Չորեքշաբթի, 7 Սեպտեմբերի 2011 16:54

Ամերիաբանկը նախատեսում է մինչև տարեվերջ վարկային պորտֆելը մեծացնել մինչև 130 մլրդ.դրամ

ԱրմԻնֆո. Ամերիաբանկը նախատեսում է մինչև 2011 թվականի ավարտը վարկային պորտֆելը մեծացնել մինչև 130 մլրդ.դրամ, այն ժամանակ, երբ սեպտեմբերի 1-ի դրությամբ այն կազմել է 123 մլրդ.դրամ:

Ինչպես պատասխանելով ԱրմԻնֆո գործակալության հարցին նշել է Ամերիաբանկի զարգացման գծով տնօրեն Տիգրան Ջրբաշյանը, բանկի ընդհանուր վարկային պորտֆելում ՓՄՁ և մանրածախ վարկերի բաժինը կազմում է մոտ 36 մլրդ.դրամ: Նա նկատել է, որ պորտֆելի աճը նախատեսվում է ապահովել նաև միջազգային ֆինանսական կառույցներից ներգրավված ռեսուրսների հաշվին: ՙԱյս տարի այդ կառույցներից նախատեսված էր ընդհանուր առմամբ ներգրավել 50 մլն.դոլար, որոնց որոշակի մասն արդեն ներգրավված է՚,-ընդգծել է Տ.Ջրբաշյանը:

Միևնույն ժամանակ, նա նշել է, որ ունիվերսալ ուղղվածության սեփական զարգացման նախագծի իրականացման ուղղությամբ Ամերիաբանկը դիտարկում է անսահմանափակ աճի հնարավորություններ: ՙԱռանց դրան կորպորատիվ բանկինգից ունիվերսալին անցնելու գործընթացը չի կարող երկարատև լինել: Հետևաբար, արդեն այս տարի հնարավոր է, որ մենք կոնկրետ հայտարարություններ անենք, կապված անսահմանափակ աճի հետ՚,-նկատել է Տ.Ջրբաշյանը: Միևնույն ժամանակ նա ընդգծել է, որ ծառայությունների ունիվերսալ փնջի ակտիվացումն ապահովելու նպատակով Ամերիաբանկը կշարունակի ընդլայնել մասնաճյուղերի ցանցը, դրանով իսկ ստեղծելով բարենպաստ ենթակառույցներ: Այսօր Ամերիաբանկի մասնաճյուղերի ցանցը կազմված է 8 բաժանմունքից, մասնավորապես, 4-ը գործում են Երևանում, 4-ը` մարզերում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.50	-0.01
USD	382.75	0.26
EUR	447.21	-0.30
GBP	517.32	-0.42
CAD	275.70	-0.31
JPY	25.87	-0.06
CNY	53.73	0.02
CHF	478.68	-0.69

Նորություններ

Ամերիաբանկը նախատեսում է մինչև տարեվերջ վարկային պորտֆելը մեծացնել մինչև 130 մլրդ.դրամ