Ուրբաթ, 12 Օգոստոսի 2011 22:49

HSBC Բանկ Հայաստանը կիսամյակը եզրափակել է պահպանելով իր դիրքերն առաջատարների հնգյակում

Արմինֆո. Էյչ-Էս-Բի-Սի Բանկ Հայաստանը հրապարակել է 2011 թվականի առաջին կիսամյակի ամփոփ ֆինանսական արդյունքները: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, գրեթե բոլոր ֆինանսական ցուցիչների գծով արձանագրել է աճ: Հրապարակված շահույթը մինչև հարկումը կազմել է 3.5 միլիարդ ՀՀ դրամ, արձանագրելով 48% աճ` նախորդ տարվա նույն ժամանակահատվածի համեմատ:

Բանկի ակտիվները աճել են 7% նախորդ տարվա դեկտեմբերի 31-ի համեմատ` կազմելով 155 միլիարդ ՀՀ դրամ: Հաճախորդներին տրված համախառն վարկերը աճել են 6% ` կազմելով 91 միլիարդ ՀՀ դրամ, որից իրավաբանական անձանց տրամադրված վարկերը կազմել են 69 միլիարդ ՀՀ դրամ: Հաճախորդների ավանդները 2011 թվականի հունիսի 30-ի դրությամբ կազմել են 109 միլիարդ ՀՀ դրամ` նախորդ տարեվերջի համեմատ աճելով 4%:

Էյչ-Էս-Բի-Սի Բանկ Հայաստանը 2011 թվականի հունվար-հունիս ամիսների արդյունքներով Հայաստանի բանկային համակարգի խոշորագույն հարկատուն է և զբաղեցնում է 14-րդ տեղը Հայաստանի 1000 խոշորագույն հարկատուների ցանկում: Բանկի կողմից վճարած հարկերի ընդհանուր գումարը կազմել է 1 միլիարդ 942 միլիոն դրամ, ինչը 192 % (գրեթե երեք անգամ) ավելի է նախորդ տարվա նույն ժամանակահատվածի ընթացքում վճարած հարկերի ծավալից: Ընդ որում, այս տարի Էյչ-Էս-Բի-Սի Բանկ Հայաստանի կողմից վճարած ուղղակի հարկերը (շահութահարկ, եկամտահարկ) կազմել են 1.7մլրդ դրամ (աճը` 249 %), ինչը խոշորագույն հարկատուների ցանկում 5-րդ ցուցանիշն է և նախորդ տարվա համեմատ ավելի բարձր եկամտաբերության վկայությունը:

ՙԲանկի ֆինանսական ցուցիչները այս տարվա առաջին կիսամյակի համար բավական տպավորիչ են և հուսադրող, և մենք մշակել ենք մինչև տարեվերջ կյանքի կոչվելիք նախաձեռնություններ, որոնք կբարելավեն հաճախորդներին տրամադրվող ծառայությունների մակարդակը և կնպաստեն բանկի` երկրորդ կիսամյակի համար ավելի բարձր ցուցանիշներ արձանագրելուն՚, - ասել է Էյչ-Էս-Բի-Սի Բանկ Հայաստանի գլխավոր գործադիր տնօրեն Ասթրիդ Քլիֆֆորդը:

2011 թվականի հուլիսին Էյչ-Էս-Բի-Սի Հոլդինգս փի-էլ-սի-ն հայտարարեց իր 2011 թվականի առաջին կիսամյակի արդյունքները: Հրապարակված շահույթը մինչև հարկումը աճել է 3 % և կազմել է 11.5 միլիարդ ԱՄՆ դոլար: Խումբը իրականացրել է նպատակաուղղված աճ առանցքային որոշ շուկաներում և շահույթների աճ Ասիայում, Լատինական Ամերիկայում, Միջին Արևելքում և Հյուսիսային Ամերիկայում: ՙՉափազանց գոհ եմ տեսնել նման արդյունքներ: Դրանք նշանավորում են ճիշտ ուղղությամբ երկար ճանապարհորդության առաջին քայլը՚, - նշել է Էյչ-Էս-Բի-Սի Խմբի գլխավոր գործադիր տնօրեն Սթյուարթ ուլիվերը:

Էյչ-Էս-Բի-Սի Բանկ Հայաստան ՓԲԸ-ն առաջին միջազգային բանկն է Հայաստանում, որը բացվել է 1996 թվականին: Բանկի բաժնետոմսերի 70 տոկոսը պատկանում է Էյչ-Էս-Բի-Սի Խմբին, իսկ մնացած 30 տոկոսը սփյուռքահայ ներդրողներին: Բանկն առաջարկում է բազմատեսակ ծառայություններ ֆիզիկական և իրավաբանական անձ հանդիսացող հաճախորդներին, այդ թվում անհատական վարկային ծառայություններ, առևտրավարկային ծառայություններ, ինչպես նաև ֆինանսական շուկայում գործառնություններ: Շնորհիվ Էյչ-Էս-Բի-Սի-ի 87 երկիր և տարածաշրջան ընդգրկող ցանցի, Էյչ-Էս-Բի-Սի Բանկ Հայաստանը միակ բանկն է, որ կարողանում է իր հաճախորդներին իրապես միջազգային ծառայություններ մատուցել:

Բացման պահին Էյչ-Էս-Բի-Սի Բանկ Հայաստանն ուներ 18 աշխատակից, որոնք սպասարկում էին 100-ից պակաս հաճախորդների: Այսօր բանկը ունի 384 աշխատակից, սպասարկում է ավելի քան 33 հազար անհատ և հինգ հազար իրավաբանական անձ հանդիսացող հաճախորդների իր 8 մասնաճյուղերի և գրասենյակների միջոցով: Բանկն ունի ավելի քան 50 բանկոմատներից բաղկացած խոշորագույն ցանցերից մեկը Երևանում: 2011թ. մարտի 31-ի դրությամբ Էյչ-Էս-Բի-Սի Բանկ Հայաստանի ակտիվները կազմում են շուրջ 405 միլիոն ԱՄՆ դոլար` 1996 թվականի 5 միլիոն դոլարի դիմաց:

Էյչ-Էս-Բի-Սի Բանկ Հայաստանը, Նյու-Յորքյան «լոբալ Ֆայնենսե պարբերականի կողմից անցկացվող «Աշխարհի զարգացող շուկաների լավագույն բանկն Ասիայումե անվանակարգում, արդեն երրորդ անգամ ճանաչվել է որպես լավագույն բանկը Հայաստանում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.81	0.07
USD	381.21	-0.18
EUR	443.92	-1.51
GBP	511.13	-1.73
CAD	274.84	-0.11
JPY	24.18	-0.16
CNY	54.60	-0.02
CHF	479.63	-1.96

Նորություններ

HSBC Բանկ Հայաստանը կիսամյակը եզրափակել է պահպանելով իր դիրքերն առաջատարների հնգյակում