Չորեքշաբթի, 31 Օգոստոսի 2011 14:27
Հայաստանի արտաքին առևտրի շրջանառության բացասական սալդոն 2011 հունվար-հուլիս ամիսներին կազմել է 1486.7 մլն.դոլար
ԱրմԻնֆո. Հայաստանի արտաքին առևտրի շրջանառության բացասական սալդոն 2011 թվականի հունվար-հուլիս ամիսներին կազմել է 1486.7 մլն.դոլար կամ 550.6 մլրդ.դրամ, 0.4% տարեկան աճով:
Ըստ Ազգային վիճակագրական ծառայության կողմից ԱրմԻնֆո գործակալությանը տրամադրված տվյալների, Հայաստանի արտաքին առևտրի բալանսը արտահանման և ներմուծման FOB-գներով (Free on Board) 2011 թվականի հունվար-հուլիսին կազմել է 2905.9 մլն.դոլար կամ 1075.8 մլրդ.դրամ, այդ թվում, արտահանման ծավալները կազմել են 603.3 մլն.դոլար կամ 262.6 մլրդ.դրամ (FOB-գներով), իսկ ներմուծման ծավալները` 2196.3 մլն.դոլար կամ 813.2 մլրդ.դրամ (CIF-գներով):
Միևնույն ժամանակ, Հայաստանի արտաքին առևտրի շրջանառութան ծավալները 2011 թվականի հուլիսին կազմել են 408 մլն.դոլար կամ 149.9 մլրդ.դրամ, հունիսի համեմատ կրճատվելով 7.5%, իսկ 2010 թվականի հուլիսի համեմատ աճելով` 3.5%: Ընդ որում 2011 թվականի հուլիսին, 2010 թվականի հուլիսի համեմատ արտահանման ծավալներն աճել են 33%, իսկ հունիսի համեմատ կրճատվել են 8.1%, կազմելով 106.3 մլն.դոլար կամ 39 մլրդ. դրամ: Ներմուծման ծավալները տարեկան կտրվածքով կրճատվել են 4%, իսկ միայն հուլիսին`7.3%%, կազմելով 301.7 մլն.դոլար կամ 110.9 մլրդ.դրամ:
2011 թվականի հունվար-հուլիս ամիսներին Եվրամիության երկրների հետ շրջանառությունը կազմել է 981.5 մլն.դոլար կամ արտաքին առևտրի ընդհանուր ծավալի 33.8%-ը, տարեկան կտրվածքով աճելով 21.1%: ԵՄ երկրների հետ բացասական սալդոն տարվա կտրվածքով աճել է 15%, մինչև 282 մլն.դոլար: 2011 թվականի հունվար-հուլիսին դեպի ԵՄ երկրներ է արտահանվել 350 մլն.դոլարի ապրանք և ներմուծվել է 631.5 մլն. դոլարի ապրանք:
Հեռավոր արտասահմանի հետ ապրանքաշրջանառությունը կազմել է 1149 մլն.դոլար, տարվա կտրվածքով աճելով 10.2%: Բացասական սալդոն տարվա կտրվածքով կրճատվել է 5.4%, կազմելով 660 մլն.դոլար: ԱՊՀ երկրների հետ արտաքին առևտրի շրջանառությունը հունվար-հուլիսին տարվա կտրվածքով աճել է 9.6%, հասնելով 775.2 մլն.դոլարի, իսկ առևտրի հաշվեկշռի բացասական սալդոն աճել է 1.3%, հասնելով 545.6 մլն.դոլարի: Հոնվար-հուլիս ամիսներին Հայաստանից ԱՊՀ երկրներ արտահանման ծավալները կազմել է 114.8 մլն.դոլար, աճելով տարվա կտրվածքով 36.3%, իսկ ներմուծման ծավալները կազմել են 660.4 մլն.դոլար, աճելով տարվա կտրվածքով 6%:
2011 թվականի հունվար-հուլիս ամիսներին հայկական ապրանքների հիմնական գնորդներն են հանդիսացել Բուլղարիան` ընդհանուր արտահանման ծավալների 14.3%, երմանիսն` 14%, Ռուսաստանը` 13.3%, Նիդերլանդները` 9.4%, ԱՄՆ` 8.4%, Իրանը`9.5%, Իսպանիան` 5%, Բելգիան` 4.9%, Կանադան և Վրաստանը`4.3%: Իսկ դեպի Հայաստան հիմնական մատակարարներն են եղել Ռուսաստանը` 21.5%, Չինաստանը`9.2%, Ուկրաինան` 6.1%, երմանիսն`5.9%, Թուրքիան`5.4%, Իրանը`5%, Իտալիան`4.5%:
Արտահանման ընդհանուր ծավալներում աճ է գրանցվել կենդանական ծագումով ապրանքների գծով` 2.1 անգամ, մինչև 11.7 մլն.դոլար: 2.1 անգամ աճ է գրանցվել նաև բուսական ծագումով ապրանքների գծով, մինչև 13.2 մլն.դոլար: Արտահանման ամենամեծ ծավալները գրանցվել են լեռնարդյունաբերական ապրանքների գծով` 236.4 մլն.դոլար և ոչ թանկարժեք մետաղների արտահանման գծովէ 222 մլն.դոլար: Քիմիական արդյունաբերության ապրանքների արտահանումը 2011 թվականի հունվար-հուլիս ամիսներին աճել է 15.8%, կազմելով 6.5 մլն.դոլար: Ներմուծման ծավալներում էական`28.9%, աճ է գրանցվել բուսական ծագումով յուղերի գծով, մինչև 136.4 մլն.դոլար, իսկ հանքարդյունաբերության ոլորտում աճը կազմել է 420 մլն.դոլար:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները