Հինգշաբթի, 29 Սեպտեմբերի 2011 18:10
Հայաստանի բանկային շուկա է մտնում գալիս նոր եվրոպական բանկ
ԱրմԻնֆո. Լատվիայի խոշորագույն բանկերից մեկը` Rietumu Banka - մտնում է Հայաստանի բանկային շուկա: Այս մասին ԱրմԻնֆո գործակալության թղթակցին հայտնի է դարձել բանկային շրջանակներին մոտ կանգնած հավաստի աղբյուրներից:
Նշենք, որ Rietumu Banka-ը Լատվիայում գրանցվել է 1992 թվականին, պատկանում է Լատվիայի ռեզիդենտ հանդիսացող մասնավոր անձանց: Բանկը կենտրոնանացած է խոշոր կորպորատիվ հաճախորդների և ունևոր մասնավոր անձանց սպասարկման ոլորտում: Ըստ ոչ պաշտոնական տվյալների, բանկի դուստր կազմակերպությունններից մեկը տրամադրում է օֆշորային ընկերությունների գրանցման և կառավարման ծառայությունների լայն: Ավանդական բանկային ծառայություններից բացի, ինչպիսիք են վարկավորումը, առևտրի ֆինանսավորումը, ավանդները, միջազգային վճարումները, Rietumu-ն կմատուցի նաև խորհրդատվական ծառայություններ (այդ թվում `հարկային խորհրդատվույթուն), բրոկերային ծառայություններ, ակտիվների կառավարում, Լատվիայում 5 տարով կացություն ստանալու խորհրդատվություն և աջակցություն, ինչը տալիս է Շանգենյան երկրներում ազատ շրջելու հնարավորություն: Rietumu Bank-ին է պատկանում նաև նաև WestLeasing ընկերությունների խմբի վերահսկիչ փաթեթը, որը սարքավորումների, տեխնիկայի և առևտրային ավտոտրանսպորտի լիզինգով է զբաղվում Ռուսաստանում, Բելառուսում և Ուկրաինայում: Ընդհանուր առմամբ Rietumu Bank-ը յոթ ներկայացուցչություն ունի Եվրոպայում և ԱՊՀ տարածքում, յուրօրինակ կամուրջ հանդիսանալով ԱՊՀ և Եվրոպայի երկրների միջև: Ինչպես գտնում են վերլուծաբանները, Լատվիայի ֆինանսական ինստիտուտների ավելացումը ԱՊՀ բազմաթիվ գործարարների կարծիքով, պայմանավորված է նրանով, որ Լատվիայում բարենպաստ միջավայր է ստեղծվծ ֆինանսական հաստատությունների գործունեության համար և հատկապես դրա համար է, որ Լատվիան համարում են երկրորդ Շվեյցարիա: Այդ երկրի բանկերն ի վիճակի են արագ և ճշգրիտ կատարել իրենց հաճախորդների հրահանգները, որոնք աշխատում են համաշխարհային շուկաներում, դրանով իսկ բավարարելով ցանկացած պահանջարկ, քանի որ եվրոպական օրենսդրությունն ուղղված հաճախորդի շահերի պաշտպանությանը:
Ըստ աուդիտորական ֆինանսական տարեկան հաշվետվության, 2010 թվականին լատվիական բանկերի կողմից ստացված շահույթի ավելի քան երրորդն ստացել է Rietumu Bank-ը, իսկ նրա զուտ շահույթն անցյալ տարի կազմել է շուրջ 4.6 միլիոն եվրո, իսկ Rietumu խմբի ողջ շահույթը` 9, 7 մլն.եվրո: Բանկի ակտիվների ծավալը 2011 թվականի հունվարի 1-ին կազմել է 1.6 մլրդ.եվրո, վարկային պորտֆելը`763 մլն եվրո, հաճախորդներից ներգրավված ավանդների ծավալը` 1,4 մլրդ.եվրո, կապիտալը և պահուստները` 196 մլն.եվրո: Կապիտալի համարժեքության գործակիցը` 17.8%:
Հիշեցնենք, որ Հայաստանի ֆինանսական և բանկային համակարգում լատվիական կապիտալով գործում է միայն ՙՆորվիկ՚ ունիվերսալ վարկային կազմակերպությունը, որը հանդիսանում է լատվիական-իսլանդական ՙՆորվիկ Բանկ՚-ի դուստր կազմակերպությունը: Չնայած բանկ դառնալու ուղղությամբ ընկերության նախնական ցանկություններին, ճգնաժամի պատճառով ՙՆորվիկ՚-ը հրաժարվեց այդ գաղափարից և մասամբ վերակողմնորոշվեց մանրածախ վարկավորման և անշարժ գույքի զարգացման բիզնեսի ոլորտներում: Այսօր Հայաստանի բանկային համակարգում հուլիսի 1-ի դրությամբ գործում են 21 առևտրային բանկեր, որոնց ընդհանուր կապիտալը կազմում է 613.9 մլն.դոլար (226.4 մլրդ դրամ):
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները