Երկուշաբթի, 13 Հունիսի 2011 11:40

ProCredit Bank-ը նպատակադրվել է զարգացնել ագրովարկավորումը

ԱրմԻնֆո. ProCredit Bank-ի գործադիր տնօրենի տեղակալ Աշոտ Աբրահամյանի հարցազրույցը ԱրմԻնֆո գործակալությանը

Ինչո՞վ էր պայմանավորված ծրագրին մասնակեցելու վերաբերյալ բանկի որոշումը, եթե հաշվի առնենք այն հանգամանքը, որ գյուղատնտեսության ոլորտը բանկի համար առաջնահերթություն չի հանդիսանում:

ProCredit Bank-ը ագրովարկավորումն սկսեց 2009 թվականի չորրորդ եռամսյակում: Եվ այդ ոլորտը մեզ համար դարձավ վարկավորման առաջնահերթ ուղղություններից մեկը, հաշվի առնելով տնտեսության զարգացման համար գյուղատնտեսության հատվածի տնտեսական և սոցիալական նշանակությունը, ինչպես նաև ագրարային հատվածի տեսակարար կշիռը տնտեսության մեջ: Մեր կարծիքով, գյուղվարկավորման ոլորտում մրցակցության աճը պետք է դրական ազդեցություն ունենա վարկային ոլորտի վրա:

Ծրագրի շրջանակներում բանկի կողմից ինչպիսի՞ ծավալների վարկեր են հաջողվել արդեն տրամադրել և ինչպիսի՞ սահմանագիծ է նախատեսված մինչև տարեվերջ:

Ծրագրի շրջանակներում բանկը գյուղվարկեր է տրամադրում իր 4 մասնաճյուղերից և, չնայած այն բանին, որ բանկը համեմատաբար ուշ միացավ ծրագրին, ընդհանուր պորտֆելը կազմեց մոտ 170 մլն.դրամ, հաստատված հայտերի հետ միասին: Մինչև տարեվերջ ծրագրի ֆինանսավորման առկայության դեպքում, նախատեսվում է պորտֆելը մեծացնել մինչև 10.2 մլրդ.դրամ:

Իսկ դրա շնորհիվ ինչքանո՞վ աճեց բանկի վարկային ընդհանուր պորտֆելը և, մասնավորապես, գյուղվարկերի բաժինը:

Ագրովարկերի բաժինը բանկի վարկային պորտֆելում այսօր կազմում է 9%: Ընդհանուր առմամբ, 2011 թվականին մենք մտադիր ենք գյուղվարկավորման պորտֆելը հասցնել 2 մլրդ. դրամի:

Ինչպե՞ս եք կարգավորում գյուղատնտեսական վարկավորման ոլորտի ռիսկերը:

Ագրոբիզնեսը, որպես վարկային ներդրումների ամենառիսկային ոլորտներից մեկը, հատուկ մոտեցումներ է պահանջում: Այստեղ կարևոր է ագրոնախագծերի ֆինանսավորման բարձր պրոֆեսիոնալիզմը (ինչը ներառում է ագրոտեխնոլոգիաների վերաբերյալ գիտելիքները, ագրոբիզնեսի ֆինանսավորման առանձնահատկությունները, մեր բնակչության ագրոավանդույթները), ինչպես նաև այդ ոլորտի զարգացման կարևորության գիտակցումը, ինչպես առանձին ընտանիքի, այնպես էլ երկրի մասշտաբով: Մենք առանձին հաճախորդի բիզնեսի կամ տնային տնտեսության ընթացիկ վիճակի ֆինանսական վերլուծություն ենք իրականացնում, գնահատելով զարգացման պոտենցիալը և առաջարկում վարկավորման օպտիմալ պայմաններ:

Մտադի՞ր է արդյոք բանկը ներգրավվել նոր, այդ թվում միջազգային կառույցների վարկային ծրագրերում, կա՞մ վերցնել սուբօրդինացված վարկ:

Անցած 6 ամիսներին միջազգային ֆինանասական կազմակերպութուններից մենք ներգրավեցինք 10 մլն.դոլար: Մինչև տարեվերջ մտադիր ենք ՓՄՁ վարկավորման նպատակով ներգրավել լրացուցիչ միջոցներ:

Նախատեսո՞ւմ է արդյոք բանկը կապիտալի հերթական ավելացում, եթե այո, ապա ե՞րբ և որքանո՞վ:

Ընթացիկ տարում կանոնադրական կապիտալի մեծացում մենք չենք նախատեսում, քանի որ այն բավարար է վարկային պորտֆելի նախատեսված աճն ապահովելու համար: Սակայն, հաջորդ տարիներին մտադիր ենք մեծացնել կաոնադրական կապիտալը, հնարավոր է, որ նախատեսված զարգացումն ապահովելու համար ներգրավենք նաև սուբօրդինացված վարկեր:

Պատրաստվո՞ւմ է արդյոք բանկը մասնակցել սպառողական վարկավորման շուկային:

Ներկայումս ProCredit Bank-ը ֆիզիկական անձանց առաջարկում է բնակարանի վերանորոգման ու բարեկարգման վարկեր: Վերջերս սկսել ենք տրամադրել կենցաղային տեխնիկայի և կահույքի գնման, կրթության, ինչպես նաև անձնական պահանջների համար նախատեսվող վարկեր: Սպառողական վարկավորման հիմնական նպատակային խումբը մեզ համար առաջին հերթին մեր այն հաճախորդներն են, որոնք օգտվում են մեր բանկային համալիր ծառայություններից:

Բնակարանի վերանորոգման և կենցաղային պայմանների բարելավման նպատակով վարկերը տրամադրվում են 11 մլն.դրամի սահմաններում, կամ արտարժութային համարժեքով, 5 տարի մարման ժամկետով: Մինչև 1.5 մլն.դրամ սպառողական վարկերը բանկը տրամադրում է առանց գրավի` միայն երաշխավորագրի հիման վրա:

Ինչպիսի՞ն են բանկի պլաները կապված մասնաճյուղերի ցանցի ընդլայնման հետ:

2011 թվականին մենք նախատեսում ենք մեծացնել մասնաճյուղերի ցանցը, քանի որ Երևանի բոլոր համայնքներում և Հայաստանի բոլոր մարզերում մեր ներկայությունը բանկի համար ունի ռազմավարական նշանակություն: Առաջիկայում մասնաճյուղեր կբացվեն Կոմիտասի և Տիգրան Մեծի պողոտաներում: Երկու մասնաճյուղերն էլ բանկային համապարփակ ծառայություններ կմատուցեն ինչպես ֆիզիկական, այնպես էլ իրավաբանական անձանց:

Ինչպե՞ս եք գնահատում ինտերնետ-բանկինգի նկատմամբ պահանջարկը:

Այդ ծառայությունը բանկը մատուցում է 2010 թվականի նոյեմբերից և դրա պահանջարկը մշտապես աճում է: Կարևոր է նշել, որ բանկին ներկայացված on-line ռեժիմով վճարային հանձնարարագրերի քանակը կազմում է ընդհանուր ծավալի 20-25%-ը: Հաշվի առնելով այս ծառայության ընդլայնման ներուժը, բանկը շարունակում է կատարելագործել այդ պրոդուկտի ֆունկցիոնալ հնարավորությունները և գտնում է, որ օգտվողների թիվը հետագայում կավելանա:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

ProCredit Bank-ը նպատակադրվել է զարգացնել ագրովարկավորումը