Շաբաթ, 19 Մարտի 2011 13:42

ՎՏԲ-Հայաստան Բանկը ձեռնամուխ է լինում երիտասարդ գիտնականներին հիպոթեքային վարկերի տրամադրմանը

Արմինֆո. ՎՏԲ-Հայաստան Բանկը ձեռնամուխ է լինում երիտասարդ գիտնականներին հիպոթեքային վարկերի տրամադրմանը, ՙՄատչելի բնակարան երիտասարդ գիտնականներին և ստեղծագործական միությունների անդամներին՚
ծրագրի շրջանակներում:

Այսօր ՙԵՊՀ շրջանավարտների միավորում՚ ՀԿ-ի և ՙՎՏԲ-Հայաստան Բանկ՚ ՓԲԸ-ի միջև կնքվել է համագործակցության համաձայնագիր, որը ստորագրել են ԵՊՀ շրջանավարտների միավորման նախագահ, ՀՀ Սպորտի և երիտասարդության հարցերի փոխնախարար Արսեն Քարամյանը և ՎՏԲ-Հայաստան Բանկի Գլխավոր տնօրեն-տնօրինության նախագահի տեղակալ Մհեր Գրիգորյանը:

ՙՄատչելի բնակարան երիտասարդ գիտնականներին և ստեղծագործական միությունների անդամներին՚ բնակարանային ապահովության սոցիալական ծրագրի շահառուներին մատչելի պայմաններով հիփոթեքային վարկեր տրամադրելու նպատակով ԵՊՀ շրջանավարտների միավորման կողմից հայտարարված մրցույթում հաղթող է ճանաչվել ՙՎՏԲ-Հայաստան Բանկ՚ ՓԲԸ-ն:

ՙՄենք շատ ուրախ ենք մասնակցել այս ծրագրին և աջակցել Հայաստանում բնակվող երիտասարդ գիտնականներին ձեռք բերել սեփական բնակարան: ՎՏԲ-Հայաստան Բանկը պատրաստակամ է մասնակցելու նմանատիպ ծրագրերին, որոնք ուղված են ինչպես ստեղծագործական միությունների ներկայացուցիչների, այնպես էլ երկրի ողջ բնակչության սոցիալ-կենցաղային պայմանների բարելամանը՚,-ասել է ՎՏԲ-Հայաստան Բանկի Գլխավոր տնօրեն-տնօրինության նախագահի տեղակալ Մհեր Գրիգորյանը:

Համաձայն համագործակցության համաձայնագրի` Միավորման կողմից իրականացվող ՙՄատչելի բնակարան երիտասարդ գիտնականներին և ստեղծագործական միությունների անդամներին՚ ծրագրի շահառուներին ՎՏԲ-Հայաստան Բանկ կողմից կտրամադրվեն հիփոթեքային վարկեր 10-ից մինչև 20 տարի մարման ժամկետով, տարեկան մինչև 10 տոկոս տոկոսադրույքով, նվազագույնը 20% կանխավճարով` կառուցվող գույքի գրավադրմամբ:

ՎՏԲ-Հայաստան Բանկը ծրագրի շահառուներին իր կողմից սահմանված պայմաններով առաջարկելու է կուտակային ավանդների ծառայություններ, և շահառուի վարկունակության գնահատման ժամանակ հաշվի կառնվի նաև վերջինիս կողմից ավանդային հաշվին կատարված վճարումների պատմությունը:

«ԵՊՀ շրջանավարտների միավորումե հասարակական կազմակերպությունը իրականացնում է ՙՄատչելի բնակարան` երիտասարդ գիտնականներին և ստեղծագործական միությունների անդամներին՚ բնակարանային ապահովության սոցիալական ծրագիրը, որն ուղղված է Հայաստանի Հանրապետության երիտասարդ գիտնականների և ստեղծագործողների բնակարանային կարիքների բավարարմանը:
Ծրագրի շրջանակում նախատեսվում է Երևան քաղաքի Պարույր Սևակի 8 հասցեում (ՀՀ ԳԱԱ Ա. Լ. Մնջոյանի անվան նուրբ օրգանական քիմիայի ինստիտուտի հարևանությամբ) կառուցել բազմաբնակարան-բազմաֆունկցիոնալ շենքային համալիր, որի բնակարանները շուկայականից անհամեմատ ցածր գներով տրամադրվելու են Հայաստանի Հանրապետության գիտությունների ազգային ակադեմիայի երիտասարդ գիտնականներին և Հայաստանի Հանրապետության երիտասարդ ստեղծագործողներին (գրողներ, նկարիչներ, թատերական գործիչներ):

ՙՄատչելի բնակարան երիտասարդ գիտնականներին և ստեղծագործական միությունների անդամներին՚ բնակարանային ապահովության սոցիալական ծրագրի շրջանակում կառուցվող բազմաբնակարան-բազմաֆունկցիոնալ շենքը լինելու է մոնոլիտ-երկաթբետոնյա, բազալտի և ֆելզիտի արտաքին երեսպատմամբ: Այն ունենալու է 6 շքամուտք, 14 բնակելի հարկ, մեկ, երկու, երեք և չորսսենյականոց 216 բնակարաններ, ստորգետնյա ավտոկայանատեղեր` նախատեսված մոտ 130 ավտոմեքենաների համար:
Բնակարանները շահառուներին հանձնվելու են ամբողջովին վերանորոգված` պիտանի միանգամից բնակեցման համար:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՎՏԲ-Հայաստան Բանկը ձեռնամուխ է լինում երիտասարդ գիտնականներին հիպոթեքային վարկերի տրամադրմանը