Չորեքշաբթի, 23 Մարտի 2011 14:28
Բանկերը կոշտացրել են մրցակցությունը, պայքարելով հաճախորդների համար
Ամերիաբանկի Տնօրինության նախագահ-Գլխավոր տնօրեն Արտակ Հանեսյանի հարցազրույցը ԱրմԻնֆո լրատվական գործակալությանը
Դոլարային հավելյալ իրացվելիություն, տոկոսադրույքների բարձրացում, գների աճ, ինֆլյացիայի խորացում, տնտեսական աճի ցածր տեմպեր` շարունակվող ճգնաժամային երևույթների պայմաններում: Հայաստանում զարգացումների այսպիսի հեռանկարային պայմաններում Կենտրոնական բանկը չէր կարող չմիջամտել, խստացնելով դրամա-վարկային քաղաքականությունը և բարձրացնելով վերաֆինանսավորման տոկոսադրույքը, երկրի ֆինանսական շուկայում կայունություն ապահովելու, ինֆլյացիան զսպելու և տնտեսությունն ապադոլարիզացնելու նպատակով: Իսկ բանկերն էլ իրենց հերթին, իրենց դիրքերը պահպանելու համար, հաշվետու ժամանակահատվածի համար, ինչպես նաև առաջիկա 2-3 տարիների իրենց ռազմավարական ծրագրերում, նախատեսել են իրենց գործունեության համապատասխան սցենարներ: Ամերիաբանկը, հանդիսանալով երկրի առաջատար բանկերից մեկը, նույնպես, հստակորեն ուղենշել է իր գործղությունների պլանը: Կարճ ժամանակահատվածում հայտնվելով առաջատարների խմբում, միաժամանակ իր մասին հայտարարելով որպես ուժեղ և արժանի մրցակից, Ամերիաբանկը բանականին հաջող տեմպերով է շարունակում զարգացնել իր գործունեությունը զանազան հատվածներում: Բանկը հատուկ ուշադրություն է դարձնում կորպորատիվ հաճախորդներին, դրանով իսկ նպաստելով տնտեսության իրական հատվածի զարգացմանը: Միջազգային ծրագրերը, որոնց բանկը մասնակցում է, ուղղված են ՓՄՁ վարկավորմանը, վերականգնվող էներգետիկայի զարգացմանը, առևտրի ֆինանսավորմանը: Բանկի ուշադրությունից դուրս չի մնացել նաև Ռիթեյլ-բիզնեսը: Ակտիվորեն գործելով ինչպես կորպորատիվ, այնպես էլ մանրածախի հատվածներում, բանկը ղեկավարվում է հաճախորդների ընտրության հավասարակշռված քաղաքականությամբ, ինչը նրան հնարավորություն է տալիս բարձր մակարդակի վրա պահել վարկային պորտֆելը: Հաջողությամբ իրականացված կապիտալիզացիայից հետո 2008 թվականին բանկի նշանաբանն էր` «Մտնել առաջատարների շարքերը», ինչը հաջողությամբ իրականացվեց 2009-2010 թվականներին: Ներկայումս բանկն ընտրել է նոր ուղի` «Արդյունավետության բարձրացում», քաջ գիտակցելով, որ դա նրան հնարավորություն կտա ամրանալ առաջատարներ դիրքերում: Դրված նպատակներին հասնելու համար Ամերիաբանկը ռազմավորեն զարգացնում է իր գործունեությունը մասնաճյուղերի ցանցի ընդլայնման, վարկային և ավանդային նոր պրոդուկտների ներդրման, հաճախորդների սպասարկման որակի բարձրացման, կորպորատիվ հաճախորդների համար փաթեթային ծառայությունների մատուցման, քարտային շուկայում ակտիվանալու և իր բիզնեսը բոլոր ոլորտներում ճկուն սակագնային քաղաքականության իրականացման միջոցով: 2010 թվականի ձեռքբերումների և 2011 թվականի պլանների մասին ԱրմԻնֆո գործակալության թղթակցի հետ հարցազրույցում ավելի հանգամանորեն է պատմում Ամերիաբանկի Տնօրինության նախագահ-Գլխավոր տնօրեն Արտակ Հանեսյանը, գնահատելով բանկային շուկայում տիրող իրավիճակը և կանխատեսումներ տալով տեղի ունենալիք հնարավոր փոփոխություններին:
Ինչպե՞ս եք գնահատում Հայաստանի բանկային շուկայում տիրող իրավիճակը:
Երկրի բանկային համակարգը դարձել է կոշտ մրցակցային: Հաճախորդների համար ընթանում է կոշտ պայքար, ընդ որում` տոկոսադրույքների և պայմանների դեմպնիգի կիրառմամբ: Սկզբունքայնորեն, դա շուկայում գործելու ոչ ճիշտ քաղաքականություն է, քանի որ առանձին բանկերի կողմից պայմաների կարճաժամկետ բարելավումը ոչ մի լավ բանի չի բերի: Ցանկացած դեպքում կգտնվեն բանկեր, որոնք սպասարկման պայմանների գնային քաղաքականության ավելի լավ պայմաններ կառաջարկեն: Ինչպես ինձ թվում է, հաճախորդներին հարկավոր է պահել այլ մեթոդներով, այլ ոչ թե գների դեմպինգով, ինչն առանց սպասարկման որակի կարող է ունենալ միայն ժամանակավոր բնույթ: Շեշտը հարկավոր է դնել Բանկ-Հաճախորդ գործընկերային հարաբերությունների, սպասարկման որակի, ծառայությունների լայն ընտրանու և սպասարկման օպերատիվության վրա:
Ի՞նչ կասեիք Մեգառեգուլյատորի կողմից դրամա-վարկային պայմանների խստացման և վերաֆինանսավորման տոկոսադրույքի բարձրացման հնարավոր հետևանքների մասին:
Խոսելով դրամա-վարկային պայմանների խստացման մասին նշեմ, որ ԿԲ կողմից պարտադիր պահուստավորման նորմատիվի վերջին փոփոխությունը (2011 թվականի փետրվարի 8-ին), սկզբունքայնորեն այնքան էլ բացասականորեն չազդեց բանկերի վրա, սակայն բերեց դրամային միջոցների թանկացումների, մի կողմից բանկերում բարձրացնելով արժութային միջոցների իրացվելիությունը, մյուս կողմից, բարձրացնելով արժութային ներգրավված միջոցների ինքնարժեքը, քանի որ ավելի շատ դրամ է պահանջվում դոլարային միջոցներ ներգրավելու համար: Ամերիաբանկն առայժմ իր վրա փոփոխություններ չի զգացել:
Հարկավոր է հաշվի առնել, որ ՀՀ Կենտրոնական բանկը բանկերի համար պարտադիր պահուստավորման նորմատիվը փոփոխում է փուլերով, աստիճանաբար անցնելով դրամային պարտադիր պահուստավորմանը` դեդոլարիզացիային, ինչպես նաև ինֆլյացիան զսպելու նպատակով: Սկզբնական փուլում դա կհավասարեցնի ընթացիկ դրամային և դոլարային պարտավորությունների բաժինը հաճախորդների հանդեպ, որից հետո տեղի կունենա դոլարային պարտավորությունների նկատմամբ դրամային պարտավորությունների գերակշռություն:
Արդեն սպասվում է, որ պարտադիր պահուստավորման նորմատիվը կբարձրացվի մինչև 16%: Իսկ դա նշանակում է, որ բանկերին ավելի շատ դրամային միջոցներ կպահաջվեն ԿԲ-ում պաուստավորելու համար, ինչի հետևանքով կդիտվի դոլարային հավելյալ իրացվելիություն, ինչն էլ կբերի դոլարային տեղաբաշխումների դրույքների փոփոխության: Դրամային իրացվելիությունը բանկերը կարող են բարձրացնել ԿԲ հետ ռեպո-պայմանագրերի, պետպարտատոմսերի մի մասի վաճառքի կամ միջբանկային շուկայում ներգրավումների հաշվին:
Անդրադառնանք տոկոսադրույքների փոփոխությանը, շարադրեք այդ ուղղությամբ Ձեր կանխատեսումները: Ո՞ր ուղղությամբ և ինչքանո՞վ կփոփոխվեն ներգրավված և տեղաբաշխված միջոցներով տոկոսադրույքները:
Ներկայումս շուկան վոլատիլ (անկայուն) չէ և կանխատեսելի է, չնայած Ճապոնիայի վերջին իրադարձությունները կարող են որոշակի ճշգրտումներ մտցնել: Եթե տոկոսադրույքների միջև տարբերությունը դառնա 5%` դրամային ավանդների օգտին, ապա դոլարային ավանդները կհոսեն դեպի դրամային ավանդներ, իսկ այդ դեպքում հաճախորդը ոչնչով ռիսկի չի դիմում: Այդ առումով փոխանակվող և բազմաարժութային ավանդները հաճախորդին շատ հարմար են, իսկ բանկի համար ռիսկային` արժութային շուկայում տեղի ունեցող շեղումների ժամանակ:
Ելնելով Հայաստանի բանկային համակարգում առկա բարձր իրացվելիությունից, վարկային տոկոսադրույքները 2010 թվականին միջին հաշվով իջել են 2-3%: Դրամային ավանդներով տոկոսադրույքները 2010 թվականին բարձրացել են և այդ միտումները կշարունակվեն նաև 2011 թվականին: Արժութային ավանդներով, հակառակն է, տոկոսադրույքներն իջել են և հետագա իջեցումները չեն բացառվում: Տարեկան դրամային ավանդների տոկոսադրույքները համադրելի կլինեն եռամյա պետպարտատոմսերի եկամտաբերությանը, այսինքն, 11-14%-ի սահմաններում: Ընդ որում, վերաֆինանսավորման տոկոսադրույքի բարձրացման և շուկայի վրա ազդող ինֆլյացիոն ճնշումների պատճառով դրամային ավանդների տոկոսադրույքները շարունակում են աճել, ինչն էլ բերում է պետպարտատոմսերի եկամտաբերության աճին, որն էլ իր հերթին առաջացնում է դրամային ավանդների տոկոսադրույքների աճի միտումներ, որն էլ իր հերթին բերում է դրամային վարկերի տոկոսադրույքների աճի: Արժութային ավանդների վերաբերյալ կարծիքները բաժանվում են: Ոմանք գտնում են, որ արդեն այս տարվա ավարտին Libor-ը կարող է սկսել բարձրանալ, իսկ մյուսները հակված են մտածելու, որ տոկոսադրույքների ընթացիկ մակարդակը դեռևս կպահպանվի առնվազն մեկ տարի:
Ամերիաբանկն արդեն ավանդների տոկոսադրույքների իջեցման ուղղությամբ քայլեր է կատարում: Առաջին քայլն արդեն կատարվել է, մարտի 9-ից արժութային ավանդների տոկոսադրույքները միջին հաշվով իջել են 1-1.5%:
