Հինգշաբթի, 30 Հունիսի 2011 17:37

Հայաստանի բանկերի վարկային պորտֆելը մայիսին աճել է 4.2%, մինչև 2.9 մլրդ.դոլար

ԱրմԻնֆո: Հայաստանի առևտրային բանկերի վարկային ներդրումների ծավալը 2011 թվականի մայիսին աճել է 4.2%, հունիսի 1-ին կազմելով 1.089 տրլն. դրամ կամ 2.9 մլրդ.դոլար, տարվա կտրվածքով աճելով 37.8%, իսկ հունվար-մայիս ամիսներին` 15.7%: Առանց երկարաձգված և ժամկետանց վարկերի, վարկային ներդրումների ընդհանուր ծավալը ապրիլին կազմել է 1.043 տրլն.դրամ կամ 2.8 մլրդ.դոլար:

ՀՀ Ազգային վիճակագրական ծառայության կողմից Արմինֆո գործակալությանը տրամադրված`ՀՀ ԿԲ նախնական տվյալներով, առևտրային բանկերի վարկային ընդհանուր պորտֆելում (առանց երկարաձգված և ժամկետանց վարկերի) ՀՀ դրամով վարկերի բաժինը կազմել է 40.2% կամ 419.8 մլրդ.դրամ, իսկ արտարժույթով վարկերի բաժինը` 59.8% կամ 623.3 մլրդ.դրամ: 2011 թվականի մայիսին դրամային վարկավորումը աճել է 3.7% (տարվա կտրվածքով` աճել է 9.5%), արտարժութային վարկերը` 4.7%:

Առևտրային բանկերի վարկերի կազմում, 2011 թվականի հունիսի 1-ի դրությամբ երկարաձգված վարկերի տեսակարար կշիռը կազմել է 3.8% կամ 41.6 մլրդ.դրամ, իսկ ժամկետանց վարկերի տեսակարար կշիռը մայիսին աճել է 1.2%, իսկ ժամկետանց վարկերի ծավալը` 7.4%:

Երկարաձգված վարկերի կազմում 58.4% կամ 24.3 մլրդ.դրամ կազմել է կարճաժամկետ վարկերի ծավալը: Իսկ ժամկետանց վարկերի պորտֆելում կարճաժամկետ վարկերի ծավալը կազմել է 99.3%:

Աղբյուրի համաձայն, 2011 թվականի մայիսին Հայաստանի առևտրային բանկերի դրամային վարկերի տոկոսադրույքներն աճել են`17.01%-ից մինչև 17.62%, իսկ տարվա կտրվածքով իջել են 2.4 տոկոսային կետով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի բանկերի վարկային պորտֆելը մայիսին աճել է 4.2%, մինչև 2.9 մլրդ.դոլար