Հինգշաբթի, 1 Սեպտեմբերի 2011 14:14
ՎՏԲ-Հայաստան Բանկը ներդնում է բացառիկ ծառայություն` արագ դրամական փոխանցման ստացում մեկ զանգով
ԱրմԻնֆո: Սեպտեմբերի 1-ից “ՎՏԲ-Հայաստան Բանկ” ՓԲԸ հայտարարում է VTB-transfer բացառիկ ծառայության մեկնարկի մասին, որը ստեղծվել է հատուկ այն հաճախորդների համար, որոնք պարբերաբար արտերկրից ստանում են դրամական միջոցներ: Ինչպես տեղեկացնում է բանկի մամլո ծառայությունը, նոր ծառայությունը հաճախորդներին հնարավորություն կընձեռի դրամական փոխանցումները ստանալ անմիջապես պլաստիկ քարտին` զանգահարելով 87-87 հեռախոսահամարով: Դրամական փոխանցումը ստանալու համար հաճախորդին բավական է զանգահարել Բանկ, նշել իդենտիֆիկացիոն տվյալները, և դրամական փոխանցման գումարը քարտին հասանելի կլինի հաշված րոպեների ընթացքում:
“VTB-transfer ծառայությունը դրամական փոխանցման ստացման արագ և հարմարավետ միջոց է, որը հաճախորդից պահանջում է մինիմում տեղեկություն և ջանք: Արտերկրից դրամական փոխանցումը ստանալու համար ՎՏԲ-Հայաստան Բանկի հաճախորդներին բավական է ունենալ հատուկ ՎՏԲ Տրանսֆեր պլաստիկ քարտը և իմանալ դրամական փոխանցման ծածկագիրը: ՎՏԲ-Հայաստան Բանկը առաջինն է Հայաստանում, որ իրագործեց բոլոր գործող համակարգերով դրամական փոխանցմների ստացման նման հարմարավետ միջոցը: Ընդ որում Բանկը հատուկ ուշադրություն է դարձրել դրամական փոխանցումներ ստացողների պոտենցիալ սեգմենտի պահանջներին: ՎՏԲ Տրանսֆեր քարտի քարտապանները որքան ակտիվ օգտվեն ծառայութունից, այնքան արագ կկուտակեն բոնուսներ և հաճախակի կստանան Բանկի կողմից առաջարկվող արտոնություններ”,- նշել է “ՎՏԲ-Հայաստան Բանկ” ՓԲԸ Գլխավոր տնօրեն-տնօրինության նախագահ Վ. Օվսյաննիկովը:
Աղբյուրի համաձայն, ՎՏԲ Տրանսֆեր բազմարժութային քարտը թողարկվում է Visa միջազգային վճարային համակարգի հիմունքներով: Ձևակերպելով ՎՏԲ Տրանսֆեր քարտը, հաճախորդը ավտոմատ կերպով անվճար միանում է “ՎՏԲ Տրանսֆեր” ծառայությանը և սկսում է կուտակել բոնուսներ քարտին հաշվեգրված յուրաքանչյուր դրամական փոխանցման դիմաց: Բոնուսները շարունակում են կուտակվել և հետագայում կարող են փոխարինվել հետևյալ ծառայություններով` 5-րդ բոնուսից հետո հաճախորդին տրամադրվում է փոխանակման արտոնյալ փոխարժեք քարտով գումարի օգտագործման համար (բանկոմատի միջոցով, առևտրային կետերի և այլն); 10-րդ բոնուս`հաճախորդին փոխանցման միջնորդավճարի մինչև 20% վերադարձ կամ միջազգային զանգերի համար քարտի տրամադրում; 15-րդ բոնուսից հետո` հաճախորդին մինչև 300 000 ՀՀ դրամ կամ այդ գումարին համարժեք արտարժույթով վարկային գծի տրամադրում; 30-րդ բոնուս` զեղչի տրամադրում ավիատոմսի ձեռքբերման համար: Տվյալ ծառայության մեկնարկի հետ մեկտեղ Բանկը անց է կացնում ակցիա. սեպտեմբերի 1-ից մինչև տարեվերջ ՎՏԲ Տրանսֆեր քարտերը կտրամադրվեն ամենամսյա անվճար սպասարկմամբ: Ծառայությունը նաև տարածվում է Բանկի բոլոր գործող քարտերի վրա. քարտին փոխանցման յուրաքանչյուր հաշվեգրման համար գանձվում է կոմիսիոն վճար 300 ՀՀ դրամի չափով:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%