Ինչ վերաաբերվում է դրամային վարկերին, ապա ինձ թվում է, որ այստեղ սպասվում է տոկոսադրույքների աճ, և դա կտարածվի ինչպես կորպորատիվ, այնպես էլ մանրածախ վարկային պրոդուկտների վրա: Դրամային վարկերի տոկոսադրույքները կաճեն դրամային ավանդների տոկոսադրույքներին համամասնորեն, առնվազն 2%: Դոլարային վարկերով գոյություն ունի երկակի մոտեցում. Մի կողմից, պարտադիր պահուստավորման նորմատիվային բազայի հետագա փոփոխությունները կբերի բանկային համակարգում դոլարային ազատ միջոցների ավելցուկի, ինչը թույլ կտա ավելի շատ ներդնել ԱՄՆ դոլարով, իսկ մյուս կողմից, հաշվի առնելով դոլարային միջոցների ինքնարժեքի մեծացումը, ինձ թվում է, որ տոկոսադրույքների առանձնակի փոփոխություններ չեն լինի, այսինքն, դոլարային վարկերի տոկոսադրույքները կպահպանվեն ներկայիս մակարդակի վրա: Մենք արդեն վերանայում ենք տոկոսադրույքների գծով մեր քաղաքականությունը, ինչպես միջոցների ներգրավման, այնպես էլ այդ միջոցները տեղաբաշխելու ուղղությամբ:
Ռազմավարական զարգացման իր պլանում Ամերիաբանկը նախատեսում է մակրոտնտեսական հիմնական ցուցանիշների գծով կանխատեսումներ, ինչի հիման վրա էլ վրա կառուցվում է բանկի գործողությունների սցենարը, գործունեության այս կամ այն հատվածում: Մասնավորապես, հետաքրքիր կլիներ իմանալ, թե ինչպիսի՞ն կլինի ինֆլյացիայի վարքը, ինչպիսի՞ տնտեսական աճ է նախատեսվում Հայաստանին 2011 թվականին, դեպի ո՞ր կողմ կթեքվեն գները անշարժ գույքի շուկայում, և որքանո՞վ վոլատիլ կլինի արժույթի շուկան:
Ես կկրկնվեմ, հիշեցնելով, որ Ամերիաբանկն ամեն տարի, սեպտեմբերին անց է կացնում ռազմավարական սեսիա, որի ժամանակ քննարկվում են առաջիկա 3-5 տարիների ռազմավարական զարգացումների պլանը, իսկ անհրաժեշտության դեպքում վերանայվում է նաև հաշվետու տարվա պլանը: Վերջինս բանկին հնարավորություն է տվել ժամանակին արձագանքել ճգնաժամի հետևանքով շուկայում ստեղծված իրավիճակին: Անցյալ տարվա սեսիայի արդյունքներով, բանկի ռազմավարական զարգացման պլանում մենք ամրագրել ենք հետևյալ կանխատեսումները` ՀՆԱ աճը կկազմի 5%, ինֆլյացիան կկազմի մոտ 7.5%: 2011 թվականին արժույթի փոխարժեքիկտրուկ տատանումներ չեն սպասվում, քանի որ, գտնում եմ, որ փոխարժեքի զսպման ուղղությամբ բոլոր հիմնական միջոցառումները Կենտրանական բանկի կողմից 2010 թվականին արդեն իրականացվել են, և շարունակվում են իրականացվել 2011 թվականին, այդ թվում, ինչպես արժութային շուկայի վրա իրականացվող ճնշումները, այնպես էլ բանկերի համար հատուկ ներմատիվների սահմանումը, պարտադիր պահուստավորման նորմատիվի խստացումը` հսկայական արժութային միջոցների և բաց դիրքերի կուտակումներից խուսափելու համար: ՀՀ ԿԲ կողմից իրականացվող դրամա-վարկային քաղաքականությունը, վերևում ասվածի հետ մեկտեղ ապահովում է ԱՄՆ դոլարի նկատմամբ ՀՀ դրամի փոխարժեքի կտրուկ տատանումմներից խուսափում: Ընդ որում, արժույթի միջազգային շուկաներում առկա միտումները, առանձնապես Ճապոնիայի դեպքերից հետո, կարող են լուրջ մարտահրավեր դառնալ աշխարհի ֆինանսական կառույցների համար:
Բանկի հիմնական ցուցանիշներով ինչպիսի՞ կանխատեսումներ են ընդգրկված 2011 թվականի ռազմավարության պլանում և որքանո՞վ կարողացաք իրականացնել 2010 թվականին նախատեսված նպատակները:
2010 թվականին նպատակ էր դրված հիմնական ցուցանիշներով ամրանալ առաջատարների եռյակում, ինչն ուժի մեջ է նաև 2011 թվականին: Մեր պլանները ամբիցիոզ են, սակայն, լիովին իրագործելի:
Մենք նպատակ ունենք պահպաել ձեռքբերված դիրքերը, ակտիվների, կապիտալի, վարկային պորտֆելի, ներգրավված վարկերի, շահույթի գծով: Բացի այդ, անցյալ տարվա սեպտեմբերյան սեսիայում որոշում է ընդունվել 5 տարիների ընթացքում, սկսած 2011 թվականից, սահուն կերպով դառնալ ունիվերսալ բանկ, մեծ շեշտեր դնելով մանրածախ պրոդուկտների ընդլայնմանը: Այսպես, եթե այսօր վարկային պորտֆելում մանրածախ պրոդուկտների բաժինը կազմում է 18%, ապա 2013 թվականին այս ցուցանիշը նախատեսվում է հասցնել 30%-ի: Հիփոթեքային վարկերի պորտֆելը 2011 թվականի կավելանա 25%, ավտովարկավորումը` 52%, վարկային պլաստիկ քարտերի ծավալները կկրկնապատկվեն, փոքր վարկառուները`1.5 անգամ, խոշոր վարկառուները` 21%, ՓՄՁ` 40%, լիզինգ` 54%, ֆակտորինգ` 2 անգամ: Արդյունքում, մանրածախ վարկավորումը միջին հաշվով կկրկնապատկվի, իսկ կորպորատիվ վարկավորումը կավելանա 26%: Ակտիվերի կազմում վարկային պորտֆելի բաժինը կհասնի 60-65%-ի:
25%-ով կմեծացնենք նաև ֆիզիկական անձանց ժամկետային ավանդների ծավալները և 2011 թվականին մեծ տեղ կհատկացնենք դրամային ավանդների ներգրավմանը, որոնց տոկոսադրույքները կբարձրանան մոտ 47%-ով: Իրավաբանական անձանց ժամկետային ավանդներով նախատեսվում է 20 % աճ: Կպահպանվի նաև դեպի ֆիզիկական անձանց կողմն առավելությունը: Պլաստիկ քարտերի քանակը կաճի 13.5 հազարով, հասնելով 31.3 հազարի:
Բանկի ունիվերսալ գործունեության համար ինչպիսի՞ կոնկրետ քայլեր են նախատեսված:
Այդ նպատակով նախատեսվում է մասնաճյուղերի ցանցի ընդլայնում: 2011 թվականին 5 մասնաճյուղ կբացվի, որոնցից 3-ը Երևանում և մեկական` Գյումրիում ու Վանաձորում: 2012 թվականին նույնպես կբացվի 3 մասնաճյուղ: Այսօր դրանց թիվն արդեն կազմում է 7, որոնցից 4-ը գտնվում է Երևանւմ, 3-ը` մարզերում և 1 մասնաճյուղ գտնվում է ԼՂՀ-ում, վերջերս բացված «Մոսկովյան» մասնաճյուղի հետ միասին, որտեղ տրամադրում ենք նոր ծառայություն` դեպոզիտային պահատուփեր: Բացի այդ, 2011 թվականին նախատեսվում է նոր պրոդուկտների ներդրում: Դրանք կլինեն երկու քարտային պրոդուկտներ, որոնց մասին առայժմ մանրամասնորեն չեմ կարող խոսել, բայց կասեմ, որ դրանցից մեկը Հայաստանի շուկայի համար նորույթ է: Պետք է ներդնենք նաև «Սփյուռք» նախագիծը, որի նպատակն է սփյուռքահայության միջոցների ներգրավումը, առաջին հերթին ԱՄՆ-ից, ընդ որում, կսկսենք ավանդների ներգրավումից, իսկ այնուհետև կտրամադրենք բանկային ծառայությունների ողջ տեսականին, սակայն, հիմնական շեշտը, այնուամենայնիվ, կլինի բանկային ներդրումային գործունեության, ինչպես նաև հաշվիների բացման ու սպասարկման վրա: Ինչ վերաբերվում է 2010 թվականին, հետաքրքրական է նշել, որ մենք կարղացանք ներդնել այնպիսի պրոդուկտներ, ինչպիսիք են` մետաղական հաշիվները և կապիտալի երաշխավորված վերադարձի ոսկե ավանդը:
Ի՞նչ կասեք վարկային շուկայում դիրքերն ամրացնելու պլանների մասին: Նախատեսվո՞ւմ է արդյոք որևէ սպեցիֆիկ վարկային պրոդուկտի ներդրում:
Վարկավորման գծով 2011 թվականին շեշտը կդրվի ՓՄՁ վրա: Ընդհանուր առմամբ նախատեսում ենք միջազգային ֆինանսական կառույցներից նեգրավել մոտ 40 մլն,դոլարի միջոցներ, որոնց մի մասը կուղղվի վերականգնվող էներգետիկայի ոլորտին: Ներգրավումները նախատեսվում են ինչպես ներ նախագծերին ներգրավվելու միջոցով, այնպես էլ արդեն իրականացվող նախագծերի շրջանակներում: Աշխատում ենք այնպիսի կառույցների հետ, ինչպիսիք են ՄԻջազգային Ֆինանսական Կորպորացիան (IFC), Վերակառուցման և Զարգացման Եվրոպական Բանկը (EBRD), նիդերլանդական FMO կազմակերպությունը, գերմանական DEG կառույցը, Եվրասիական Զարգացման Բանկը (EDB), Ասիական Զարգացման Բանկը (ADB), ինչպես նաև սերտ համագործակցում ենք Կոմմերցբանկ, Սիթիբանկ, BNP Pariba թղթակից բանկերի հետ, որոնք առևտրի ֆինանսավորման նպատակով բացել են վարկային լիմիտներ, ինչպես նաև Atlantic Forfaitierungs AG շվեյցարական ընկերության հետ: Նշված բոլոր նախագծերով բանկն արդեն իրացրել է ավելի քան 100 մլն.դոլար: Ինչ վերաբերվում է սինդիկացված վարկերի ներգրավմանը, ապա Ամերիաբանկի կողմից այդ առաջարկները մերժվում են` ռեսուրսների թանկության պատճառով:
Ինչ վերաբերվում է վարկային պրոդուկտներին, ապա նշեմ, որ բոլոր պրոդուկտներն էլ ներդրված են, սակայն այստեղ էլ մենք որոշեցինք շուկա դուրս բերել նոր պրոդուկտ` առևտրի ֆինանսավորում, ընդ որում, շատ ցածր` տարեկան 8-9%-ով և 6 ամիս մարման ժամկետով, գործընկեր բանկերի կողմից վերաֆինանսավորման պայմաններով: Պրոդուկտն ուղղված է ապրանքների ներմուծման ոլորտում մասնագիտացող առևտրի կազմակերպությունների սպասարկմանը: Այս ծրագրով արդեն ֆինանսավորվել է երկու նախագիծ և հուսով եմ, որ այս ծառայությունից օգտվել ցանկացողների թիվը կաճի:
KfW-ի հիփոթեքային ծրագրին մասնակցելուց առայժմ ձեռնպահ ենք մնում, քանի որ հիպոթեքային վարկավորման ոլորտում դեռևս այդքան էլ ակտիվ չենք: Չենք պատրաստվում սպասարկել կենսաթոշակային հաշիվները: Ձեռնպահ ենք մնում նաև ապառիկ կարգով ապրանքների ձեռքբերումը ֆինանսավորելուց, այդ ծառայությունը փոխանցելով մեր կորպորատիվ հաճախորդներին, մյուս ծառայությունների փաթեթների հետ միասին:
