Հինգշաբթի, 12 Մայիսի 2011 16:56
ՀՀ ԿԲ. 2010 թվականին Հայաստանում գրանցվել է 2.1 տոկոս տնտեսական աճ
Արմինֆո. 2010 թվականին Հայաստանում գրանցվել է 2.1% տնտեսական աճ: Այս մասին այսօր, ՀՀ Ազգային Ժողովում հայտարարել է ՀՀ Կենտրոնական բանկի նախագահ Արուր Ջավադյանը, ներկայացնելով 2010 թվականի դրամա-վարկային ծրագրի կատարման հաշվետվությունը:
Ինչպես նշել է Ա.Ջավադյանը, աճը հիմնականում ապահովվել է ծառայություների ոլորտի 4.6% և արդյունաբերության ոլորտի 9.5% աճի շնորհիվ: Սակայն գյուղատնտեսության ոլորտում նկատվում է աննախադեպ անկում` 13.4%: Տնտսության աճի կայունացումը նպաստել է տնտեսության վարկավորման աճին: Ընդհանուր առմամբ, 2010 թվականին Հայաստանի առևտրային բանկերի վարկային պորտֆելն աճել է 185 մլրդ.դրամով, աճելով 26.3%, իսկ ակտիվները` 235 մլրդ.դրամով, աճելով 15%-ով: Տրամադրված վարկերի կազմում զգալիորեն աճել են ՙբիզնես-վարկերը՚` 32.2%, որոնք, հիմնականում, ուղղվել են արդյունաբերական արտադրության և ծառայությունների ոլորտներին: Աճել է նաև տնային տնտեսությունների վարկավորումը` 19.8%, հիմնականում հիփոթեքային վարկերի հաշվին:
2010 թվականին նկատվել են տոկոսադրույքների իջեցման միտումներ, ինչը հնարավոր է դարձել հակաճգնաժամային միջոցառումների իրականացման ծրագրի շնորհիվ: Արդյունքում, Հայաստանի ՀՆԱ կազմում հարկերի բաժինը աճել է 3.1 տոկոսային կետով, տարեվերջին կազմելով 25.3%: Ինչ վերաբերվում է ՀՆԱ կազմում ակտիվների տեսակարար կշռին, ապա դրանք աճել են 2.6%, տարեվերջին կազմելով 44.5%: Նրա խոսքերով, ակտիվների ցուցանիշները աննախադեպ են Հայաստանի համար: Վերջին 3 տարիներին այս ցուցանիշը հավասարվում էր ընդամենը 16.6%-ի և միայն 2008 թվականին էր, որ այն գրանցել է 28% աճ:
2010 թվականի սկզբում Հայաստանում նկատվում էր ինֆլյացիայի աճի միտումներ, ինչը պայմանավորված էր նախորդ տարվանից սկսված ընդլայնողական քաղաքականության: Այստեղ վերջին դերը չեն խաղացել նաև ազգային արժույթի արժեզրկումը, ինչպես նաև կոմունալ ծառայությունների սակագները: Նման պայմաններում, 2010 թվականի սկզբին ԿԲ խստացրեց դրամա-վարկային պայմանները, 2.6% բարձրացնելով վերաֆինանսավորման տոկոսադրույքը: Երկրորդ կիսամյակում նկատվել է ինֆլյացիոն ճնշումների աճ, ինչը կապված է պարենային ապրանքների համաշխարհային գների աճի հետ, այդ թվում նաև ներքին շուկայում: Այս ամենը բերցին նրան, որ 2010 թվականին ինֆլյացիան կազմեց 9.4%, որի 7.5%-ը կազմեց պարենային ապրանքների գների աճը: Այնուամենայնիվ, տարվա երկրորդ կիսամյակում ԿԲ միջոցների խստացման չգնաց:
Նշենք, որ ԱՄՀ կանխատեսումներով, 2011 թվականին Հայաստանում տնտեսական աճը կազմել է 4.6%, իսկ ինֆլյացիան` 9.3%: ՀՆԱ նկատմամբ պետական պարտքի չաեը կազմեց 45.6%: Վերաֆինանսավորման տոկոսադրույքը ներկայումս կազմում է 8.5%:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները