Ուրբաթ, 8 Հուլիսի 2011 17:29
Ամերիաբանկն արժանացել է Euromoney-ի Գերազանցության մրցանակին, որպես Հայաստանի լավագույն բանկ
Արմինֆո. Ամերիաբանկն արժանացել է Euromoney-ի Գերազանցության մրցանակին, որպես Հայաստանի լավագույն բանկ:
Ամերիաբանկի մանրածախ մարկետինգի տնօրեն Վազրիկ Սեկոյանն այսօր հրավիրված մամուլի ասուլիսում տեղեկացրել է, որ պարգևատրման պաշտոնական արարողությունը նախատեսված է հուլիսի 7-ին, Լոնդոնում:
ՙEuromoney-ը Ամերիաբանկին ճանաչել է հաղթող հաշվի առնելով մի շարք չափանիշներ, այդ թվում, բանկի արդյունավետ կառավարումը, ընդլայնումը տեղական շուկայում, նոր ծառայությունների ներդրումը, այդ թվում, գնման պատվերի ֆինանսավորումը, դասական ֆակտորինգը, ստրուկտուրային ավանդը, երկու առևտրային համակարգերի ներդրումը` Ameria Global Trading և Web Trader՚,-նշել է Վ.Սեկոյանը: Բացի այդ, նրա խոսքերով, հաշվի է առնվել նաև Կասկադ Բանկի հետ հաջող միավորումը, բանկի զարգացման տեմպերը, ակտիվների, պարտավորությունների, կապիտալի որակը, միջազգային ֆինանսական կառույցների հետ համագործակցությունը, մասնավորապես, նրանցից ռեսուրսների ներգրավումը և դրանց հաջող տեղաբաշխումը:
Իր հերթին, Ամերիաբանկի զարգացման տնօրեն Տիգրան Ջրբաշյանն, ընդգծելով մրցանակի ստացման կարևորությունը, հույս է հայտնել, որ բանկի գործունեությունը արժանին կգնահատվի նաև մյուս համաշխարհային հեղինակավոր ամսագրի` Financial Times-ի կողմից:
Euromoney ամսագիրը սկսած 1992 թվականից Գերազանցության 25 մրցանակներ է շնորհում աշխարհի ավելի քան 100 երկրների բանկային գործի առաջատարներին: Սկզբում Euromoney բանկերին խնդրում է ուղարկել տարեկան հաշվետվությունները, այնուհետև հարցումներ է անցկացնում նրանց ազգային ու օտարերկրյա գործընկերների հետ: Հարցման արդյունքներով կազմվում է կրճատ-թերթիկը, որտեղ հետագայում մնում են 3-4 բանկեր: Դրանցից ժյուրին ընտրում է հաղթողներին: Հաշվի են առնվում նաև պրոֆեսիոնալ մենեջմենտի և աշխատակազմի որակական ասպեկտները, հաշվեկշիռը և վերջին տարվա գործարքները:
Ըստ ԱրմԻնֆո գործակալության կողմից կազմած`Հայաստանի առևտրային բանկերի Ռենկինգի, 2011 թվականի ապրիլի 1-ի դրությամբ Ամերիաբանկը հիմնական ցուցանիշներով հանդիսանում է Հայաստանի բանկային համակարգի առաջատարը`այդ թվում, 25.5 մլրդ.դրամ կանոնադրական կապիտալով` առաջին տեղ, 32.7 մլրդ.դրամ ընդհանուր կապիտալով`երկրորդ տեղ, 160.5 մլրդ.դրամ ակտիվներով` 2 տեղ, 111.7 մլրդ.դրամ վարկային պորտֆելով` 2 տեղ, 12.1 մլրդ.դրամ պետպարտտմսերում ներդրումների ծավալներով` 3 տեղ: Բանկի վարկային պորտֆելում տնտեսության վարկավորման բաժինը կազմում է 80% կամ 89 մլրդ.դրամ`1 տեղ, որտեղ ֆիզիկական անձանց վարկավորման ծավալը կազմել է 14% կամ 15.3 մլրդ.դրամ: Բանկի վարկային ներդրումների ծավալն առաջին եռամսյակում աճել է 10%, իսկ տարվա կտրվածքով` 65%:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%