Կփոփոխվե՞ն արդյոք շեշտերը բանկի վարկային պորտֆելում, ֆինանսավորվող ոլորտների գծով:
2011 թվականին հիմնական շեշտը կդրվի էներգետիկայի, արտադրության, առևտրի վրա: Այս երեք հիմնական ոլոտներից բացի կվարկավորվեն նաև ագրոարդյունաբերական հատվածը, տրանսպորտի և կոմունիկացիոն ոլորտները: Ինչպես և 2010 թվականին, 2011 թվականին բնակարանային շինարարության ֆինանսավորման հարցերում կցուցաբերենք պահպանողական և հավասարակշռված մոտեցումներ:
Ելնելով բանկի ամբիցիոզ պլաններից հետաքրքիր կլիներ իմանալ թե որքանո՞վ կավելանա բանկի հաճախորդների բազան, ինդհանրապես, իսկ մասնավորապես` ավանդների և վարկերի գծով:
Այո, նոր պրոդուկտների ներդրման հետ կապված մեր պլանները թույլ կտան մեծացնել հաճախորդների բազան: Ռազմավարական պլանը նախատեսում է 2011 թվականին ակտիվ հաճախորդների թվի ավելացում, մինչև 36 հազար: Ընդ որում, հիմնական շեշտը կդրվի սպասարկման որակին: Մեր բանկի հիմնական առանձնահատկությունն այն է, որ մենք մանրածախ բանկ չենք և հետևաբար, չենք կարող մեզ թույլ տալ մանրածախ հաճախորդների զանգվածային սպասարկում:
Դեռևս 2010 թվականին տեղեկություններ էին պտտվում, որ ռուսական Խնայբանկը մտադիր է գնել «Տրոյկա Դիալոգ» ներդրումային ընկերությունը: 2011 թվականի մարտի 11ին այդ մասին պաշտոնապես հայտարարվեց: Ամերիաբանկի բաժնետերն է «Տրոյկա Դիալոիգի» հետ փոխկապակցված TDA Holdings Limited ընկերությունը: «Տրոյկա Դիալոգի» վաճառքն ինչ-որ ձևով կանդրադառնա՞ Ամերիաբանկի գործունեության վրա:
Առաջինը, «Տրոյկա Դիալոգը» Ամերիաբանկի հետ ուղղակի իրավաբանական կապ չունի: Իրավաբանորեն, այս երկու կառույցները փոխկապակցված են Ռուբեն Վարդանյանի միջոցով: Հետևաբար, Տրոյկայի վաճառքից հետո Ամերիաբանկի բաժնետերերի, ինչպես նաև ղեկավարության կազմում փոփոխություններ չեն լինի: Երկրորդ, հարկ է նշել, որ երկու խոշոր ֆինանսական կառույցների միավորումը նոր հնարավորություններ կստեղծի Ամերիաբանկի համար: Խնայբանկը հանդիսանումէ Ռուսաստանի, Կենտրոնական և Արևելյան Եվրոպայի խոշորագույն բանկը, որի աշխատակիցների թիվը հասնում է 240 հազարի: Նշված գործարքը կստեղծի նոր ռուսական հզոր կորպորատիվ-ներդրումային բանկ:
Ամերիաբանկը, որը կարճ ժամկետներում հիմնական ֆինանսական արդյունքներով կարողացավ հայտնվել առաջատարների շարքում, այսուհետ նույնպես կշարունակի իր դինամիկ աճը: Միևնույն ժամանակ, «Տրոյկա Դիալոգի» և Խնայբանկի միջև գործարքը կարող է մեզ համար նոր հեռանկարներ բացել բիզնեսի վարման նոր տեխնոլոգիաների ներդրման ոլորտում:
Կարինա Մելիքյան
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները