմաններում, սպառողական վարկերի գծով` կազմում են 24%:

Բանկի ղեկավարը նշել է, որ վարկերի վերջին երկու տեսակների գծով վաղաժամկետ մարման համար միջնորդավճար չի գանձվում, առաջին երկուսի գծով այն վճարվում է հետևյալ կերպ. վաղաժամկետ մարման գումարը`բազմապատկած 0,1%-ով, բազմապատկած մնացած ամիսների քանակով: ՙԱյդ սխեման օգտագործվում է միայն այն դեպքում, եթե վարկը մարվում է իր ժամկետի առաջին կեսի ընթացքում՚,- նշել է նա`ավելացնելով, որ հիփոթեքային վարկի առավելագույն չափը 100 մլն դրամ է, բնակարանի վերանորոգման վարկի` 20 մլն դրամ, ավտովարկի` 10 մլն դրամ և անհատական օգնության` 1.5 մլն դրամ: Մարման առավելագույն ժամկետը հիփոթեքկի համար կազմում է 15 տարի, բնակարանի վերանորոգման` 10 տարի, ավտոմեքենայի ձեռքբերման` 5 տարի և սպառողական վարկի համար` 2 տարի:

Միաժամանակ Ա. Քլիֆորդը հաղորդել է, որ բանկը 2010 թ. վերջին սկսել է ավտոմեքենաների, բնակարանի, տուրուղևորությունների, բժշկական ապահովագրության և դժբախտ պատահարներից ապահովագրության ապահովագիրների վաճառքը: ՙՄենք ներդրել ենք նաև կուտակային դեպոզիտային հաշիվների ծառայություն: Ապրանքը թույլ է տալիս հաճախորդին ցանկացած ժամանակ գումար փոխանցել հաշվին՚,- ընդգծել է նա: Բանկը տրամադրում է երեք տեսակի ավանդ` կարճաժամկետ կուտակումների, երկարաժամկետ խնայողությունների/կենսաթոշակների և երեխաների համար:

ՙՆոր մանկական հաշվի բացման հետ միասին մենք երեխայի անունով մեկական ծառ կտնկենք տեղի զբոսայգիներից մեկում: Մենք կհրավիրենք երեխաներին`ինքնուրույն տնկելու իրենց ծառերը, որպեսզի հետագայում նրանք հիանան իրենց և իրենց հաշիվների հետ միասին աճող ծառերի տեսքով՚,- նշել է նա:

2010 թ. հոկտեմբերի 1-ի դրությամբ ՙHSBC Բանկ Հայաստանի՚ վարկային պորտֆելը հասել է շուրջ 88 մլրդ դրամի, որից շուրջ 25%-ը բաժին է ընկել ֆիզիկական անձանց վարկերին, ավելի քան 70%-ը`տնտեսության վարկավորմանը: Հիփոթեքային վարկերի ծավալով ՙHSBC Բանկ Հայաստանը՚ 2010 թ. հոկտեմբերի 1-ի դրությամբ պահպանել է առաջին դիրքը`շուրջ 15 մլրդ դրամ ցուցանիշով, իսկ ավտովարկերի պորտֆելով զբաղեցրել է 5-րդ դիրքը`ավելի քան 2 մլրդ դրամ ծավալով: Բանկի ժամկետային ավանդների պորտֆելն այդ ամսաթվի դրությամբ գերազանցել է 36 մլրդ դրամը, որից ավելի քան 31 մլրդ դրամը բաժին է ընկել ֆիզիկական անձանց ավանդներին: Ժամկետային ավանդների բաժինը բանկի ընդհանուր պարտավորություններում կազմել է 34,4%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

HSBC Բանկ Հայաստանը՚ վերսկսել է դրամային վարկերի տրամադրումը