Երկուշաբթի, 19 Սեպտեմբերի 2011 18:22
HSBC շարունակում է ներդրումներ կատարել Հայաստանում բիզնեսի զարգացմանը
ԱրմԻնֆո. HSBC Բանկ Հայաստանը շարունակում է ներդրումներ կատարել Հայաստանում բիզնեսի զարգացմանը: Այս մասին այսօր հրավիրված մամուլի ասուլիսում հայտարարել է HSBC Բանկ Հայաստան գլխավոր գործադիր տնօրեն Աստրիդ Քլիֆորդը, մեկնաբանելով Վրաստանից դուրս գալու վերաբերյալ HSBC որոշումը: Նա նշել է, HSBC բիզնեսը Հայաստանում զարգացնելու օգտին են վկայում այն, որ բանկը մոտ 1 մլն.դոլար է ուղղել պլաստիկ քարտերի սպասարկման ծրագրային ապահովման նորացմանը: ՙՄեկ ամսվա ընթացքում նախատեսում ենք վերսկսել մեր մասնաճյուղի գործունեությունը ՙԿարկոմավտո՚ ընկերությունում, իսկ հաջորդ տարի կբացենք 2 նոր մասնաճյուղ, ընդլայնելով բանկոմատների ցանցը, միաժամանակ գործարկելով Cash-in ֆունկցիայով բանկոմատներ՚, - ասել է նա:
Ա.Քլիֆորդը պարզաբանել է, որ մայիսին, HSBC բանկը հայտարարել է նոր ռազմավարության մասին, որը ենթադրում է նոր մոտեցումների և մեթոդների կիրառում, որոնք հիմնված կլինեն այն երկրների բացահայտման վերաբերյալ օբյեկտիվ վերլուծությունով, որտեղ կարելի կլինի վերաբաշխել կապիտալը և ռեսուրսները, որպեսզի աճի տեմպերը լինեն ավելի ակտիվ ու եկամտաբեր: Միաժամանակ նա նշել է, որ նոր վերլուծության հիմքում կդրվեն 5 հիմնական չափանիշներ` տնտեսական զարգացման ներուժը, ինտեգրման աստիճանը, եկամտաբերության գործակիցը, ծախսերի արդյունավետությունը, իրացվելիության և ֆինանսական ինքնաբավարարության աստիճանը: ՙՀայաստանը հաջողությամբ է անցել է այդ ՙթեստը՚« հաշվի առնելով նշված բոլոր չափանիշները՚, - ընդգծել է նա: Այնպես, նրա խոսքերով, հայկական HSBC բանկի կապիտալի եկամտաբերությունը կազմում է 22%, ինչը գերազանցում է վրացական բանկի նման ցուցանիշը և անգամ բարձր է HSBC նպատակային սանդղակից: Ա.Քլիֆորդը նշել է, Հայաստանում HSBC սկզբից էլ ունեցել է հաջողակ բիզնես, սկսած 1996 թվականից, իսկ 1997 թվականից բանկն արդեն աշխատում էր շահույթով, բավականին բարձր տեղ զբաղեցնելով շուկայում` 20-30% սահմաններում, կախված պրոդուկտների ու ծառայությունների տեսակներից: Բացի այդ, ինչպես նա նշել է, որ հայկական HSBC վարկային պորտֆելը շարունակում է ընդլայնվել ավանդների հաշվին, ապահովելով ինքնաբավարարություն, իսկ Վրաստանում վարկային խոշոր պորտֆելն ապահոված չէր ավանդների հաշվին:
Միջազգային շուկաներում և այլ երկրներում ինտեգրման մակարդակով, ինչպես նշել է Ա. Քլիֆորդը, Հայաստանը տարբերվում է նրանով, որ ունի սփյուռքի մեծ ներուժ, և HSBC խմբը շատ է կարևորում այդ հանգամանքն ինտեգրման առումով: Այս համատեքստում նա տեղեկացրել է, որ ներկայումս բանկն աշխատում է սփյուռքի ներուժն իրականացնելու վրա, ապրանքների և ծառայությունների տրամադրման միջոցով, այն երկրների օրենսդրական նորմերին համապատասխան, որտեղ ապրում են սփյուռքահայերը: ՙՄենք նույնպես կլինենք նախագահի գլխավորած պատվիրակության կազմում, որը սեպտեմբերի վերջին մեկնելու է ԱՄՆ: Մենք կայցելենք բանկի մի շարք մասնաճյուղր և կփորձենք որոշել, թե որ պրոդուկտներն ավելի մեծ պահանջարկ ունեն ԱՄՆ սփյուռքահայերի շրջանում՚, - տեղեկացրել է Ա.Քլիֆորդը: Հայաստանից բացի, ինչպես նշել է Ա.Քլիֆորդը, HSBC իր ռեսուրսները կվերաբաշխի նաև Չինաստանի և Խաղաղ Օվկիանոսի տարածաշրջանի երկրների ուղղությամբ:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները