Ուրբաթ, 1 Հուլիսի 2011 10:38
Սամվել Ճզմաչյան. Մեր ակնկալիքները հիմնականում կախված են բանկային հարակից իրավիճակից
ԱրմԻնֆո. Անելիք Բանկի Վարչության նախագահ Սամվել Ճզմաչյանի հարցազրույցը ԱրմԻնֆո լրատվական գործակալությանը
Պրն.Ճզմաչյան, կուզենայի հարցազրույցն սկսել շնորհավորելով Ձեզ Անելիք Բանկի նոր գլխամասային գրասենյակի բացման առթիվ և հարցնել, ե՞րբ եք պատրաստվում վերջնականապես տեղափոխվել նոր շենք: Չէ՞ որ ներկայումս, ինչպես հայտնի է, նոր գլխամասային գրասենյակում աշխատում է բանկի աշխատակիցների միայն մի մասը:
Շնորհակալություն: Իրոք, արդեն 2 ամիս է, որ մեր աշխատակիցների մի մասն աշխատում է գլխամասային գրասենյակի նոր շենքում, Վարդանանց փողոցում, իսկ գործառնական մասը դեռևս շարունակում է գործել Բաղրամյան 75 հասցեում, քանի որ նոր շենքը դեռ ամբողջովին վերանորոգված չէ: Խոսքը գնում է առաջին հարկի մասին, կամ 3500 քառ.մետր ընդհանուր մակերեսի 500 քառ.մետր տարածքի մասին: Թե երբ շենքն ամբողջովին կլինի պատրաստ աշխատանքին և պաշտպանությանը, դժվար է ասել, քանի որ դա կախված է շինարարների աշխատանքից: Կարևոր է, որ շենքի առաջնամասն ամբողջովին պահպանվի: Մենք արմատապես փոխել ենք ինտերյերը, որն ստացվել է բավականին գեղեցիկ: Ի դեպ, կարող եմ հպարտանալ նաև նրանով, որ դիզայներական գաղափարների մի մասն ինձ են պատկանում:
Լիբանանցի նոր բաժնետերերի հայտնվելով Անելիք Բանկը ոչ միայն որոշեց փոխել գլխամասային գրասենյակը, այլ նաև զգալիորեն բարելավեց հիմնական ցուցանիշները, չնայած, որ դա ճգնաժամի փուլում էր: Ինչպիսի՞ն են այսօր բանկի ցուցանիշներն ու ակնկալիքները:
Իրոք, լիբանանյան Credit Bank-ի հայտնվելով, առաջին հերթին, փոխվեցին բանկի ծավալները: Եթե մինչ լիբանանյան բանկի մուտքը մեր բաժնետիրական կապիտալը կազմում էր 15 մլն.դոլար, ապա այսօր այն անցնում է 41 մլն.դոլարից: Նոր բաժնետերերը բանկի կապիտալ մուտք գործեցին ինչպես Անելիք Բանկի, այնպես էլ Հայաստանի ողջ բանկային համակարգի համար դժվարին, ճգնաժամային փուլում, ինչը մինչև այսօր էլ, ինչ-որ առումով, դեռ շարունակվում է: Բայց, իմ կարծիքով, 2011-2013 թվականները կլինեն ճգնաժամի հետևանքներից մաքրվելու տարիներ, այդ թվում նաև բանկային համակարգի համար: Դրա համար էլ կարծում եմ, որ 2013 թվականի կեսերից Հայաստանի բանկերում կսկվի դիտվել լուրջ աճ, եթե իհարկե, նորից մի նոր բան տեղի չունենա համաշխարհային ֆինանսական համակարգում: Ինչ վերաբերվում է մեր ակնկալիքներին, ապա դրանք հիմնականում կախված են բանկային հարակից իրավիճակից, որը մեզ, ինչպես նաև մյուս բանկերին, թույլ չի տալիս ամբողջությամբ դրսևորել մեր ներուժը: Այնուամենայնիվ, եթե 2010 թվականը եզրափակեցինք վարկային պորտֆելի 29 մլրդ.դրամ ցուցանիշով, ապա մինչև տարեվերջ այդ ցուցանիշը մտադիր ենք հասցնել 41 մլրդ.դրամի: Ընդ որում, այսօր արդեն հասել ենք վարկային պորտֆելի 37 մլրդ.դրամ ցուցանիշին, որը հավասարաչափ բաշխված է դրամային և դոլարային վարկերի միջև: Ռազմավարական խնդիրներից մեկն էլ տեսնում ենք վարկային պորտֆելում խոշոր վարկերի բաժնի կրճատման և ՓՄՁ վարկավորման բաժնի ավելացման միջոցով պորտֆելի աճի ապահովում: Չէ որ գաղտնիք չէ, որ ՓՄՁ վարկերը տրամադրվում են բանկի համար ավելի ձեռնտու պայմաններով, քան խոշոր բիզնեսի վարկերը: Կուզենայի ուշադրություն դարձնել նաև այն հանգամանքի վրա, երբ 12-13% սակագներով ավանդներ ներգրավելիս 9-10%-ով վարկեր են տրամադրվում, ինչն իմ կարծիքով աբսուրդային է: Ստացվում է, որ բանակային համակարգն աշխատում է որ թե իրեն, այլ ուրիշի համար:
Միևնույն ժամանակ, նախատեսում ենք մինչև տարեվերջ մեծացնել բանկի ակտիվների չափերը` մինչև 70-71 մլրդ.դրամ, իսկ 2011 թվականի արդյունքներով ապահովել 800 մլն. դրամի շահույթ, այն ժամանակ, երբ 2010 թվականին այն կազմել է մոտ 500 մլն.դրամ:
Գաղտնիք չէ, որ Անելիք Բանկը միշտ էլ հետաքրքրությամբ է մասնակցել միջազգային կառույցների ծրագրերին, և այդ միտումները մենք կշարունակենք նաև ընթացիկ տարում, որպես որպես հիմնական ֆինանսական ցուցանիշների մեծացման ուղղությամբ իրականացվող լրացուցիչ քայլ: Մասնավորապես, անցյալ տարվա վերջին Եվրոբանկի հետ ստորագրված վարկային ծրագրերի շրջանակներում այս տարի ակնկալում ենք երկու ծրագրերով ստանալ 9 մլն.դոլար: Բացի այդ, նոր ռեսուրսներ ներգրավելու նպատակով ներկայումս բանակցում ենք IFC-ի, Ասիական Զարգացման Բանկի և EFSE-ի (հանդիսանում է KfW անդամ - Խմբ.) հետ: Արդյունքում, եթե մինչև տարեվերջ մեզ հաջողվի միջազգային ներդրողներից ստանալ մինչև 50 մլն.դոլար, ապա դա կլինի իդեալական:
Պրն.Ճզմաչյան, վերջին ժամանակները լիբանանյան գործարարները հատուկ հետաքրքրություն են ցուցաբերում Հայաստանի նկատմամբ: Իսկ Անելիք բանկն իր լիբանանյան բաժնետիրոջ շնորհիվ ձեռնարկե՞լ է արդյոք արաբական գործարարների հետ համագործակցության քայլեր, ինչպե՞ս էր դա նախատեսվել Credit Bank կողմից կապիտալին անդամակցելիս:
Համաձայն եմ, որ հայկական շուկայի նկատմամբ լիբանանցիների հետաքրքրությունը վերջին տարում նկատելիորեն աճել է: Դա պայմանավորված է մի քանի գործոններով: Մի կողմից, լիբանանյան շուկան հանդիսանում է ֆինանսական և բանկային հնագույն կենտրոն, որն այսօր ցուցադրում է ակտիվ աճ, և ամենայն հավանականությամբ, ելնելով զուտ քաղաքական իրականությունից ու ռիսկերից, լիբանանցիները ձգտում են իրենց ռեսուրսները հանել նաև երկրի սահմաններից դուրս: Հարց է առաջանում, իսկ ինչո՞ւ ոչ` դեպի Հայաստան: Չէ որ լիբանանյան քրիստոնյաներն իրենց մենտալիտետով շատ մոտ են հայերին, իրենց ժողովրդի պատմության մեջ նույնպես ունենալով կորուստներ: Լիբանանում կա հայկական մեծ Սփյուռք, լիբանանցիները խելամիտ են և հայերից մի փոթր խորամանկ: Ինչ վերաբերվում է Անելիք Բանկի կողմից արաբական երկրներ դուրս գալուն, ապա այդ ուղղությամբ աշխատանքները շարունակվում են: Սակայն, իրականում, դա շատ դժվար է միանգամից իրականացնել, քանի որ արաբական բանկային համակարգը, լինելով շատ ուժեղ, պահպանողական մոտեցումների կողմնակից է: Եվ դա զարմանալի չէ, եթե նրանք ուժեղ են, ապա ինչու համար ինչ-որ բան փոխել: Այնուամենայնիվ, եթե, ինչպես մեր բաժնետերերն են խոստացել, մեզ հաջողվի դուրս գալ արաբական շուկաներ, ապա հետագայում նրանց միջոցով մենք կարող ենք հասնել չինական ու հնդկական շուկաներին:
Շուկաների ընդլայնումը նախատեսվում է դրամական փոխանցումների Անելիք համակարգի միջոցո՞վ, որը հանդիսանում է Ձեր բանկի գործունեության բացառիկ հաղթաձին:
Այդ թվում նաև մեր սեփական Անելիք համակարգի միջոցով, որի շրջանակներում Հայաստանում տրանսֆերտների բաժինը կազմում է ընդամենը 10%, քանի որ մեզնից առաջ են Ռուսաստանը, Վրաստանը, Ուզբեկստանը, Ուկրաինան և անգամ Տաջիկստանը: Իրոք, Անելիք համակարգի միջոցով իրականացվող փոխանցումները միշտ էլ եղել են մեր բանկի հիմնական հաղթաձին`1997-2003 թվականներին, հետագայում զիջելով այդ դիրքերը այլ ծառայություններին: Չնայած, այսօր կարելի է վստահորեն հայտարարել, որ Անելիք Բանկը հանդիսանում է Հայաստանում փոխանցումների սեփական համակարգ ունեցող միակ բանկը: Իհարկե, կան նաև այլ լավ աշխատող դրամական փոխանցումների համակարգեր, այդ թվում UNIStream-ը, սակայն այն չի հանդիսանում հայկական բանկի սեփականություն:
Ուրախացնում է նաև այն, որ հիմնական ցուցանիշների աճին զուգահեռ, ընթացիկ տարում կան Անելիք համակարգի շրջանառությունը 20-30%-ով ավելացնելու բոլոր նախադրյալները, հասցնելով մինչև 1.2-1.3 մլրդ.դրամի, իսկ 2012-2013 թվականներին` 2008 թվականին գրանցված 2 մլրդ.դրամին: Չէ որ, ինչպես գիտեք, Անելիք համակարգի, շրջանառությունը 2009 թվականից ի վեր կրճատվեց 40%, չնայած, որ դա տեղի ունեցավ նաև դրամական փոխանցումների այլ համակարգերի մոտ:
Ի տարբերություն մյուս բանկերի, Անելիք Բանկն, ունենալով բազմամյա փորձ, այնքան էլ ակտիվ չէ մասնաճյուղերի ընդլայնման հարցում: Ինչո՞վ է դա պայմանավորված:
Եթե նկատել եք, Անելիք Բանկի բոլոր 11 մասնաճյուղերն էլ ներկայացված են Երևանի տարբեր համայնքներում և մայրաքաղաքին մոտ գտնվող խոշոր քաղաքներում, քանի որ մենք մեզ դիրքավորում ենք որպես քաղաքային բանկ, ինչի մասին է վկայում նաև գյուղատնտեսական վարկավորման մեր ոչ մեծ` 500 մլն.դրամի, պորտֆելը: Իհարկե, մենք կարող ենք անվերջ նոր մասնաճյուղեր բացել, սակայն, մեզ համար որակը քանակից կարևոր է: Մեր յուրաքանչյուր մասնաճյուղի մակերեսը կազմում է միջին հաշվով 300-400 քառ.մետր, իսկ կրպակի չափերի տարածքը մասնաճյուղ անվանելը, որտեղ ընդամենը մի-երեք հոգի է աշխատում, պարզապես`սոլիդ չէ:
Լիլիթ Ասլանյան
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները