Հինգշաբթի, 14 Հուլիսի 2011 16:02

ՀՀ ԿԲ նախագահ. Փողերի լվացման դեմ արդյունավետ պայքարը կբարձրացնի երկրի ռեյտինգը

Արմինֆո. Փողերի լվացման դեմ պայքարի արդյունքում Հայաստանի պետբյուջեի օգտին 2010 թվականին բռնագանձվել է մոտ 500 մլն.դրամ, և նույնքան գումար էլ ուղղվել է վնասների փոխհատուցմանը: Այս մասին Երևանում տեղի ունեցող ՙԷգմոնտ՚ ֆինանսական հետախուզության միջազգային խմբի 19-րդ լիակազմ նիստում լրագրողներին տեղեկացրել է ՀՀ Կենտրոնական բանկի Ֆինանսական մոնիտորինգի կենտրոնի ղեկավար Դանիել Ազատյանը:

Նրա խոսքերով, նախորդ տարում Կենտրոնը իրավապահ մարմինների հետ փոխանակել է ավելի քան 50 տվյալներ: Բացի այդ, 2010 թվականին փողերի լվացման մեղադրանքներով հարուցվել է մոտ 10 քրեական գործ և ընդունվել 2 դատական վճիռ: Դ. Ազատյանի խոսքերով, 2010 թվականին օտարերկրյան ֆինանսական հետախուզություններից կենտրոնն ստացել է մոտ 80 հարցում, և միևնույն քանակի հարցումներ էլ ինքն է ուղարկել իր արտասահմանցի գործընկերներին:

Իր կողմից, ՀՀ Կենտրնական բանկի նախագահ Արթուր Ջավադյանը, ելույթ ունենալով նիստի բացման ժամանակ, հայտարարել է, որ փողերի լվացման և ահաբեկչության ֆինանսավորման դեմ արդյունավետ պայքարը կբերի Հայստանի ռեյտինգի բարձրացմանն ու միջազգային գործընկերների վստահությանը: Նրա խոսքերով, Հայաստանը մեծ տեղ է հատկացնում փողերի լվացման և ահաբեկչության դեմ պայքարին, նման կառույցների զարգացմանը երկրում, ինչպես նաև միջազգային կառույցների հետ արդյունավետ համագործակցությանը: Ա.Ջավադյանը նշել է, որ Հայաստանում, ՀՀ նախագահի հրամանագրով գործում է միջգերատեսչական մի կառույց, որտեղ ընդգրկված են փողերի լվացման դեմ պայքարի բոլոր մարմինները, այդ թվում, Գլխավոր դատախազությունը, Ազգային անվտանգության ծառայությունը, ԱԳՆ, ֆինանսների նախարարությունը, ՊԵԿ-ը, Վճռաբեկ դատարանը, ԿԲ, ինչպես նաև նապագահի աշխատակազմը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՀՀ ԿԲ նախագահ. Փողերի լվացման դեմ արդյունավետ պայքարը կբարձրացնի երկրի ռեյտինգը