Երեքշաբթի, 9 Օգոստոսի 2011 20:04
ԿԲ խորհուրդը նորից որոշեց պահպանել վերաֆինանսավորման տոկոսադրույքը` 8.5%:
Արմինֆո. 2011 թվականի օգոստոսի 9-ի նիստում ԿԲ խորհուրդը որոշել է անփոփոխ թողնել վերաֆինանսավորման տոկոսադրույքը` 8.5%: Այս մասին ԱրմԻնֆո գործակալությանը տեղեկացվել է մամուլի ծառայությունից:
Աղբյուրի համաձայն, 2011 թվականի հուլիսին արձանագրվել է 3% գնանկում, որի արդյունքում 12-ամսյա գնաճը նախորդ ամսվա ցուցանիշի նկատմամբ նվազել է 2.2 տոկոսային կետով և կազմել 6.3%:
Խորհուրդն արձանագրել է, որ ընդհանուր գնաճային միջավայրը մեղմվում է` պայմանավորվելով ինչպես ներքին, այնպես էլ արտաքին մակրոտնտեսական զարգացումներով: Սպասվում է, որ համաշխարհային ապրանքային ու հումքային շուկաներից փոխանցվող գնաճային ճնշումները շարունակելու են նվազել: Այդուհանդերձ, համաշխարհային տնտեսությունում վերջերս ձևավորված պարտքային հիմնախնդիրները և միջազգային ֆոնդային շուկաների անկայունությունը էապես մեծացնում են զարգացած երկրների մակրոտնտեսական քաղաքականությունների կանխատեսման անորոշությունները:
Խորհուրդը համակարծիք է, որ ներքին պահանջարկի դեռևս դանդաղ տեմպերով վերականգնումը, հարկաբյուջետային զսպող քաղաքականությունը և տարեսկզբին իրականացված դրամավարկային պայմանների խստացման քաղաքականությունը ևս նպաստելու են կանխատեսվող հորիզոնում գնաճի տեմպերի շարունակական նվազմանը:
Խորհուրդն ամփոփել է, որ համաշխարհային ապրանքային ու հումքային շուկաներում և ներքին տնտեսությունում գնաճային միջավայրի թուլացման, ինչպես նաև նախորդ տարվա համեմատությամբ գյուղատնտեսության ճյուղում ավելի բարենպաստ պայմանների պահպանման արդյունքում ակնկալվում է, որ 12-ամսյա գնաճի նվազման տեմպերը կարագանան և արդեն իսկ տարեվերջին վերջինս կձևավորվի 4%±1.5 տոկոսային կետ տատանումների թույլատրելի միջակայքում` կանխատեսվող հորիզոնում կայունանալով միջակայքի ստորին հատվածում:
Չնայած վերոնշյալ ոչ գնաճային միտումներին, հաշվի առնելով համաշխարհային տնտեսությունում այսօր առկա հիմնախնդիրները` ԿԲ խորհուրդը դեռևս ձեռնպահ է մնում դրամավարկային պայմանների թուլացումից:
Հիշեցնենք, որ ՀՀ Կենտրոնական բանկի Խորհուրդը վերաֆինանսավորման տոկոսադրույքը բարձրացրել է 2010 թվականին մայիսի 11-ին` 7%-ից մինչև 7.25%, պահպանելով այն մինչև 2011 թվականի փետրվարի 8-ը, երբ այն կրկին բարձրացվեց մինչև 7.75%, իսկ այնուհետև` մարտի 4-ին` մինչև 8.25%, իսկ ապրիլի 12-ին` մինչև 8.5%, մինևչ օրս պահպանելով այդ մակարդակի վրա:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%