Ուրբաթ, 7 Հոկտեմբերի 2011 16:08

HSBC Բանկ Հայաստանը կվերաֆինանսավորի Առաջին Հիփոթեքային Ընկերության վարկերի մի մասը

ԱրմԻնֆո. ՙԷյչ-Էս-Բի-Սի Բանկ Հայաստան՚ ՓԲԸ-ն համագործակցության հուշագիր է ստորագրել ՙԱռաջին Հիփոթեքային Ընկերություն՚ ՈՒՎԿ ՍՊԸ-ի հետ` վերջինիս Հիփոթեքային վարկերի մի մասը վերաֆինանսավորելու վերաբերյալ:

Ինչպես ԱրմԻնֆո գործակալոյանը տեղեկացվել է Բանկի մամուլի ծառայությունից, այն հաճախորդները, ում վարկը ներառվելու է ՙԷյչ-Էս-Բի-Սի Բանկ Հայաստան՚-ի կողմից վերաֆինանսավորվող փաթեթում, անհատապես կտեղեկացվեն այդ մասին նախօրոք: ՙԱռաջին Հիփոթեքային Ընկերության՚ վարկառու հաճախորդները տվյալ գործարքի արդյունքում որևէ նշանակալի փոփոխություն չեն նկատի, քանի որ, համաձայն հուշագրի, վերաֆինանսավորվող վարկերի փաստացի տոկոսադրույքները կմնան անփոփոխ:

ՙՉափազանց կարեւորում ենք Էյչ-Էս-Բի-Սի –ի նման հեղինակավոր միջազգային ֆինանսական հաստատության հետ համագործակցության խորացման հնարավորությունը: Կարծում ենք, սա կարող է դառնալ միջոցների ներգրավման այլընտրանքային մի աղբյուր, որը կարող է էլ ավելի բարելավել մեր ընկերության ֆինանսական ցուցանիշները՚, - փաստեց ՙԱռաջին Հիփոթեքային Ընկերության՚ գլխավոր գործադիր տնօրեն Դավիթ Աթանեսյանը:

ՙԻ հավելումն բանկի կողմից առաջարկվող վարկային ծառայությունների, մենք պատրաստ ենք քննարկել ՙԱռաջին Հիփոթեքային Ընկերության՚` բանկի պահանջներին համապատասխանող բոլոր վարկային հայտերի վերաֆինանսավորման հարցը՚, - նշեց Էյչ-Էս-Բի-Սի Բանկ Հայաստանի գլխավոր գործադիր տնօրեն Ասթրիդ Քլիֆֆորդը:

2011 թվականի առաջին կիսամյակի արդյունքներով, Էս-Բի-Սի Բանկ Հայաստանի հաճախորդներին տրամադրված համախառն վարկերը աճել են 6% ` կազմելով 91 միլիարդ ՀՀ դրամ:

Ըստ ԱրմԻնֆո գործակալության կողմից կազմված` Հայաստանի առևտրային բանկերի Ռենկինգի, իր հիփոթեքային պորտֆելի ծավալներով HSBC Բանկ Հայաստանը 2011 թվականի հուլիսի 1-ի դրությամբ դարձել է Հաաստանի բանկային համակարգի առաջատարը: Ընթացին տարվա առաջին կիսամյակի ավարտին Առաջին Հիփոթեքային Ըկերության վարկային պորտֆելը կազմել է 4.3 միլիարդ դրամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

HSBC Բանկ Հայաստանը կվերաֆինանսավորի Առաջին Հիփոթեքային Ընկերության վարկերի մի մասը