Երեքշաբթի, 26 Հուլիսի 2011 19:03

ԱՐԱՐԱՏԲԱՆԿ-ը 61 տոկոսով գերազանցել է զուտ շահույթի պլանային ցուցանիշը

Արմինֆո. ԱՐԱՐԱՏԲԱՆԿ-ը 61 տոկոսով գերազանցել է զուտ շահույթի պլանային ցուցանիշը, առաջին կիսամյակի ցուցանիշներով ապահովելով 1.106 մլրդ.դրամ շահույթ: Ինչպես ԱրմԻնֆո գործակալությանը տեղեկացվել է բանկի լրատվական ծառայությունից, ԱՐԱՐԱՏԲԱՆԿԻ ակտիվները 2011թ.-ի հունիսի 30-ի դրությամբ կազմել են 68,4 մլրդ դրամ` անցած տարվա նույն ժամանակահատվածի համեմատ աճելով 60,18%-ով: Նույն ժամանակահատվածում 72,66%-ով աճել են նաև Բանկի պարտավորությունները` 2010 թվականի 33,15 մլրդ դրամի փոխարն կազմելով 57,2 մլրդ դրամ:

Փոքր և միջին բիզնեսի վարկավորումը շարունակում է մնալ Բանկի ռազմավարական առաջնահերթություններից: Այդ նպատակով Բանկը Հարավարևելյան Եվրոպայի եվրոպական հիմնադրամի (EFSE) հետ կնքել է է 10 մլն ԱՄՆ դոլարի վարկավորման պայմանագիր և ևս 752 մլն դրամ ներգրավել է Վերակառուցման և զարգացման եվրոպական բանկից (EBRD): Ընթացիկ տարում Բանկը նախատեսում է տարբեր միջազգային կառույցներից ներգրավել ևս 20 մլն ԱՄՆ դոլար, որն ուղղվելու է միկրո, ինչպես նաև փոքր և միջին բիզնեսի վարկավորմանը: Բանկի վարկային պորտֆելի ծավալը կազմել է 32,2 մլրդ դրամ` նախորդ տարվա հուլիսի 1-ի ցուցանիշի համեմատ աճելով 53,77%-ով:

Վերջին մեկ տարվա ընթացքում Բանկի ներգրաված ժամկետային ավանդներն աճել են 64,4 %-ով` կազմելով 12,9 մլրդ դրամ: Նշված ժսմանակահատվածում 41,3%-ով աճել է նաև տրամադրված պլաստիկ քարտերի քանակը, կազմելով 63 696 հատ: Մյուս կարևոր ցուցանիշը Բանկի հաճախորդների թվաքանակն է, ինչն աճել է 28,07%-ով:

Նշենք նաև, որ 2011 թվականի առաջին կիսամյակում Բանկի զուտ շահույթը կազմել է 1,106 մլն դրամ, ինչը 78%-ով գերազանցել է 2010 թվականի նույն ժամանակահատվածի ցուցանիշը և 61%-ով` 2011 թվականի առաջին կիսամյակի պլանային ցուցանիշը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ԱՐԱՐԱՏԲԱՆԿ-ը 61 տոկոսով գերազանցել է զուտ շահույթի պլանային ցուցանիշը