Չորեքշաբթի, 9 Նոյեմբերի 2011 13:19

Պրոմեթեյ Բանկը պատրաստվում է իր պատմության ընթացքում ամենառեկորդային շահույթին

ԱրմԻնֆո. <Պրոմեթեյ Բանկի> Վարչության նախագահի տեղակալ Կարեն Եղիազարյանի հարցազրույցը ԱրմԻնֆո գործակալությանը

Պրոմեթեյ Բանկի համար ընթացիկ տարին նշանավորվեց հիմնական որոշ ցուցանիշներով առաջատարների տասնյակում տեղ գրավելով, իսկ կանոնադրական կապիտալի չափերով բանկը հաստատվեց առաջատար բանկերի հնգյակում: Հետաքրքրական է, որ ընթացիկ տարում բանկն ակտիվացավ նաև ինովացիոն պրոդուկտների ներդրման ուղղությամբ: Պրն.Եղիազարյան, որքանո՞վ էր այդ մոտեցումն արդարացված:

Բնական է, իր ուսերի ետևում ունենալով հարուստ փորձ և 21-ամյա պատմություն, Պրոմեթեյ Բանկը միշտ էլ ձգտում է քայլել ժամանակի հետ, հաշվի առնելով իր հաճախորդների առաջնահերթությունները և մշտապես ներդնելով ժամանակակից, ինովացիոն բանկային պրոդուկտներ: Մեր հաճախորդներն ի դեմս բանկի տեսնում են փորձված ու հուսալի գործընկերոջ, որը հետևում է բանկային ծառայությունների շուկայի զարգացման միտումներին, նրանց առաջարկելով միջազգային բանկային պրակտիկայում կիրառվող լավագույն լուծումներն ու պրոդուկտները:

Բանկի ֆինանսական ցուցանիշների տպավորիչ աճին, առաջին հերթին, նպաստում է բաժնետերի մշտական ուշադրությունը, այդ թվում` նաև բանկի կապիտալի համալրումը: Այսպես, 2011 թվականի առաջին կիսամյակում բանկի կանոնադրական կապիտալը 7.2 մլրդ.դրամով, մինչև 14.4 մլրդ.դրամ, մեծացնելուց հետո Պրոմեթեյ Բանկն այս ցուցանիշով Հայաստանի բանկային համակարգում 11-րդ հորիզոնականից բարձրացավ մինչև 4-րդ հորիզոնական: Մի շարք այլ ցուցանիշներով էլ բանկը հայտնվեց առաջատարների տասնյակում: Մասնավորապես, բանկի ընդհանուր կապիտալն ավելացավ 80%-ով և արդեն գերազանցում է 18.5 մլրդ.դրամը, ինչն իր ծավալներով 7-րդ ցուցանիշն է բանկային համակարգում: Արժե նշել նաև, որ այսօր բանկի կապիտալի համարժեքության մակարդակը մոտ 5 անգամ գերազանցում է Կենտրոնական բանկի կողմից սահմանված նվազագույն շեմը: Այս ցուցանիշը վկայում է բանկի հուսալիության բարձրագույն մակարդակի մասին: Բանկի ակտիվները տարեսկզբից մինչև նոյեմբեր աճել են 38%-ով, անցնելով 40 մլրդ.դրամից, իսկ վարկային պորտֆելն աճել է 52%-ով, անցնելով 24 մլրդ. դրամից, ընդ որում, հիմնական մասը կազմել են բիզնես-վարկերը: Դրան զուգահեռ, նկատելիորեն մեծացել է մեր աշխատանքի շահութաբերությունը: Այս տարի մենք խնդիր ենք դրել ապահովել 1.3 մլրդ.դրամի շահույթ, ինչն ամենամեծ ցուցանիշը կլինի Պրոմեթեյ Բանկի պատմության ընթացքում:

Ընթացիկ տարվանից բանկը ակտիվացավ հատկապես ինովացիոն ծառայությունների ներդրման ոլորտում: Մասնավորապես, տարեսկզբից մենք հաճախորդներին առաջարկում ենք MasterCard Gold և MasterCard Standard պլաստիկ քարտեր, ընդ որում, նորագույն տեխնոլոգիաների կիրառումով, որոնք ներդրված են միկրոպրոցեսորային DDA չիպերով: Ընդ որում, MasterCard Standard քարտի տարեկան սպասարկման արժեքը կազմում է 5 հազ. դրամ:

Գերմանական առաջատար ներդրումային բանկերից մեկի` BAADER Bank-ի հետ համագործակցության շրջանակներում, տարեսկզբից հաճախորդներին մատուցում ենք արժեթղթերով գործարքներ կատարելու իրավունք, ընդ որում, համաշխարհային բոլոր առաջատար բորսաներում: Պատահական չէ, որ Global Finance միջազգային հեղինակավոր ամսագիրը Պրոմեթեյ Բանկը ճանաչեց Հայաստանի այս տարվա լավագույն Sub-Castodian բանկ: Բացի այդ, բանկում ներդրված է բանկային հաշիվների հեռակառավարման համակարգ, որը պաշտպանված է անվտանգության Token Digipass GO-6 բարձր տեխնոլոգիական համակարգով: Այս ամենի մեջ ամենակարևորն այն է, որ բանկի ծառայությունները հետաքրքիր են ոչ միայն մեր մշտական հաճախորդներն, այլ ներգրավվում են նաև նոր հաճախորդներ, ինչի մասին է վկայում տարեսկզբից բանկի հաճախորդների բազայի մոտ 20% աճը:

Ինչպիսի՞ դեր եք հատկացրել բանկային հեռակարավարման սպասարկմանը, որը մեծ մասսայականություն է սկսել վայելել ոչ միայն հայկական, այլ նաև համաշխարհային բանկային պրակտիկայում:

Մենք մեր ձեռքը միշտ պահում ենք <զարկերակ վրա> և մեծ նշանակություն ենք տալիս բանկում հեռակառավարման սպասարկման մշակույթի զարգացմանը, օգտագործելով ժամանակակից տեխնոլոգիաներ, ինչը թույլ է տալիս մի քանի անգամ բարձրացնել աշխատանքի արդյունավետությունը: Հատկապես այդ պատճառով է, որ ընթացիկ տարում ներդրեցինք Internet Banking Prometey On-Line ծառայությունը, որի շնորհիվ մեր հաճախորդները աշխարհի ցանկացած կետից ինտերնետի միջոցով կարող են կառավարել իրենց բանկային հաշիվները: Հոկտեմբերից մենք սկսեցինք առաջարկել նաև Mobile Banking Prometey Mobile ծառայությունը, որից կարող են անվճար օգտվել Prometey On-Line ծառայությունից օգտվողները: Ընդ որում, դրա համար պարտադիր չէ ունենալ գերժամանակակից կամ հատուկ հեռախոս, ծառայությունից կարելի է օգտվել ինտերնետին միացված ցանկացած բջջային հեռախոսից:

Պրոմեթեյ Բանկը Հայաստանի այն հազվագյուտ բանկերից է, որը ռեսուրսներ է ներգրավում օտարերկրյա ներդրողների պարտատոմսերի թողարկման ճանապարհով: Նախատեսո՞ւմ է արդյոք բանկը դիվերսիֆիկացնել իր ֆինանսավորման աղբյուրները: Ձեզ համար, այդ առումով, որքանո՞վ են հեռանկարային համարվում միջազգային ֆինանսական կառույցների ռեսուրսները:

Պրոմեթեյ Բանկի պարտավորությունների հիմնական մասը կազմում են պարտատմսերի տեղաբաշխումից ստացված միջոցները: Այդ ուղղությամբ հիմնականում աշխատում ենք եվրոպական և ռուսական ներդրողների հետ: Սակայն, մենք ակտիվացել ենք նաև այլընտրանքային ռեսուրսներ ներգրավելու ուղղությամբ: Մասնավորապես, ընթացիկ տարում վարկային ռեսուրսներ ներգրավեցինք մեր գերմանական գործընկեր-բանկից: Մեծացրել ենք նաև բնակչությունից ներգրավվող ավանդների ծավալները: Այդ թվում` սեպտեմբերից իրականացվող <Աշնանային ժպիտ> ակցիայի շնորհիվ Պրոմեթեյ Բանկի ֆիզիկական անձանց ավանդների պորտֆելի ծավալը կրկնապատկվեց: Ակցիան կշարունակվի մինչև նոյեմբերի 30-ըներառյալ, որի արդյունքներով տեղի կունենա խաղարկություն, երկու ավտոմեքենայի և Երևան-Դուբաի-Երևան Ամանորյա ուղևորությունների տեսքով: Ակցիայի շրջանակներում Պրոմեթեյ Բանկի հաճախորդները կարող են բացել ժամկետային ավանդային հաշիվներ, դրամով կամ դոլարով, ընդ որում, այդ ավանդը կարող է լինել փոխանակելի, այսինքն, ցանկության դեպքում հաճախորդը կարող է փոխել իր հաշվի վրայի արժույթի տեսակը: Ավանդներն ընդունվում են սկսած 3 ամիս և ավելի ժամկետով և տարեկան 9% տոկոսադրույքով: Դրանից բացի, առաջիկայում նախատեսում ենք առաջին անգամ ռեսուրսներ ներգրավել նաև միջազգային ֆինանսական կառույցներից:

Ընթացիկ տարում Պրոմեթեյ Բանկը մասնաճյուղ բացեց Գյումրիում: Ե՞րբ Պրոմեթեյ Բանկի ծառայությունները մատչելի կդառնան նաև Հայաստանի մյուս շրջաններում:

Այսօր մեր բանկի ծառայություններից հիմնականում օգտվում են Երևանում, որտեղ ընթացիկ տարում ընդլայնեցինք մասնաճյուղերի ցանցը, նոր բաժանմունքներ բացելով Շենգավիթ համայնքում, իսկ շուտով շահագործման կհանձնենք Դավիթաշեն համայնքի մասնաճյուղը: Մեր ռազմավարության շրջանակներում աշխատում ենք շրջաններում նույնպես զարգացնել մասնաճյուղերի ցանցը, և դրա օրինակն է Գյումրիի մասնաճյուղի բացումը, իսկ 2012 թվականին նախատեսումենք մասնաճյուղեր բացել Վանաձոր և Աբովյան քաղաքներում:

Շնորհակալություն

Լիլիթ Ասլանյան

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.89	0.05
USD	381.51	0.05
EUR	450.03	0.06
GBP	515.61	0.07
CAD	279.04	0.03
JPY	24.46	0.00
CNY	54.46	0.08
CHF	484.83	0.07

Նորություններ

Պրոմեթեյ Բանկը պատրաստվում է իր պատմության ընթացքում ամենառեկորդային շահույթին