Երկուշաբթի, 7 Փետրվարի 2011 11:27
ԿԱՍԿՈ հատվածում իրական ակտիվությունը կսկսվի արդեն կես տարուց
ԱրմԻնֆո. "Սիլ Ինշուրանս" ապահովագրական ընկերության գործադիր տնօրեն Հայկ Բաղրամյանի հարցազրույցը Արմինֆո լրատվական գործակալությանը
Պրն.Բաղրամյան, մեր բոլոր ապահովագրողներն էլ երկրում պարտադիր ապահովագրության ներդրումը կապում էին նաև ԿԱՍԿՈ պայմանագրերի աճի հետ: Ձեր ընկերությունը կանխատեսում էր ԿԱՍԿՈ պայմանագրերի 30-40% աճ: Արդարացա՞ն արդյոք այդ սպասելիքները: Իսկ ընդհանրապես, ավտոկասկո շուկան ինչպե՞ս կզարգանա ավելի երկարաժամկետ հեռանկարում, օրինակ, մեկ-երկու տարի անց:
Մեր քաղաքացիների շրջանում ԿԱՍԿՈ ապահովագրությունն արդեն մասսայականություն է վայելում, միայն նշեմ, որ "Սիլ Ինշուրանս" ապահովագրական ընկերության ապահովագրական պորտֆելի հիմնական մասը կազմում է հատկապես կամավոր ավտոապահովագրությունը: Մեր շատ հաճախորդեր, որոնք ապահովագրվել են ԱՊՊԱ գծով, անկասկած, հետաքրքրություն են ցուցաբերում նաև ԿԱՍԿՈ-ի նկատմամբ: Սակայն, առայժմ քչերն են, որ ԱՊՊԱ հետ մեկտեղ ձեռք են բերում նաև ԿԱՍԿՈ պոլիսներ, ինչը, սակայն, մեզ համար անակընկալ չի հանդիսանում: ԿԱՍԿՈ հատվածն ավելի լուրջ տեմպերով կսկսի զարգանալ միայն երկրում պարտադիր ապահովագրական ինստիտուտի կայացումից հետո, երբ վարորդները սեփական փորձի վրա կարողանան համոզվել, որ ապահովագրությունը Հայաստանում գործում է, իսկ ապահովագրողներն էլ ժամանակին և ամբողջովին հատուցում: Կարծում եմ, որ տրանսպորտային միջոցների կամավոր ապահովագրության հատվածում իրական ակտիվությունը կսկսվի կես տարուց:
Ապահովագրողները շարունակում են պայքարը յուրաքանչյուր լավ հաճախորդի համար: Իսկ այդ պայքարում չկա՞ն արդյոք անբարեխիղճ մրցակցության տարրեր:
Բանը նրանում է, որ երկրում պարտադիր ապահովագրության ինստիտուտի ներդրումից հետո ապահովագրական շուկայում որոշակիորեն փոխվեցին նաև խաղի կանոները: Բոլոր ապահովագրական ընկերություններն էլ, այդ թվում նաև մենք, սկսեցին ակտիվորեն զարգացնել իրենց գործակալական ցանցերը, որոնց գործունեությունն էլ իր մեջ պարունակում է անբարեխիղճ մրցակցության տարրեր: Ցավոք, ոչ բոլոր ապահովագրական գործակալներն են, որ իրենց աշխատանքում ղեկավարվում են օրինական գործողություններով, նրանցից շատերը հաճախորդի համար պայքարում լինում են ոչ կոռեկտ, կնքելով անազնիվ գործարքներ և կիրառելով զանազան հնարքներ ու խորամանկություններ: Դա իրոք, խանգարում է աշխատելուն:
Իրացման ինչպիսի՞ ուղիներով ընկերությունը կարողացավ ապահովել պայմանագրերի ամենամեծ քանակությունը:
Փորձը ցույց տվեց, որ ապահովագրական պոլիսների վաճառքի ամենաարդյունավետ ուղին գործակալական ցանցն է:
Պրն.Բաղրամյան, գործնականում բոլոր ապահովագրողներ էլ բավականին հսկայական գումարներ են ծախսում գովազդին: Կարդարացվե՞ն արդյոք այդ ծախսերն ապագայում:
Ապահովագրական սակագները հաշվարկելիս ապահովագրողներն ունեին իրական վիճակագրության բացակայության հետ կապված պրոբլեմներ` ավտոճանապարհային պատահարների գծով: Այդ պրոբլեմը բերեց նրան, որ սակագները քիչ թե շատ ճշգրիտ հաշվարկելու համար ապահովագրական ակտուարներն ստիպված էին դիմել նաև համապատասխան փորձագետների գնահատմանը: Այնուամենայնիվ, սակագների հիմքում ընկած տվյալները մինչև այժմ էլ ճշգրիտ չեն, իսկ դա կարող է ապագայում առաջացնել սակագների ճշգրտման ահրաժեշտություն, բայց, հայտնի չէ, թե որ ուղղությամբ: Նման անորոշության պայմաններում գովազդի վրա հսկայական միջոցներ ծախսելն ու կառավարման ծախսերն ուռճացնելը, իմ կարծիքով, ճիշտ չէր լինի:
Իսկ ի՞նչ կարող է տեղի ունենալ:
Որոշ ընկերություններում կառաջանա լրացուցիչ ներդրումների անհրաժեշտություն: Մենք աշխատում ենք խույս տալ նման լուրջ ծախսերից, մանավանդ գվազդի գծով, քանի որ , ինչքան էլ բարձրաձայն չհնչի, դրա անհրաժեշտությունը չենք զգում: Ընկերությունը շուկայում գործում է վելի քան 10 տարի և կարողացել է իր հաճախորդների շրջանում ձևավորել հուսալի գործընկերոջ իմիջ: Հնարավոր է, որ ավելի ակտիվ գովազդային քաղաքականությունը մեզ հնարավորություն կտար ներգրավել ավելի շատ հաճախորդների, սակայն, կրկնում եմ, անորոշության պայմաններում ծախսերի մեծացումը կարող է առաջացնել որոշակի դժվարությւոններ:
Որոշ ժամանակ անց կստեղծվի մի իրավիճակ, երբ պարտադիր ապահովագրության պայմանագրերի բաժինը ապահովագրական պորտֆելում կանցնի 70 տոկոսից: Չէ՞ որ դա շուկայի համար արդեն լուրջ խնդիր է:
Առաջին տարիների համար դա լիովին բնական երևույթ է և դրանից խուսափելն անհնար է: Այլ բան է, եթե այդ հարաբերակցությունը պահպանվի նաև մի քանի տարի անց: Ողջ աշխարհում ԱՊՊԱ-ն հանդիսանում է վնասաբեր պրոդուկտ, եթե առաջին 2-3 տարիներին այդ պրոդուկտը ապահովագրողներին թույլ է տալիս ապահովել մի փոքր շահույթ, ապա երրորդ տարվանից այն դառնում է վնասաբեր: Ինչո՞ւմն է երկրում պարտադիր ապահովագրության ինստիտուտի ներդրման և կայացման տրամաբանությունը: Այդ պրոդուկտը կոչված է պետության համար լուծելու սոցիալական լուրջ պրոբլեմներ, բացի այդ, բարձրացնել երկրի քաղաքացիների ապահովագրական մշակույթը, ինչն էլ իր հերթին ապահովագրական ընկերություններին թույլ կտա զարգացնել ապահովագրության մյուս տեսակները:
Իսկ մեր երկրի տնտեսական իրավիճակը նպաստո՞ւմ էր ԱՊՊԱ ներդրմանը: Խոսքը գնում է նաև մեր քաղաքացիների ֆինանսական վիճակի մասին: Վաղաժամ չէ՞ր արդյոք պարտադիր ապահովագրության ներդրումն այդ տեսանկյունից:
Ոչ, ընդհակառակը, մեր երկրում պարտադիր ապահովագրության ներդրումը, գտնում եմ, որ տեղի ունեցավ որոշակի ուշացումով: Ցանկացած փուլում էլ այդ նորամուծությունը մեր քաղաքացիների կողմից կդիտվեր որպես լրացուցիչ հարկատեսակ, մանավանդ անապահով խավերի կողմից: Այստեղ ապահովագրողների խնդիրը կայանում է նրանում, որպեսզի ամբողջությամբ նախապատրաստվի ապահովագրության համակարգը, ստեղծվեն արդյունավետ աշխատող ենթակառույցներ և դրական օրինակներով փոխել քաղաքացիների մտածելակերպը, միաժամանակ բարձրացնելով նրանց վստահությունը ֆինանսական կառույցների հանդեպ ընդհանրապես, իսկ մասնավորապես` ապահովագրական ընկերությունների հանդեպ:
Հայաստանում ԱՊՊԱ ներդրումից հետո հասարակական կազմակերպություններն ստանում են Ճանապարհային Ոստիկանության աշխատանքների հետ կապված բազմաթիվ բողոքներ: Կարո՞ղ է արդյոք այդ և մի շարք այլ կառույցների անարդյունավետ աշխատանքն ապագայում լուրջ պրոբլեմնր առաջացնել ապահովագրողների համար: Եվ ի՞նչ ձևով կարելի է պայքարել դրա դեմ:
Կարծում եմ, որ դա գալիս է Ճանապարհային Ոստիկանության քննչական բաժնի կադրերի սակավությունից և հուսով եմ, որ առաջիկայում այդ հարցը կկարգավորվի: Հետո, մեր երկրի նման երկրի համար նման երևույթները զարմանալի չեն, ավելին, լիովին կանխատեսելի են:
Ի՞նչ քանակությամբ ԱՊՊԱ պայմանագրեր է կնքել Ձեր ընկերությունը:
Ըստ վերջին տվյալների, մեր ընկրությունը կնքել է մոտ 15 հազար ԱՊՊԱ պայմանագիր:
Որքա՞ն է ընկերության կողմից գրանցված ՃՏՊ քանակն ԱՊՊԱ մասին օրենքն ուժի մեջ մտնելու օրվանից, և որքա՞ն է ընկերության կողմից իրականացված ապահովագրական հատուցումների ընդհանուր ծավալը: Եղե՞լ են արդյոք խոշոր հատուցումներ:
Խոշոր ապահովագրական հատուցումներ դեռևս չենք ունեցել: ԱՊՊԱ մասին օրենքն ուժի մեջ մտնելու օրվանից մինչև օրս գրանցել ենք 146 ճանապարհա-տրանսպրտային պատահար, որոնցով նախատեսված ապահովագրական հատուցումների ընդհանուր ծավալը կազմել է 5 մլն. դրամ:
Էլիտա Բաբայան
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները