Հինգշաբթի, 6 Հոկտեմբերի 2011 18:07
Հայաստանում անշարժ գույքի միջին գները սեպտեմբերին տարեկան կտրվածքով իջել են 4.2%, մայրաքաղաքում բազմաբնակարան շենքերի բնակարնների և առանձնատների էժանացման հետևանքով
ԱրմԻնֆո. Հայաստանում անշարժ գույքի միջին գները սեպտեմբերին տարեկան կտրվածքով իջել են 4.2%, մայրաքաղաքում բազմաբնակարան շենքերի բնակարնների և առանձնատների էժանացման հետևանքով: Ինչպես վկայում են ՀՀ Անշարժ գույքի կադաստրի տվյալները, որոնք տրամադրվել են ԱրմԻնֆո գործակալությանը, այնուամենայնիվ, միայն 2011-ի օգոստոսին գների ընդհանուր մակարդակը իջել է 0.2%: Մասնավորապես, օգոստոսին բազմաբնակարան շենքերի բնակարաններն էժանացել են միջին հաշվով 0.3%, իսկ առնձնատները` 0.2%:
Երևանում, բազմաբնակարան շենքերում 1 ք.մ. տարածքի գինը օգոստոսին իջել է 0,4% (տարեկան կտրվածքով նվազել է 6.4%), մինչև 256.6 հազ.դրամ, իսկ մարզերում` 0.2% (տարեկան կտրվածքով` 2% ) մինչև 82,5 հազ.դրամ: Միևնույն ժամանակ, Երևանում առանձնատների գները օգոստոսին նվազել են 0.4% (տարեկան անկումը` 6.3%), մինչև 272.4 հազ.դրամ, իսկ մարզերում` աճել են 0.1% ( տարեկան կտրվածքով նվազել են 1,9%), մինչև 91,7 հազ.դրամ:
Ըստ Կադաստրի տվյալների, Երևանը շարունակում է մնալ անվիճելի առաջատարը բազմաբնակարան շենքերի բնակարանների գների գծով, իսկ ամենաբարձր գները հրանցվել են Կենտրոն համայնքում` 428.2 հազ.դրամ, նվազելով օգոստոսին 0.45%, իսկ տարեկան կտրվածքով` 5.6%: Մայրաքաղաքի Արաբկիր համայնքում գները կազմել են 337.8 հազ.դրամ (անկումը օգոստոսին` 2%, իսկ տարեկան`13%):
Երևանի մնացած համայնքներոյմ գներն սկսվում են 227.4 հազ.դրամից, բացառությամբ Նուբարաշենի, որտեղ մեկ քառ. մ միջին գինը կազմել է 145.4 հազ.դրամ (անկումը օգոստոսին` 0.7%, տարեկան անկումը` 1,65%): Երևանում, առքուվաճռքի գործարքների ընդհանուր թվում 68,8%-ը եղել են բազմաբնակարան շենքերում, ամսական 18.3% աճով և տարեկան 2.8% անկումով:
Մարզերում, բնակարանների գները զգալիորեն ցածր են մայրաքաղաքի համեմատ: Այսպես, ամենաբարձր գները գրանցվել են Ծաղկաձորում` 188 հազար դրամ (տարեկան աճ` 3.6%, անկումը օգոստոսին` 0.1%) և Վաղարշապատում`137,7 հազար դրամ (տարեկան և ամսական անկումը` 16.5% և 2.8% համապատասխանաբար): Հաջորդ տեղերում են` Աբովյանը, Աշտարակը, Իջևանը, որիսը, Նոր Հաջնը, Ջերմուկը, Եղեգնաձորը, Եղվարդը, Դիլիջանը, յումրին և Բյորեղավանը, որտեղ միջին գինը տատանվում է 103-137 հազար դրամի սահմաններում, ընդ որում, օգոստոսին գների ամենամեծ աճը գրանցվել է Ախթալայում, Ծամլուղում, Ագարակում, Սպիտակում և Տաշիրում (3-6%), իսկ ամենաբարձր տարեկան աճը` Շամլուղում և Թումանյանում` ավելի քան 2 անգամ:
Մարզերում ամենամեծ անկումն օգոստոսին գրանցվել է Վարդենիսի, Մեծամորի, Բյուրեղավանի, Մեծամորի և Մեղրիի բազմաբնակարան շենքերում, իսկ տարեկան ամենամեծ անկումը` Վաղարշապատ, Մասիս, յումրի, Աբովյան, Նոր Հաջն, որիս, Աշտարակ, Իջևան քաղաքներում`10-16,5%: Օգոստոսին շրջաններում գրանցվել է բազմաբնակարան շենքերի բնակարանների վաճառքի 401 գործարք, ինչը 29.8% բարձր է հուլիսի ցուցանիշից և 7.8%-ով`2010-ի օգոստոսի ցուցանիշից:
Առանձնատների գները մայրաքաղաքում սեպտեմբերի 1 – ի դրությամբ կազմել են 272,4 հազ.դրամ: Առանձնատների ամենաբարձր գները մայրաքաղաքում գրանցվել են`Կենտրոն և Արաբկիր համայնքներում` համապատասխանաբար` 453,4 հազ.դրամ և 363.3 հազ.դրամ: Նրանց հաջորդում են Քանաքեռ-Զեյթուն, Նորք-Մարաշ, Ավան, Էրեբունի, Շենգավիթ,
Դավիթաշեն, Աջափնյակ, Մալաթիա-Սեբաստիա համայնքները, որտեղ միջին գինը մեկ քառակուսի մետրի համար տատանվել է 235,6-269,1 հազ.դրամի սահմաներում: Մայրաքաղաքի Նուբարաշեն համայնքում գրանցվել է 150,1 հազ.դրամ: Ամսական կտրվածքով առանձնատների գների աճ է գրանցվել մայրաքաղաքի Նորք-Մարաշ, Ավան, Մալաթիա-Սեբաստիա համայնքներում, իսկ տարեկան աճ` միայն Նորք-Մարաշ և Նուբարաշեն համայնքներում (2.2% և 0.1% համապատասխանաբար): Առանձնատների գների տարեկան ամենամեծ անկումը գրանցվել է Շենգավիթ` 13.5%, Արաբկիր` 11% և Քանաքեռ-Զեյթուն` 10.5%, համայնքներում: Իսկ մարզերում առանձնատների առավելագույն գները գրանցվել են Ծաղկաձորում` 309 հազ.դրամ, իսկ նվազագույնը` Շամլուղում և Դաստակերտում` 10.5 հազ.դրամ:
Առանձնատների գների ամենամեծ ամսական անկումը մարզերում գրանցվել է Բյուրեղավանում` 3.1%, իսկ ամենամեծ տարեկան անկումը` Աբովյանում` 17,2%: Առանձնատների գների ամենամեծ ամսական աճը գրանցվել է Ախթալայում` 6.1%, իսկ ամենամեծ տարեկան աճը` Շամլուղում` 40%:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները