Չորեքշաբթի, 10 Օգոստոսի 2011 18:38
ՙԱնելիք Բանկ՚ ՓԲԸ-ն իջեցնում է ՙԲանկ-Հաճախորդ՚ համակարգի սակագները
Արմինֆո. ՙԱնելիք Բանկ՚ ՓԲԸ-ն իջեցնում է ՙԲանկ-Հաճախորդ՚ համակարգի սակագները: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից: Աղբյուրի համաձայն, ՙԲանկ-Հաճախորդ՚ համակարգից (ինտերնետ-բանկինգ) օգտվելու համար ամսական վճարը ամբողջական օգտագործման դեպքում իրավաբանական անձանց համար սահմանվել է 4000 ՀՀ դրամ նախկինում գործող 7,000 դրամի փոխարեն, ֆիզիկական անձանց համար` 900 ՀՀ դրամ նախկինում գործող 7,000 դրամի փոխարեն, իսկ ամսական վճարը միայն դիտարկման դեպքում իրավաբանական անձանց համար` 2000 ՀՀ դրամ, ֆիզիկական անձանց համար` 400 ՀՀ դրամ. նախկինում նման հնարավորություն չի տրամադրվել: Էլեկտրոնային ստորագրության գեներացիան և տրամադրումը կատարվում են անվճար:
ՙԲանկ-Հաճախորդ համակարգը, որը այլ կազմակերպություններում անվանվում է նաև ինտերնետ բանկինգ, հնարավորություն է ընձեռում հաճախորդներին առանց բանկ հաճախելու ինտերնետի միջոցով, ցանկացած համակարգչից, ցանկացած վայրից, տեսնել իրենց հաշիվների շարժը, ՀՀ Կենտրոնական Բանկի կողմից ներկայացված արտարժույթի շուկայում ձևավորված միջին և ՙԱնելիք Բանկ՚ ՓԲԸ-ի արժութների փոխարժեքները: Տվյալ համակարգը հնարավորություն է ընձեռում կատարել բանկային անկանխիկ գործարքներ, այդ թվում` փոխանցումներ ՀՀ սահմաններում, փոխանցումներ արտերկիր SWIFT համակարգով, արտարժութային փոխարկումներ և այլն, ինչպես նաև ունենալ ուղիղ կապ Բանկի հետ առանց Բանկ հաճախելու: Մենք վստահ ենք, որ իջեցված սակագները ավելի գրավիչ կդարձնեն այս համակարգի կիրառությունը՚,- նշել է ՙԱնելիք Բանկ՚ ՓԲԸ Տեղեկատվական Տեխնոլոգիաների Վարչություն պետի պաշտոնակատար Վահե Պետրոսյանը:
Նշենք, որ Անելիք Բանկը համագործակցում է ՀՀ-ում գործող գրեթե բոլոր միջազգային վարկային ծրագրերի հետ: Անելիք Բանկի ակտիվները 2011 թ.-ի 1-ին կիսամյակի արդյունքներով կազմել են շուրջ 63.6 միլիարդ դրամ, վարկային ներդրումներըª 35.4 միլիարդ դրամ, ընդհանուր կապիտալըª 15,9 մլրդ դրամ: Ներկայումս ՙԱնելիք Բանկ՚ ՓԲԸ ունի 11 մասնաճյուղ:
Հիշեցնենք, որ ՙԱնելիք Բանկ՚ ՓԲԸ-ն հիմնադրվել է 1990թ.-ին, դեռևս 1997 թվականին ստեղծելով սեփական Դրամական Փոխադրումների ՙԱնելիք՚ Համակարգը, որը գործում է աշխարհի գրեթե 90 երկրների 63 000 սպասարկման կետերում: Այն միակն է հայկական բանկերի մեջ, որը ՌԴ-ում ունի ՙԱնելիք Ռու՚ ՍՊԸ դուստր բանկ:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները