Երեքշաբթի, 14 Հունիսի 2011 20:08
IFC-ն ԱԿԲԱ-Կրեդիտ Ագրիկոլ Բանկին կտրամադրի ամերիկյան դոլարով արտահայտված տոկոսադրույքի սվոպ և արտաարժույթային սվոպներ
Արմինֆո. Երևան, Հայաստան, հունիսի 14, 2011թ.— Համաշխարհային բանկի խմբի անդամ IFC-ն և ԱԿԲԱ-Կրեդիտ Ագրիկոլ Բանկը ստորագրել են ISDA master միջազգային համաձայնագիր: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, պայմանագիրը թույլ կտա բանկին արդյունավետ կերպով կառավարել արժույթային և տոկոսադրույքի ռիսկերը` բարձրացնելով բանկի շահութաբերությունը և մրցունակությունը:
Ըստ վերոհիշյալ համաձայնագրի` IFC-ն ԱԿԲԱ-Կրեդիտ Ագրիկոլ Բանկին կտրամադրի ամերիկյան դոլարով արտահայտված տոկոսադրույքի սվոպ և արտաարժույթային սվոպներ, որը հնարավորություն կտա բանկին նվազեցնել փոխառու միջոցների տոկոսադրույքի ռիսկերը, ինչպես նաև, եվրոյով արտահայտված ավանդային բազայի արտարժույթի ռիսկը և ավանդային պրոդուկտների ավելի մեծ տեսականի տրամադրելու իր հաճախորդներին:
Համաձայնագիրը IFC-ի ռազմավարության մասն է կազմում, որի նպատակն է Եվրոպայում և Կենտրոնական Ասիայում ներկայացնել նոր պրոդուկտներ` ռիսկերի կառավարման կարողությունների բարելավման նպատակով:
ՙԱյս գործընթացը կօգնի մեզ ընդլայնել ռիսկերի կառավարման կարողությունները, ինչն առանձնահատուկ կարևորություն ունի հետճգնաժամային ժամանակաշրջանում՚, ասել է Ստեփան իշյանը, ԱԿԲԱ-Կրեդիտ Ագրիկոլ Բանկի գործադիր տնօրենը:
ՙԱյս նորարարական գործիքը կաջակցի Հայաստանում մեր վստահելի գործընկեր` ԱԿԲԱ-Կրեդիտ Ագրիկոլ Բանկին, օժանդակելով հետճգնաժամային աճի ընթացքում: Սա IFC-ի կողմից հաճախորդներին տրամադրվող առավել օգտակար ծառայությունների վառ օրինակ է՚,-ասել է IFC-ի Կովկասյան տարածաշրջանի ղեկավար` Թոմաս Լյուբեքը:
2003թ. IFC-ն համագործակցելով ԱԿԲԱ-Կրեդիտ Ագրիկոլ Բանկի հետ` ստեղծեցին Հայաստանի պատմության մեջ առաջին անգամ լիզինգային գործառնությունների մեջ մասնագիտացված ՙԱԲԱ-լիզինգ՚ վարկային կազմակերպությունը: 2011թ. մարտին IFC-ն 20 միլիոն ԱՄՆ դոլար արժողությամբ վարկ տրամադրեց ԱԿԲԱ-Կրեդիտ Ագրիկոլ Բանկին` նպաստելու տեղական փոքր և միջին ձեռնարկությունների ֆինանսավորման հնարավորությունների ընդլայմանը:
Հայաստանը անդամակցել է IFC-ին 1995 թվականին: Առ այսօր 110 մլն ԱՄՆ դոլարի ներդրումներ է կատարել 24 ծրագրերում` աջակցելով ֆինանսական շուկաների, ընդհանուր արտադրության, էներգետիկայի և հանքարդյունաբերության ոլորտներում: IFC-ի խորհրդատվական ծառայություններն իրականացվում են այնպիսի ծրագրերի միջոցով, որոնք ուղղված են ֆինանսական հատվածին, կայուն էներգետիկայի և ներդրումային միջավայրի կանոնակարգման դաշտի պարզեցմանը:
Համաշխարհային բանկի խմբի անդամ IFC-ն զարգացող երկրներում համաշխարհային զարգացման ամենախոշոր հաստատությունն է, որի ուշադրությունն ուղղված է մասնավոր հատվածին: Մենք մարդկանց համար ստեղծում ենք աղքատությունից խուսափելու և կենսամակարդակը բարելավելու հնարավորություններ: Մենք այդ անում ենք տրամադրելով ֆինանսավորում, որով աջակցում ենք գործարարներին ավելի ու ավելի շատ մարդկանց աշխատանքով ապահովելու և ծառայություններ մատուցելու գործում, համախմբելով կապիտալն այլ աղբյուրներից և տրամադրելով խորհրդատվական և ռիսկերի կառավարման ծառայություններ` ապահովելու կայուն զարգացում: Համաշխարհային տնտեսության համար անկայուն ժամանակներում մեր նոր ներդրումները 2009թ.-ի ֆինանսական տարում հասան ռեկորդային 18 միլիարդ դոլարի:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները