Երկուշաբթի, 26 Սեպտեմբերի 2011 16:57

Ամերիան իր ներկակացուցչությունն է բացել ԱՄՆ-ում

ԱրմԻնֆո. Սույն թվականի սեպտեմբերի 25-ին տեղի ունեցավ ՙAmeria Group Inc՚ ընկերությունը հանրությանը ներկայացնելու հանդիսավոր արարողությունը, որին մասնակցում էին ՀՀ Նախագահը, ՀՀ պաշտոնատար անձինք և Հայաստանի Հանրապետության և սփյուռքի գործարարները, սփյուռքահայ նշանավոր գործիչները, այլ պատվավոր հյուրեր: Ինչպես ԱրմԻնֆո գործակալությանը տեղեկացվել է Ամերիաբանկի մամուլի ծառայությունից, Ամերիա ընկերությունների խումբը ստանձնել է նույն օրը ԱՄՆ-ում կայանալիք նախագահական գալա ընթրիքի հայաստանյան հովանավորի պատվավոր դերը:

Աղբյուրի համաձայն, Ամերիկայի Միացյալ Նահանգներում, Կալիֆորնիայի Նահանգում գրանցվել է “Ameria Group Inc” կազմակերպությունը, որի հիմնական առաքելությունն է լինելու բազմակողմանի, ամբողջական և մասնագիտացված տեղեկություններ և խորհրդատվություն տրամադրել Հայաստանի Հանրապետությունում ներդրումներ կամ գործարար ծրագրեր իրականացնելու նպատակներ ունեցող անձանց, ներկայացնելով ներդրումային և գործարար միջավայրը, ինչպես նաև անհրաժեշտ տեղեկություններ Հայաստանի Հանրապետությունում ստեղծված և Ամերիա անվանման ներքո գործող ընկերությունների վերաբերյալ, որոնց հիմնական առաքելությունն է լինել հուսալի և հավատարիմ խորհրդատու և գործընկեր նման ծրագրեր իրականացնելիս:

Ամերիա ընկերությունների խումբը հավատարիմ մնալով իր ռազմավարությամբ ամրագրված նպատակներին, ընդլայնում է իր գործունեությունը դեպի նոր շուկաներ, նպատակ ունենալով դառնալ հավատարիմ գործընկեր և հուսալի կամուրջ սփյուռքում բնակվող մեր հայրենակիցների, ինչպես նաև օտարերկրյա ներդրողների և գործարարների համար` Հայաստանի Հանրապետությունում պատշաճորեն տեղեկացված և բանիմաց ներդրումներ կատարելու և գործունեություն ծավալելու համար, ասվում է հաղորդագրության մեջ:

Նշենք, որ ՙԱմերիա՚ անվանման և ապրանքանիշի ներքո գործող ընկերությունները հանդիսանում են հայաստանյան շուկայում առավել դինամիկ և արագ զարգացող, մասնագիտացված ծառայություններ մատուցող հաստատություններ, որոնք գործունեություն են ծավալում իրավական, կառավարման, ներդրումների և գործարար ծրագրերի իրականացման աջակցման և խորհրդատվության, ինչպես նաև ֆինանսական և բանկային ծառայությունների ոլորտում: «Ամերիաե ընկերությունների կողմից առաջարկվող խորհրդատվական և ֆինանսական ծառայությունների փաթեթի միջոցով համալիր աջակցություն է ցուցաբերվում Հայաստանի Հանրապետությունում և տարածաշրջանում գործող կազմակերպություններին և անհատներին:

ՙԱմերիա՚ ընկերությունների խմբի անդամ են գանդիսանում`
ՙԱմերիա՚ ՓԲԸ, որը խորհրդատվական ծառայությունների հայաստանյան շուկայի առաջատար ընկերություններից մեկն է և իրականացնում է մասնագիտացված գործունեություն խորհրդատվական ծառայությունների երեք հիմնական ոլորտներում` գործարար, ֆինանսական և իրավաբանական:
ՙԱմերիա Էքվիտի Փարթներս՚ ՓԲԸ, որը հանդիսանում է մասնավոր ներդրումային ծրագրեր իրականացնող կառույց և ներդրումներ է իրականացնում Հայաստանի Հանրապետությունում և տարածաշրջանում առավել արդյունավետ բիզնես ծրագրերում:
ՙՓրոփերթի դիվելոփմենթ քամփնի՚ ՓԲԸ, որն իրականացնում է ներդրումներ անշարժ գույքի շուկայում, ինչպես նաև տրամադրում կառուցապատման կառավարման և վարման ծառայություններ:
ՙԱմերիաԻնվեստ՚ ՓԲԸ, որը ներդրումային ոլորտում Հայաստանի առաջատար ընկերություններից է, առաջարկում է Հայաստանի Հանրապետությունում արժեթղթերի շուկայում մասնագիտացված ծառայություններ ևխորհրդատվություն:
ՙԱմերիաբանկ՚ ՓԲԸ, որը Հայաստանի բանկային համակարգի առաջատարներից է և մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Ամերիան իր ներկակացուցչությունն է բացել ԱՄՆ-ում