Երեքշաբթի, 16 Օգոստոսի 2011 17:57
ՏՏ ենթակառույցների հետագա բարելավման և տեխնիկական վերազինման նպատակով հայկական բանկերը պատրաստ են ծախսել իրենց շահույթի մոտ 32 տոկոսը
Արմինֆո. Հայաստանի բանկերի մոտ 46%-ը պատրաստ է 200-500 հազ. ԱՄՆ դոլար ներդնել բանկային հատվածի տեղեկատվական տեխնոլոգիաների կատարելագործմանը, 20%-ը` 100-ից 200 հազ.ԱՄՆ դոլար, իսկ 20%-ը` ավելի քան 500 հազ.ԱՄՆ դոլար: Այս մասին են վկայում M-Info մարկետինգային ընկերության մասնագետների կողմից ՙՏեղեկատվական տեխնոլոգիաները Հայաստանի բանկային համակարգում՚ թեմայով կատարված հարցումների արդյունքները: Ինչպես նշում են մարկետոլոգները, ստացված կարծիքների կողմնակիցն են բանկերի ՏՏ բաժանմունքների ղեկավարները, որոնք մասնակցել են հարցմանը: Համեմատելով ստացված ցուցանիշները գործադիր տնօրենների նույն հարցի վերաբերյալ պատասխանների հետ, M-Info-ի մասնագետները նշում են, որ տեղեկատվական տեխնոլոգիաներին կատարվող ներդրումների ծավալների վերաբերյալ գնահատականը բավականին իրատեսական է: Նույն կանխատեսումն են հաստատում նաև հարցմանը մասնակից-բանկերի ֆինանսական տնօրենների պատասխանները, որոնց կարծիքով, բանկերը միջին հաշվով պատրաստ են շահույթի մոտ 26%-ը ծախսել ՏՏ ենթակառույցների հետագա բարելավման և տեխնիկական վերազինման նպատակով:
Ինչպես ԱրմԻնֆո գործակալության թղթակցին տեղեկացվել է M-Info ընկերությունից, սույն հետազոտության նպատակն է եղել` Հայաստանի բանկային հատվածի վերլուծութունը տեղեկատվական տեխնոլոգիաների նկատմամբ պահանջարկի և առևտրային բանկերի կողմից դրա կիրառման տեսանկյունից: Այդ նպատակով հետազոտվել են Հայաստանում գործող 21 առևտրային բանկերից 18-ը: Հետազոտմանը հրաժարվել են մասնակցել ԲՏԱ Բանկը, ԱԲԱ Կրեդիտ Ագրիկոլ Բանկը և Ինեկոբանկը: Հարցմանը մասնակցել են առևտրային բանկերի 84 աշխատակիցներ, հիմնականում, ղեկավարության կազմից` գործադիր տնօրեններ կամ նրանց տեղակալներ, ՏՏ բաժինների ղեկավարներ, ֆինանսական տնօրեններ կամ նրանց տեղակալներ, HR կառավարման տնօրեներ, վաճառքի կամ կոմերցիոն տնօրեններ, բանկերի տարբեր բաժանմունքների այլ ղեկավարներ:
Հետազոտության արդյունքում բացահայտվել են Հայաստանի առևտրային բանկերի ռազմավարական զարգացման ուղղությունները: Վերլուծության արդյունքում, ինչպես նշում են մասնագետները, կարելի է պարզաբանել, որ ռազմավարական զարգացման ուղղությունները համարյա բոլոր բանկերի մոտ միանման է: Մասնավորապես, 14 բանկերում պատասխանել են, որ ռազմավարական զարգացման հիմնական ուղղություններից մեկը հանդիսանում է ՙկորպորատիվ հաճախորդների վարկավորումը՚, 12 բանկերում նշել են` ՙֆիզիկական անձանց վարկավորումը՚, 11 բանկերում`ՙընթացիկ հաշիվների և կորպորատիվ հաճախորդների սպասարկումը՚, ինչպես նաև ՙկորպորատիվ հաճախորդների առևտրային գործարքների իրականացումը՚: Ներդրումային պրոդուկտների զարգացումը, որպես ռազմավարական զարգացման ուղղություն, հետաքրքրում է միայն հարցման մասնակցած 8 բանկի: Իսկ ընդամենը 9 բանկում են նշել, որ ՙնոր պրոդուկտների ներդրումը՚ հանդիսանում է ռազմավարական զարգացման ուղղություններից մեկը:
Այնուհանդերձ, M-Info ընկերության կոմից կատարված հետազոտությունը ցուց տվեց, որ բանկի բարձրագույն ղեկավարության իրազեկությունը ապարատա-ծրագրային ապահովման միջազգային համակարգերի մասին սահմանափակվում է այն համակարգերով, որոնք ներդրված են տվյալ բանկում կամ ինտենսիվորեն կիրառվում են Հայաստանի մյուս առևտրային բանկերի կողմից:
Ֆինանսների կառավարմմման ոլորտում բանկերի զարգացման հիմնական առաջնահերթությունների շարքում նշվել են հետևյալ ուղղությունները` վերլուծությունը, ռիսկերի կառավարումը, օպերացիոն գործունեությունը, պլանավորումը և բյուջետավորումը, հիմնական գործունեության աջակցությունը` գնումներ, տնտեսական պայմանագրեր, աշխատավարձ և կադրեր: Վերոնշյալ հարցին տրված պատասխանների վերլուծության արդյունքում պարզվել է, որ ֆինանսերի կառավարման ամենաառաջնահերթ ասպեկտներն են ռիսկերի կառավարումը ¥նշվել է 17 հարցվողների կողմից¤ և պլանավորումն ու բյուջետավորումը ¥13 հարցվող¤: ՙԱշխատավարձ և կադրեր՚-ը նշվել է 9 բանկի առաջնահերթությունների շարքում: ՙՀիմնական գործունեության առակցություն-գնումներ, տնտ.պայմանագրեր՚-ը` ընդամենը 6 հանցվողների կողմից:
Հետազոտությունը ցույց տվեց, որ Հայստանի առևտրային բանկերի Թոփ-մենեջմենտը, հիմնականում, մասնակիորեն է բավարարված, կամ էլ բավարարված չէ ՏՏ ընթացիկ վիճակով` բանկի զարգացման ռազմավարության տեսանկյունից վերցրած: Ընդ որում, բանկերի ղեկավարները ՏՏ համակարգի հետագա զարգացումը տեսնում են սեփական մշակումներում` 68.75%, և միայն 31.25%-ը` այլ մշակողներից ձեռք բերելու միջոցով:
Հարցմանը մասնակցած բանկերի գործադիր տնօրենների կարծիքով, բանկային ոլորտում ՏՏ ինտենսիվ արդիականացումը և զարգացումը հիմնականում նախատեսվում է կարճաժամկետ “41%” և միջնաժամկետ “47%” հեռանկարում: Ընդ որում, հարցմանը մասնակից բանկերը միջին հաշվով պատրաստ են ծախսել շահույթի մոտ 32%-ը իրենց ՏՏ ենթակառույցների բարելավմանն ու տեխնիկական վերազինմանը:
Ըստ պաշտոնական տվյալների, 2010 թվականին Հայաստանի 21 առևտրային բանկերի համընդհանուր զուտ շահույթը կազմել է 3.7 մլրդ.դրամ կամ մոտ 90 մլն.ԱՄՆ դոլար: Այսինքն, կարելի է ենթադրել, որ առնվազն 28.8 մլն.դոլար կարող է ուղղվել բանկային հատվածում տեղեկատվական տեխնլոգիաների ինտենսիվ արդիականացմանը և զարգացմանը:
Նշենք, որ M-Info հանդիսանում է խորհրդատվական ընկերություն, որը մասնագիտանում է մարկետինգային հետազտությունների, շուկայի ուսումնասիրության, ինչպես նաև գործարար տեղեկատվության պատրաստման ու տրամադրման ¥բիզնես-տեղեկանքներ Հայաստանի ընկերությունների վերաբերյալ¤ ոլորտներում: Ընկերությունը հիմնվել է ԱրմԻնֆո գործակալության կողմից, որը 1991 թվականից գործում է Հայաստանում և ԱՊՀ տարածաշրջանում:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%