Ուրբաթ, 26 Օգոստոսի 2011 17:22

2011 ֆինանսական տարում IFC-ն 20%-ով մեծացրել է իր վարկային պորտֆելը Հայաստանում

Արմինֆո. 2011 ֆինանսական տարում (2010թ.հուլիսի 1-ից 2011թ.հունիսի 30-ը) Միջազգային Ֆինանսական Կորպորացիան (IFC) ավելի քան 20%-ով մեծացրել է իր վարկային պորտֆելը Հայաստանում, մինչև 100 մլն.դոլար: Այս մասին այսօր լրագրողներին հայտարարել է Կովկասում IFC տարածաշրջանային տնօրեն Թոմաս Լյուբեկը, պատասխանելով ԱրմԻնֆո գործակալության թղթակցի հարցին:

Նրա խոսքերով, նշված աճն ապահովվել է վարկերի նկատմամբ պահանջարկի մեծացման և IFC գործունեության կենտրոնացման հաշվին: Կորպորացիան աշխատել է ԱԲԱ Կրեդիտ Ագրիկոլ Բանկի, Հայէկոնոմբանկի և Ամերիաբանկի հետ, գործունեություն իրականացնելով նաև բանկային հատվածից դուրս: Հաշվետու ֆինանսական տարում նոր գործունեությունն է դարձել ագրոբիզնեսը: Այդ ոլորտին IFC վարկեր է տրամադրում ԱԲԱ Կրեդիտ Ագրիկոլ Բանկի միջոցով: Լյուբեկը հավելել է, որ 2011 ֆինանսական տարում IFC կրկնապատկել է ներդրումների ծավալները Հայաստանում, մինչև 70 մլն.դոլար: IFC ներդրումային պորտֆելը, որը կազմված է վարկերից և ֆինանսական շուկայում, արտադրությունում և լեռնարդյունաբերությունում կատարված կապիտալ ներդրումներից, կազմել է 102 մլն. դոլար:

ՙԿորպորացիան բաց է գործնական առաջարկությունների համար: Նախորդ տարիներին մենք մշտապես մեծացնում էինք ներդրումների ծավալները Հայաստանի տնտեսությունում: 2009 թվականին այդ ներդրումները կազմեցին ընդամենը 5 մլն.դոլար, 2010 թվականին` 35 մլն.դոլար, իսկ 2011 թվականին` 70 մլն.դոլար՚,-շարունակել է նա, հույս հայտնելով, որ 2012 թվականին ներդրումները կաճեն: Լյուբեկի խոսքերով, կան նաև բանկերի հետ համագործակցությա հեռանկարներ, կապված ՓՄՁ, ագրոբիզնեսի, առևտրի, ինչպես նաև լեռնարդյունաբերության վարկավորման ոլորտներում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.76	0.04
USD	382.28	0.19
EUR	443.94	1.90
GBP	502.81	1.36
CAD	273.14	0.55
JPY	24.72	0.05
CNY	53.87	0.19
CHF	480.49	2.58

Նորություններ

2011 ֆինանսական տարում IFC-ն 20%-ով մեծացրել է իր վարկային պորտֆելը Հայաստանում