Չորեքշաբթի, 6 Հուլիսի 2011 15:44

Հայաստանի համախառն արտաքին պարտքը 2011 թվականի առաջին եռամսյակում աճել է 4.4%, հասնելով 6.6 մլրդ.դոլարի

ԱրմԻնֆո: Հայաստանի համախառն արտաքին պարտքը 2011 թվականի առաջին եռամսյակում աճել է 4.4% կամ 275.87 մլն.դոլար, 2011 թվականի ապրիլի 1-ի դրությամբ հասնելով 6564.39 մլն.դոլարի, եռամսյակի կտրվածքով աճելով 10% կամ 251.13 մլն.դոլարով: Արդյունքում, արտաքին մաքուր պարտքը հաշվետու եռամսյակում աճել է 0.7% կամ 24.74 մլն.դոլարով, կազմելով 3790.98 մլն/դոլար:

Ըստ ՀՀ ֆինանսների նախարարության տվյալները, որոնք Արմինֆո գործակալությանն են տրամադրվել ՀՀ Ազգային վիճակագրական ծառայությունից, արտաքին համախառն պարտքի կազմում 42.86% կազմել է պետկառավարման համակարգի բաժինը, 18.70%`առևտրային բանկերի բաժինը, 17.06%` մասնավոր հատվածի բաժինը, 11.05%` դրամավարկային կարգավորման մարմինների բաժինը, 10.33%` ուղղակի օտարերկրյա ներդրումների բաժինը, որոնք ստացվել են տնտեսության տարբեր ոլորտների ձեռնարկություններին տրամադրված վարկերի տեսքով: Ընդ որում, առևտրային բանկերով կարճաժամկետ վարկերով պարտքը կրճատվել է 9%, մինչև 66.48 մլն.դոլար, իսկ երկարաժամկետ վարկերով աճել է 8%, մինչև 627.76 մլն.դոլար:

ՀՀ ֆինանսների նախարարության վերջնական տվյալներով, 2010 թվականի դեկտեմբերի 31-ի դրությամբ արտաքին պարտքը կազմել է 6288.50 մլն.դոլար, համախառն արտաքին ակտիվները` 2522.26 մլն.դոլար, ինչի արդյունքում արտաքին մաքուր պարտքը գրանցվել է 3766.24 մլն.դոլար: 2010 թվականի ապրիլի 1-ի դրությամբ արտաքին համախառն պարտքը կազմել է 5149.11 մլն.դոլար, արտաքին համախառն ակտիվները` 2481.32 մլն.դոլար, ինչի արդյունքում, արտաքին մաքուր պարտքը կազմել է 2667.79 մլն.դոլար: Հայաստանի ՀՆԱ 2011 թվականի առաջին եռամսյակի արդյունքներով կազմել է 615.9 մլրդ.դրամ կամ 1.7 մլն.դոլար, 1.2% տարեկան աճով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի համախառն արտաքին պարտքը 2011 թվականի առաջին եռամսյակում աճել է 4.4%, հասնելով 6.6 մլրդ.դոլարի