Չորեքշաբթի, 7 Սեպտեմբերի 2011 14:44
Վահրամ Ներսիսյանց. Պետությունը չի մասնակցի Համահայկական բանկի գործունեությունը
ԱրմԻնֆո. ՀՀ Նախագահ Սերժ Սարգսյանն այսօր ներկա է գտնվել Համահայկական բանկի բացման արարողությանը, ծանոթացել բանկի աշխատանքային պայմաններին: Բացմանը ներկա են եղել նաև` ՀՀ ԿԲ նախագահ Արթուր Ջավադյանը, բանկիրներ, միջազգային ֆինանսական կառույցների ներկայացուցիչներ, պաշտոնական այլ անձինք:
Համահայկական բանկի խորհրդի նախագահ և գլխավոր գործադիր տնօրեն Վահրամ Ներսիսյանցը բանկի բացման կապակցությամբ իր խոսքում նշել է, որ Համահայկական բանկը զարգացման բանկ է և հիմնադրվել է որպես բաց բաժնետիրական ընկերություն: Այն նպատակ ունի միջազգային ֆինանսական կազմակերպություններից և զարգացմանն ուղղորդված այլ մասնավոր աղբյուրներից հավաքագրել երկարաժամկետ ֆինանսական միջոցներ` Հայաստանի Հանրապետությունում գրանցված և գործող մրցունակ արտադրական ձեռնարկություններին երկարաժամկետ զարգացման ֆինանսավորում ապահովելու համար: Համահայկական բանկն այդպիսով կնպաստի Հայաստանում հավելյալ տնտեսական աճին և կխթանի ապրանքների և ծառայությունների արտահանումը:
ՙԲանկի հիմնման գաղափարն առաջացել է, երբ Սերժ Սարգսյանը դեռ վարչապետ էր: Մենք նրա հետ հասկացանք, որ Հայաստանի տնտեսության զարգացման համար դիտվում է երկարաժամկեըտ ռեսուրսների պակաս: Դրա համար էլ որոշ առևտրային բանկեր երկարաժամկետ ֆինանսավորում են իրականացնում կարճաժամկետ ռեսուրսների հաշվին, ինչը ոչ ճիշտ մոտեցում է, և դա հաստատեց ճգնաժամը՚,-նշել է Վ.Ներսիսյանը:
Նա նշել է, որ Համահայկական բանկը չի մրցակցելու առևտրային բանկերի հետ, քանի որ չի ընդունելու ավանդներ կամ չի տրամադրելու առևտրային վարկեր: Համահայկական բանկն իր ուղղակի վարկային գործունեությունից բացի, կարող է համագործակցել առևտրային բանկերի հետ` ձեռնարկություններին ներկայացնելով ֆինանսավորման փաթեթներ, որտեղ Համահայկական բանկը կտրամադրի երկարատև ֆինանսական ռեսուրսներ, իսկ առևտրային բանկերը Համահայկական բանկի հետ համատեղ կապահովեն այդ ձեռնարկությունների ավելի կարճաժամկետ, աշխատանքային կապիտալի և առևտրային ֆինանսավորման կողմը: Համահայկական բանկի գործունեությունը կանոնակարգվելու է ՀՀ կենտրոնական բանկի կողմիցª ՀՀ օրենսդրությանը համապատասխան:
Բանկի ղեկավարը նշել է, որ երկարաժամկետ ռեսուրսները կառաջարկվեն մինչև 10 տարի ժամկետով, կախված ֆինանսավորվող ակտիվների ամորտիզացիայի վիճակից: Միևնույն ժամանակ նա նկատել է, որ արդյունաբերական ձեռնարկություններում ակտիվների ամորտիզացիայի ժամկետը տատանվում է 2-10 տարվա սահմաններում:
Նա նշել է, որ Համահայկական բանկը նախատեսում է համագործակցել երկրի բոլոր առևտրային բանկերի հետ, ձեռնարկությունների երկարաժամկետ ռեսուրսներով տրամադրելով ֆինանսական փաթեթներ, այն ժամանակ, երբ առևտրային բանկերը ձեռնարկություններին կապահովեն կարճաժամկետ ռեսուրսներով, ընթացիկ կապիտալով և վարկային այլ պրոդուկտներով: Այս առումով Վ.Ներսիսյանցը տեղեկացրել է, որ Համահայկական բանկն արդեն գործընկերային պայմանագիր է կնքել Ամերիաբանկի հետ, իսկ առաջիկայում կկնքի նաև ACBA-Credit Agricole Բանկի հետ:
Միևնույն ժամանակ, Վ.Ներսիսյանցը նշել է, որ շատ երկրներում զարգացման բանկերի գործունեությունը անհաջողության է մատնվում, երբ պետությունն այս կամ այլ կերպ մասնակցում է դրան:
ՙԴրա համար էլ մենք կաշխատենք պետությունից անկախ, սակայն, Կենտրոնական բանկի նորմատիվներին համապատասխան՚,-նկատել է նա, հավելելով, որ ժամանակի հետ զարգացման բանկերը փոխում են իրենց ուղղվածությունը, դառնալով ներդրումային:
Այսօր Համահայկական բանկում աշխատում է 14 աշխատակից, իսկ անհրաժեշտության դպքում, նշել է Վ.Ներսիսյանցը, այդ թիվը կարող է հասնել 60-ի: Հիշեցնենք, որ 2008 թվականի դեկտմբերի 24-ին ՀՀ Խորհրդարանն ընդունել է ՙՀամահայկական բանկի մասին՚Օրենքը: Համահայկական բանկի հիմնումը հանդիսանում է համազգային խոշոր նախագծերից մեկը, որը խորհրդարանում հնչցրել է նախագահ Սերժ Սարգսյանը: 2011 թվականի հունիսի 2-ին ՀՀ Կենտրոնական բանկը գրանցել է բանկը, տրամադրելով լիցենզիան: Բանկի կանոնադրական կապիտալը պետք է կազմեր 100 մլն.դոլար, որի 20 մլն.դոլարը ներդրել է ՀՀ կառավարույթունը, իսկ մնացած 80 մլն.դոլարը` նախատեսվում է ներգրավել դոնորների և մասնավոր բիզնեսի ներկայացուցիչների կողմից:
Փորձագետ. Այսօր ԵԱՏՄ-ում Հայաստանի ապրանքաշրջանառության ցուցանիշը անցնում է 16 մլրդ դոլարից, և դա սահմանը չէ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%