Ուրբաթ, 12 Օգոստոսի 2011 20:03

Հայաստանում չիպային միջազգային քարտերի թողարկումը նպաստում է ArCa տեղական քարտերով աշխատավարձային նախագծերի ակտիվացմանը

Արմինֆո. Հայաստանում նոր աշխատավարձային նախագծերը հիմնականում իրականացվում են տեղական ArCa քարտերով:

Ինչպես ԱրմԻնֆո գործակալության թղթակցի հետ զրույցում նշել է Յունիբանկի Վարչության նախագահի տեղակալ Մեսրոպ Հակոբյանը, դեպքերի նման ընթացքը պայմանավորված է նրանով, որ երկրի առևտրային բանկերի մեծամասնությունը գերադասում է աստիճանաբար հեռանալ մագնիսային քարտերից թողարկումից, անցնելով MasterCard և Visa միջազգային ավելի թանկարժեք չիպային քարտերի թողարկմանը: ՙԲնական է, որ նման իրավիճակում տեղական ArCa քարտերը հայտնվում են ավելի բարենպաստ վիճակում, քանի որ դրանք շարունակվում են թողարկվել մագնիսական ժապավենով, և բանկերը դրանք տրամադրում են անվճար հիմքերով, ի տարբերություն միջազգային չիպային քարտերի, մանավանդ, որ դրանց սպասարկման տարեկան արժեքը կրում է սիմվոլիկ բնույթ՚,-նկատել է Մ.Հակոբյանը:

Ըստ Armenian Card-ի տվյալների, 2011 թվականի հունիսին բանկերի կողմից թողարկվել է 9411 ArCa քարտ, ինչը 71.3% բարձր է 2010 թվականի հունիսի ցուցանիշից: MasterCard համակարգի քարտեր թողարկվել է 3992 հատ, տարեկան 23.7% անկումով, իսկ Visa համակարգի քարտ` 6020 հատ, տարեկան 25.8% անկումով:

ArCa քարտերի նշանակալից տարեկան աճը բանկիրը կապում է նաև երկրում կենսաթոշակների պլաստիկ քարտերով վճարելու ծրագրով, որին մասնակցում է 21 առևտրային բանկերից 13-ը, և որոնք մինչև հունիսի ավարտը թողարկել են մոտ 36.3 հազ. կենսաթոշակային քարտ, որոնց թվում ArCa քարտերը կազմել են 60%:

Կենսաթոշակային նախագծերով է պայմանավորված համարում տեղական քարտերի տարեկան աճը նաև Կոնվերս Բանկի տնօրեն Տիգրան Դավթյանը: ՙԻնչպես շատ այլ բանկեր, մենք նույնպես կենսաթոշակները վճարում ենք ArCa քարտերով, չնայած, կենսաթոշակառուների ցանկությամբ, Կոնվերս Բանկը պատրաստ է նրանց համար թողարկել նաև միջազգային քարտեր՚,-նշել է նա:

Ըստ Armenian Card-ի տվյալների, 2011 թվականի հունիսին հայկական բանկերը թողարկել են 19423 քարտ, ինչը 3.1% ավելի է 2010 թվականի հունիսի ցուցանիշը: Ընդ որում, ակտիվ քարտերի ընդհանուր թվաքանակը հունիսի վերջին կազմել է 642.9 հազար, այն ժամանակ, երբ 2010 թվականի հունիսին այն կազմում էր 504.7 հազար, ցուցադրելով 27.4% տարեկան աճ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.81	0.01
USD	381.76	0.06
EUR	448.80	0.61
GBP	512.40	1.72
CAD	277.10	0.00
JPY	24.65	0.04
CNY	54.21	0.05
CHF	479.54	0.14

Նորություններ

Հայաստանում չիպային միջազգային քարտերի թողարկումը նպաստում է ArCa տեղական քարտերով աշխատավարձային նախագծերի ակտիվացմանը