Չորեքշաբթի, 16 Փետրվարի 2011 11:57

2010 թվականին Յունիբանկի ՓՄՁ պորտֆելը աճել է 25%, հասնելով 48.4 մլրդ.դրամի

Արմինֆո. 2010 թվականին Յունիբանկը 25%-ով մեծացրել է ՓՄՁ վարկավորման պորտֆելը, հասցնելով 48.4 մլրդ.դրամի: Ինչպես ԱրմԻնֆո գործակալությանը տեղեկացվել է Յունիբանկի մամուլի ծառայույթւոնից, տրամադրված բիզնես-վարկերի քանակը հաշվետու տարում ավելացել է մոտ 2 անգամ:

Աղբյուրի համաձայն, 2011 թվականին բանկը նախատեսում է վարկավորման ծավալները մեծացնել 10 մլրդ.դրամով, նոր վարկային պրոդուկտների մշակման ու դրանց ներդրման, ինչպես նաև բանկի ռեսուրսների մատչելիության պարզեցման հաշվին:

Յունիբանկի Վարչության նախագահի տեղակալ և կորպորատիվ բիզնեսի տնօրեն Արա Ավագյանի խոսքերով, ՓՄՁ ֆինանսավորումը հանդիսանում է բանկի վարկային քաղաքականության առաջնահերթ ուղղություններից մեկը: ՙՄենք աշխատում ենք հաճախորդներին առաջարկել վարկավորման ամենանպաստավոր պայմանները, անկախ վարկի չափերից և գործունեության ոլորտից: Օրինակ, ՓՄՁ վարկավորման նպատակով բանկը նախատեսել է առանց պարտադիր գրավի վարկային մի պրոդուկտ, այսինքն, բավական է որևէ ֆիզիկական կամ իրավաբանական անձի կողմից ներկայացնել երաշխիքային նամակ՚,-նշել է նա:

Միաժամանակ, Յունիբանկը շուկայի և ձեռներության պահանջարկի հետազոտության արդյունքում մշակել է վարկային երկու նոր պրոդուկտ ՙUni-Express՚ և ՙUni-Micro՚, որոնք նախատեսված են փոքր բիզնեսի զարգացման աջակցմանը: Ըստ նոր պրոդուկտների, միջոցները տրամադրվում են 48 ամիս մարման ժամկետով, հայկական դրամով, ԱՄՆ դոլարով կամ եվրոյով: Վարկի առավելագույն չափը ՙUni-Express՚-ով կազմում է 3 մլն. դրամ, իսկ ՙUni-Micro՚-ով` 3-5 մլն.դրամ: Տոկոսադրույքը կազմում է տարեկան 17-22%, կախված վարկավորման տարադրամից:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.72	-0.01
USD	382.61	0.07
EUR	442.37	0.54
GBP	503.51	2.11
CAD	272.92	1.86
JPY	24.82	-0.13
CNY	53.74	0.02
CHF	474.64	0.73

Նորություններ

2010 թվականին Յունիբանկի ՓՄՁ պորտֆելը աճել է 25%, հասնելով 48.4 մլրդ.դրամի