Հինգշաբթի, 20 Հոկտեմբերի 2011 22:12

Հայաստանի բանկային համակարգն ամեն տարի 10 տոկոսով կավելացնի իր բաժինը ՀՆԱ-ում, կանխատեսում է Տ.Ջրբաշյանը

ԱրմԻնֆո: Առաջիկա 5 տարիներին Հայաստանի բանկային համակարգի վարկային պորտֆելի բաժինը ՀՆԱ-ում ամեն տարի 10 տոկսով կավելանա: Այդպիսի կանխատեսում է ներկայացրել լրագրողներին Ամերիաբանկի զարգացման գծով տնօրեն Տիգրան Ջրբաշյանը, նշելով, որ այսօր այդ բաժինը շատ ցածր է Արևելյան Եվրոպայի երկրների համեմատ: Նա ընդսմին ընդգծել է, որ ՀՆԱ-ում բանկային բաժնի ավելացում է դիտվել ոչ այնքան բանկերի շնորհիվ, որքան 2009 ճգնաժամային տարում ՀՆԱ նվազման առնչությամբ:

Նա նշել է, որ Վրաստանն ու Ադրբեջանը նույնպես աչքի են ընկնում ՀՆԱ-ում վարկային պորտֆելի ցածր տեսակարար կշռով, սակայն, ինչպես և Հայաստանում, կա մեծ ներուժ 5-10 տարում բանկային հատվածի կտրուկ աճի համար: ՙԱյլ կերպ սասծ` այդ աճն առնվազն 2 անգամ կարող է գերազանցել տնտեսական աճը, օրինակ, ՀՆԱ տարեկան 4-5 տոկոս աճի պայմաններում բանկային հատվածի վարկային պորտֆելը կարող է ունենալ տարեկան առնվազն 10 տոկոս աճ՚, - նշել է Տ.Ջրբաշյանը, ավելացնելով, որ դա իր հերթին կբարձրացնի ներդրումային գրավչությունը:

ՀՀ կառավարուհթյան տվյալներով, ՀՆԱ աճը Հայաստանում 2011 թվականի 9 ամիսներին կազմել է 5 տոկոս, իսկ միայն սեպտեմբերին` 17 տոկոս:

ԱրմԻնֆո գործ°ակալության պատրաստած ՙՀայաստանի առևտրային բանկերի ռենքինգի՚ տվյալների համաձայն, երկրի բանկային համակարգի միագումար վարկային պորտֆելը մինչև 2011 թվականի հուլիսի 1-ը կազմել է 1.8 տրլն դրամ` 40,6 տոկոս տարեկան աճով: Այդ պորտֆելի գրեթե 64 տոկոսը բաժին է ընկնում տնտեսության վարկերին` ավելանալով տարեկան կտրվածքով 42,4 տոկոսով: Բանկերի կողմից ֆինանսավորման հիմնական մասը բաժին է ընկնում արդյունաբերական հատվածին և առևտրի ոլորտին:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի բանկային համակարգն ամեն տարի 10 տոկոսով կավելացնի իր բաժինը ՀՆԱ-ում, կանխատեսում է Տ.Ջրբաշյանը