Երկուշաբթի, 2 Մայիսի 2011 14:57

Հայաստանի դրամական բազան 2011 թվականի առաջին եռամսյակում աճել է 9.3%

ԱրմԻնֆո. Հայաստանի դրամական բազան 2011 թվականի մարտին աճել է 5%, 2011 թվականի ապրիլի 1-ի դրությամբ կազմելով 506.3 մլրդ.դրամ կամ 1.37 մլրդ. դոլար: Ըստ ՀՀ Ազգային վիճակագրական ծառայությունից ԱրմԻնֆո գործակալությանը տրամադրված` ՀՀ ԿԲ նախնական տվյալների, տարվա կտրվածքով Հայաստանի դրամական բազան տարվա կտրվածքով աճել է 8.8%, իսկ հունվար-մարտին` 9.3%:

Դրամական բազայի կազմում բանկային համակարգից դուրս կանխիկ դրամական միջոցները հունվար-մարտին կրճատվել են 0.2%, ապրիլի 1-ի դրությամբ կազմելով 312.4 մլրդ. դրամ: Տարվա կտրվածքով այս ցուցանիշն աճել է 13%: Դրամական պարտադիր պահուստների տեսակարար կշիռը դրամական բազայի ընդհանուր ծավալներում կազմել է 19% կամ 96 մլրդ.դրամ, աճելով հունվար-մարտին 44.1%, իսկ տարվա կտրվածքով` 3.5 անգամ: Պարտադիր արտարժութային պահուստների բաժինը կազմել է դրամական ընդհանուր բազայի 16.2%-ը կամ 82.3 մլրդ. դրամ, մարտին աճելով 31.6%:

Աղբյուրի տվյալներով, արտաքին պահուստների չափերը 2011 թվականի հունվար-մարտին կրճատվել են 1.5%, մինչև 421.3 մլրդ.դրամ (տարվա կտրվածքով անկումը կազմել է 12%):

Ներքին ակտիվների չափերը 2011 թվականի հունվար-մարտին աճել են մոտ 2 անգամ, 2011 թվականի ապրիլի 1-ին կազմելով 85 մլրդ.դրամ: Ներքին ակտիվների կազմում կառավարության հանդեպ պահանջների գծով գրանցվել է 92.1 մլրդ.դրամի բացասական ցուցանիշ, մարտին աճելով 10.8%: Ներքին ակտիվների ընդհանուր ծավալներում բանկերի նկատմամբ պահանջների բաժինը հաշվետու ամսում կրճատվել է 0.9%, մինչև 67.2 մլրդ. դրամ: Ներքին ակտիվների կազմում ՌԵՊՈ-պայմանագրերով գործարքների ծավալը մարտին կրճատվել է 16.6%, մինչև 5.034 մլրդ. դրամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի դրամական բազան 2011 թվականի առաջին եռամսյակում աճել է 9.3%