Երեքշաբթի, 6 Սեպտեմբերի 2011 16:30

ՀՀ ԿԲ որոշեց մեղմել դրամավարկային պայմանները, վերաֆինանսավորման տոկոսադրույքը նվազեցնելով` 8.5%-ից մինչև 8.0%

ԱրմԻնֆո. ՀՀ Կենտրոնական բանկի Խորհուրդը, ապրիլից մինչև օրս վերաֆինանսավորման տոկոսադրույքը պահպանելով 8.5%-ի վրա, 2011 թվականի սեպտեմբերի 6-ի նիստում որոշեց իջեցնել վերաֆինանսավորման տոկոսադրույքը 0.5 տոկոսային կետով և սահմանել այն 8.0%: Ինչպես ԱրմԻնֆո գործակալությանը տեղեկացվել է Կենտրոնական բանկի մամուլի ծառայությունից, դրամավարկային պայմանների թուլացումը հնարավորություն կտա մեծ հավանականությամբ գնաճը կանխատեսվող հորիզոնում ձևավորել տատանումների թույլատրելի միջակայքի սահմաններում` միաժամանակ լրացուցիչ խթաններ ստեղծելով տնտեսական ակտիվության ավելացման համար: Աղբյուրի տվյալներով, 2011 թվականի օգոստոսին արձանագրվել է 0.6% գնանկում, որի արդյունքում 12-ամսյա գնաճը նախորդ ամսվա ցուցանիշի նկատմամբ նվազել է 1.5 տոկոսային կետով և կազմել 4.8%` վերադառնալով 4%±1.5 տոկոսային կետ տատանումների թույլատրելի միջակայք:

Խորհուրդն արձանագրեց, որ ներկայումս տնտեսության արտաքին հատվածից եկող ազդակները գնաճային միջավայրի վրա գնահատվում են չեզոք` որոշակի գնանկումային ռիսկերի դրսևորման հավանականությամբ: Սակայն դեռևս պահպանվում են զարգացած երկրների հիմնարար անհաշվեկշռվածություններով պայմանավորված համաշխարհային տնտեսության հեռանկարների անորոշությունները:

Խորհուրդը համակարծիք է, որ ներկայումս ներքին պահանջարկի ազդեցությունը գնաճային միջավայրի վրա նվազեցման ուղղությամբ է. մասնավոր ծախսումների ազդեցությունը գնահատվում է չեզոք, հարկաբյուջետային քաղաքականության ազդեցությունը` զսպող: Չեզոք ազդեցություն ունեն նաև աշխատանքի շուկայի զարգացումները` արտադրողականության և անվանական աշխատավարձերի հարաբերակցության առումով: Խորհուրդն ամփոփեց, որ գնաճի վերջին ամիսների զարգացումները համահունչ են 2011 թ. դրամավարկային քաղաքականության ծրագրերում նախանշված հետագծին:

Հիշեցնենք, որ ՀՀ ԿԲ Խորհուրդը վերաֆինանսավորման տոկոսադրույքը 2010 թվականի մայիսի 11-ին 7%-ից բարձրացրեց մինչև 7.25%, այդ մակարդակի վրա պահելով մինչև 2011 թվականի փետրվարի 8-ը, որից հետո այն բարձրացվեց մինչև 7.75%, իսկ այնուհետև` մարտի 4-ին` մինչև 8.25%, իսկ ապրիլի 12-ին` մինչև 8.5%, մինչ օրս պահպանելով այդ մակարդակի վրա:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՀՀ ԿԲ որոշեց մեղմել դրամավարկային պայմանները, վերաֆինանսավորման տոկոսադրույքը նվազեցնելով` 8.5%-ից մինչև 8.0%