Հինգշաբթի, 27 Հոկտեմբերի 2011 16:45

ՙՀԱՅԷԿՈՆՈՄԲԱՆԿ՚ ԲԲԸ և Սևծովյան Առևտրի և Զարգացման Բանկի միջև կնքվեց թվով երկրորդ վարկային պայմանագիրը:

ԱրմԻնֆո. ՙՀԱՅԷԿՈՆՈՄԲԱՆԿ՚ ԲԲԸ և Սևծովյան Առևտրի և Զարգացման Բանկի միջև կնքվեց 5 մլն. ԱՄՆ դոլար գումարով, 5 տարի մարման ժամկետով թվով երկրորդ վարկային պայմանագիրը: Ինչպես ԱրմԻնֆո գործակալությանը տեղեկացվել է Հայէկոնոմբանկի մամուլի ծառայությունից, ներգրավված միջոցները ուղղվելու են փոքր և միջին բիզնեսի զարգացմանը:

ՙՍույն նախագծի իրականացումը ՙՀԱՅԷԿՈՆՈՄԲԱՆԿ՚ ԲԲԸ նկատմամբ իր գործընկերների ունեցած խորը վստահության խոսուն վկայությունն է: Այս գործարքով ՙՀԱՅԷԿՈՆՈՄԲԱՆԿ՚ ԲԲԸ-ն ևս մեկ անգամ ապացուցում է, որ հավատարիմ է Հայաստանի Հանրապետությունում փոքր և միջին բիզնեսի հետագա զարգացման գործընթացին աջակցելու իր որդեգրած քաղաքականությանը: ՙՀԱՅԷԿՈՆՈՄԲԱՆԿ՚ ԲԲԸ-ն հաստատուն քայլերով շարունակելու է իր առաջընթացը նոր վարկային ծրագրերի ներդրման ու զարգացման և միջոցների ներգրավման նոր շուկաների յուրացման ոլորտներում՚,-ասված է հաղորդագրության մեջ:

ՙՀԱՅԷԿՈՆՈՄԲԱՆԿ՚ ԲԲԸ-ն Սևծովյան Առևտրի և Զարգացման Բանկի հետ համագործակցում է սկսած 2008թ.-ից և շարունակում է ընդլայնել միջազգային համագործակցության շրջանակները: 2011թ.-ի հոկտեմբերի 26-ի դրությամբ ՙՀԱՅԷԿՈՆՈՄԲԱՆԿ՚ ԲԲԸ ընդհանուր կապիտալը գերազանցում է 9.1 մլրդ դրամը, ընդհանուր ակտիվները կազմում են 62.1 մլրդ դրամ, վարկային ներդրումները` 29.2 մլրդ դրամ, ֆիզիկական անձանց ավանդները` 10.2 մլրդ դրամ: Բանկի գործող տեղական և միջազգային քարտերի քանակը կազմում է մոտ 140,000 հատ: Բանկն ունի 38 մասնաճյուղ Հայաստանի Հանրապետությունում և Արցախում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՙՀԱՅԷԿՈՆՈՄԲԱՆԿ՚ ԲԲԸ և Սևծովյան Առևտրի և Զարգացման Բանկի միջև կնքվեց թվով երկրորդ վարկային պայմանագիրը: