Ուրբաթ, 2 Սեպտեմբերի 2011 18:06
Fitch-ը հաստատել է Հայաստանի էմիտենտի դեֆոլտի երկարաժամկետ վարկանիշը ՙBB-՚ մակարդակումª ՙկայուն՚ կանխատեսմամբ
ԱրմԻնֆո. Fitch միջազգային վարկանիշային գործակալությունը հաստատել է Հայաստանի էմիտենտի դեֆոլտի երկարաժամկետ վարկանիշը BB- մակարդակումª ՙկայուն՚ կանխատեսմամբ: ործակալությունը միաժամանակ հաստատել է երկրի կարճաժամկետ ԷԴՎ-ն արտարժույթով` ՙB՚ մակարդակի վրա և երկրի վարկանշային առաստաղը ՙBB՚: Այս մասին ԱրմԻնֆո գործակալությանը տեղեկացրել են Fitch Ratings-ի մամուլի ծառայությունից:
ՙՀայաստանի վարկանիշի հաստատումն արտացոլում է այն, որ երկրի իշխանությունները կրճատում են բյուջետային և արտաքին անհավասարակշռություններըª ԱՄՀ-ի կողմից աջակցություն ստացող տնտեսական քաղաքականության ծրագրի համաձայն՚,-նշել է
Fitch-ի սուվերեն վարկանիշների բաժնի տնօրեն Չարլզ Սևիլը (Charles Seville), հավելելով, որ ՙԱյդուհանդերձ, տնտեսությունը խոցելի է արտաքին ցնցումների նկատմամբ: Պետական պարտքն ու համախառն արտաքին պարտքը էականորեն բարձր են, քան դրանք եղել են մինչև 2008-2009 թթ.-ի ճգնաժամը՚, - ասել է նա:
Տեղեկատվության մեջ նշվում է, որ Fitch-ը 2011 թ.-ին Հայաստանի կառավարությունից ակնկալում է բյուջետային դեֆիցիտի կրճատում մինչև ՀՆԱ-ի 3,9 տոկոսըª հաշվի առնելով այն, որ 2010 թ.-ին կառավարությունը կրճատել է դեֆիցիտը մինչև ՀՆԱ-ի 5 տոկոս:
ՙԾրագրերի համախմբումը հիմնվում է ծախսերի զսպման և հարկային մուտքերի ավելացման համատեղման վրա, ինչը երկարաժամկետ մարտահրավեր է: Կառավարությունը հետագայում նախատեսում է կրճատել դեֆիցիտըª 2012 թ.-ին հասցնելով այն ՀՆԱ-ի 3,2 տոկոսի՚, - նշվում է տեղեկատվության մեջ:
Արտահանման ընդլայնմամբ պայմանավորվածª ընթացիկ հաշվի դեֆիցիտը (CAD) 2010-2011 թթ.-ին կրճատվել է, և ակնկալվում է, որ այս միտումը կշարունակվի 2012-2013 թթ.-ին:
Fitch-ում կարծում են, որ 2011 թ.-ին ՀՆԱ-ի 12 տոկոսի մակարդակում կանխատեսվող դեֆիցիտը կֆինանսավորվի արտաքին փոխառությունների և օտարերկրյա ուղիղ ներդրումների (ՀՆԱ-ի շուրջ 6 տոկոսի չափով) հաշվին: Արտաքին պարտքի գծով վճարումները 2012-2013 թթ.-ին կավելանան, սակայն կմնան ավելի ցածրª ՙBB՚ միջին վարկանիշ ունեցող երկրների համեմատ:
Fitch-ը 2011-2013 թթ.-ին Հայաստանում կանխատեսում է 4-5 տոկոսի սահմաններում ՀՆԱ-ի աճի իրական տեմպեր, ինչը հիմնականում համապատասխանում է աճի միջնաժամկետ ներուժին:
ՙ2011 թ.-ի հունվար-հուլիսին տնտեսական ակտիվությունը ավելացել է միջինը 5 տոկոսովª արդյունաբերության, գյուղատնտեսության և ծառայությունների ոլորտների, ինչպես նաև ավելի բարձր հումքային արտահանման և դրամական փոխանցումների հոսքի հաշվին: Կառավարությունը նպատակաուղղված է բարելավել գործարար միջավայրն ու զարգացնել արտահանման ներուժը՚, - նշվում է տեղեկատվության մեջ:
Fitch-ի վերլուծաբանները կարծում են, որ նման աճը բավարար է ՀՆԱ-ի շուրջ 40 տոկոսի մակարդակում պետական ընդհանուր պարտքի կայունացման համար, եթե չգրանցվեն ֆինանսական ցնցումներ կամ փոխարժեքի հետ կապված շոկեր:
ՙՍակայն պետական պարտքի շուրջ 90 տոկոսը արտարժույթի տեսքով է, իսկ վճարունակության գործակիցը չափազանց զգայուն է փոխարժեքի տատանումների նկատմամբ՚, - նշվում է մամուլի հաղորդագրության մեջ:
ԿԲ-ի կողմից տոկոսադրույքների վերջին բարձրացումը նվազեցրեց փոխարժեքի նկատմամբ ճնշումն ու օգոստոսին նպաստեց գնաճի նվազմանըª մինչև 4,8 տոկոս, ինչը նպատակային դիապազոնի սահմաններում է, որի վերին շեմը 5,5 տոկոս է: ԿԲ-ն նվազեցնում է դոլարայնացումն ու շուկայում ամրապնդում է հայկական դրամի դիրքը:
Պաշարների կամ դրամի վրա ճնշումը, որի պատճառը տնտեսական աճի գլոբալ դանդաղումն ու Ռուսաստանի տնտեսության աճի շոկն են, կթուլացնի արտաքին հավասարակշռությունն ու կարող է հանգեցնել բացասական վարկանիշի բերող գործողությունների: Ճգնաժամը թուլացրեց արտաքին շոկերը կլանելու Հայաստանի ունակությունը, ինչը ստիպեց կառավարությանն ավելացնել պետական պարտքըª հասցնելով այն ՀՆԱ-ի և GXD-ի 40 տոկոսի:
Վարկանիշային գործակալությունում այն կարծիքի են, որ ներքին և արտաքին քաղաքական լարվածությունը, որը կապված է նաև ղարաբաղյան հարցի հետ, ևս կարող է հանգեցնել բացասական վարկանիշի:
ՙԵթե Հայաստանն իրականացնի հարկային բարեփոխումներ և կրճատի դեֆիցիտը 2 կետով, ապա դա դրական կազդի վարկանիշերի վրա: Դոլարայնացման կրճատումը ևս դրական ազդեցություն կունենա՚, - նշվում է Fitch-ի տեղեկատվության մեջ:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները