Երեքշաբթի, 15 Մարտի 2011 11:32

Հայաստանում արտարժութային ավանդների համեմատ դրամային ավանդների էական աճի շնորհիվ 6.3% իջել է դոլարիզացիայի մակարդակը

ԱրմԻնֆո. Հայաստանում արտարժութային ավանդների համեմատ դրամային ավանդների էական աճի շնորհիվ 6.3% իջել է դոլարիզացիայի մակարդակը: Փետրվարի վերջին դրամային ավանդների տարեկան աճը կազմել է 33.7%, իսկ արտարժութային ավանդների աճը` 6%: Միայն փետրվարին դրամային ավանդներին աճել են 5.4%, իսկ արտարժութային ավանդները`1%, ինչը ամսվա կտրվածքով 1.8% իջեցրել է դոլարիզացիայի մակարդակը: Ինչպես ԱրմԻնֆո գործակալությանը տեղեկացրել են ՀՀ ԿԲ մամուլի ծառայությունից, չնայած դրամավարկային քաղաքականության խստացմանը, բանկերի կողմից պահպանվում են տնտեսության վարկավորման բարձր տեմպերը, տարվա կտրվածքով կազմելով 29.4%, իսկ ամսվա կտրվածքով աճելով 1.5%:

Փետրվարի դրամական և դրամային բազաներն աճել են 3.2%, ինչի շնորհիվ դրամային զանգվածն ավելացել է ավելի էականորեն` 4.3%, քան դրամական զանգվածը` 2.8%: Տարվա կտրվածքով դրամական զանգվածը մեծացել է 13.1%, դրամային զանգվածը` 19.6%, իսկ դրամական բազան`4.7%:

Նշենք, որ 2010 թվականի դեկտեմբերին, 2009 թվականի նույն ժամանակահատվածի համեմատ դրամային ավանդներն աճել են 23.7%, իսկ արտարժութային ավանդները` 2.7%, ինչի շնորհիվ դոլարիզացիայի մակարդակն իջել է 4.6%: Հայաստանի դրամական բազան 2010 թվականին կրճատվել է մոտ 1%, միայն դեկտեմբերին աճելով 11.5%, 2011 թվականի հուվարի 1-ի դրությամբ կազմելով 507.5 մլրդ.դրամ: 2010 թվականին դրամական զանգվածն աճել է 11.8%, դեկտեմբերին` 8.6%, կազմելով 911.4 մլրդ.դրամ: 2010 թվականին առևտրային բանկերի կողմից ներգրաված ավանդների ծավալն աճել է մոտ 7%, դեկտեմբերին` 6.7%, 2011 թվականի հունվարի 1-ի դրությամբ կազմելով 702.3 մլրդ.դրամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.12	-0.16
EUR	443.79	-0.15
GBP	502.18	-0.63
CAD	272.18	-0.96
JPY	24.70	-0.02
CNY	53.82	-0.05
CHF	482.23	1.74

Նորություններ

Հայաստանում արտարժութային ավանդների համեմատ դրամային ավանդների էական աճի շնորհիվ 6.3% իջել է դոլարիզացիայի մակարդակը