Չորեքշաբթի, 3 Օգոստոսի 2011 18:05

Արդշինինվեստբանկը Intel Express համակարգի շրջանակներում իջեցրել է Հայաստանից ուղարկվող դրամական փոխանցումների սակագները

Արմինֆո. Արդշինինվեստբանկը իջեցրել է Intel Express միջազգային դրամական փոխանցումների համակարգով Հայաստանից ուղարկվող դրամական փոխանցումների սակագները, մինչև 1,5%:

Ինչպես ԱրմԻնֆո գործակալությանը տեղեկացվել է Արդշինինվեստբանկի մամուլի ծառայությունից, Intel Express համակարգի հետ Արդշինինվեստբանկը համագործակցում է 2009 թվականից` փոխանցումներ իրականացնելով հիմնականում Հայաստանից դեպի եվրոպական երկրներ և հակառակ ուղղությամբ:

Աղբյուրի համաձայն, այսօր Արդշինինվեստբանկը, հանդիսանում է Հայաստանի բանկային համակարգի առաջատարներից մեկը դրամական փոխանցումների ոլորտում, ներկայումս փոխանցումներ է իրականացնում նաև MoneyGram, Contact, Migom, Բիստրայա Պոչտա, Զոլոտայա Կորոնա, RIA, Coinstar, Blizko միջազգային համակարգերով, և այս ոլորտում համագործակցում է ռուսական Ֆորա բանկի և Սբերբանկի հետ:

Ժամանակակից տեխնոլոգիաները և փորձը Արդշինինվեստբանկին հնարավորություն են տալիս մատուցել բարձրորակ բանկային ծառայություններ` ավանդների ընդունում, քարտային ծառայություններ, վարձավճարների ընդունում, հաշիվների սպասարկում, վարկերի տրամադրում, փոխանցումներ, փաստաթղթային ակրեդիտիվ, երաշխիքներ, ինկասո, գործառույթներ չեկերով, արտարժույթով, արժեթղթերով և կանխիկ դրամով:

Արդշինինվեսբանկն ունի 49 մասնաճյուղ ՀՀ-ում, 6 մասնաճյուղ` ԼՂՀ-ում և ներկայացուցչություն Փարիզում:

Բանկն արժանացել է Moody's-ի Ba1 երկարաժամկետ և Not Prime կարճաժամկետ` տեղական արժութային ավանդների, և Ba3 երկարաժամկետ և Not Prime կարճաժամկետ վարկանիշերի` արտարժութային ավանդների չափանիշներով, ինչպես նաև ֆինանսական կայունության ("BFSR") “D-” վարկանիշին:

Արդշինինվեստբանկին շնորհվել է Որակի կառավարման համակարգի միջազգային ISO 9001:2008 սերտիֆիկատ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Արդշինինվեստբանկը Intel Express համակարգի շրջանակներում իջեցրել է Հայաստանից ուղարկվող դրամական փոխանցումների սակագները