Հինգշաբթի, 10 Նոյեմբերի 2011 19:43
Լույս է տեսել ՙՀայաստանի վարկային կազմակերպությունների Ռենկինգ՚ տեղեկագրի հոբելյանական` 30-րդ թողարկումը
ԱրմԻնֆո. Ռեյտինգային-Մարկետինգային Ինֆորմացիայի գործակալության ֆինանսական վերլուծությունների ծառայությունը, որի հիմնական կորիզը կազմում է ԱրմԻնֆո լրատվական գործակալությունը, լույս է ընծայել ՙՀայաստանի վարկային կազմակերպությունների Ռենկինգ՚ տեղեկագրի հոբելյանական` 30-րդ թողարկումը: Վարկային կազմակերպությունների ցուցանիշների վերլուծությունը, ինչպես նաև գործակալության ցանկացած այլ տեղեկատվա-վերլուծական պրոդուկտ, իր գոյության 7 տարիներին, էական էվոլյուցիայի են ունեցել: ՙՄենք ձեռնամուխ եղանք ֆինանսական շուկայի այս հատվածի վերլուծությանը 2004 թվականին, շուկայում ունենալով ընդամենը 6 գործող ընկերություն, իսկ այսօր այդ ցանկը կազմված է 31 ընկերություններից, այդ թվում` մեկ վարկային միություն և երեք լիզինգային ընկերություն՚,-ասում է ԱրմԻնֆո գործակալության ֆինանսական ծառայության ղեկավար Կարինա Մելիքյանը: Նրա խոսքերով, չնայած վարկային կազմակերպությունների կողմից բնակչությանը և տնտեսությանը տրամադրվող վարկային ռեսուրսների ծավալներն էապես զիջում են բանկային հատվածին, սակայն, այս Տեղեկագիրը հանդիսանում է մեկ այլ վերլուծական պրոդուկտի` ՙՀայաստանի առևտրային բանկերի Ռենկինգի՚ անբաժանելի մասը, որի թողարկումը գործակալությունն սկսել է դեռևս անցյալ դարի 90-կան թվականներին: ՙՄենք երախտապարտ ենք մեր բաժանորդներին շուկայում տիրող իրավիճակը տեխնիկական և ֆունդամենտալ վերլուծությունների տեսանկյունից վերլուծելու մեր համեստ հատկությունների նկատմամբ ցուցաբերած վստահության համար՚,-ասաց գործակալության գլխավոր տնօրեն Էմանուիլ Մկրտչյանը:
Նշենք, որ ընթացիկ տարում ԱրմԻնֆո-ն մի նոր պրոդուկտ ևս դուրս բերեց շուկա` ՙՀայաստանի խոշորագույն ձեռնարկությունների Ռենկինգը՚: Արդեն պատրաստ է այդ տեղեկագրի երկրորդ թողարկումը, որն ամփոփում է Հայաստանի արդյունաբերական և առևտրի ձեռնարկությունների 2010 ֆինանսական տարվա գործունեության արդյունքները:
2011 թվականի հուլիսին ԱրմԻնֆո լրատվական գործակալությունը նշեց իր ՙդե-յուրե՚ գործունեության տանսնամյա հոբելյանը: Սակայն, ՙդե-յուրե՚ գործակալությունը հանդիսանում է ՍՆԱՐԿ ործակալության իրավահաջորդը, որն ստեղծվել էր 1991 թվականին, պրոֆեսիոնալ լրագրողների ոչ մեծ խմբի նախաձեռնությամբ: ԱրմԻնֆո վերագրանցվելուց անմիջապես հետո գործակալությունը շարունակել է ՙինֆորմացիոն ազդեցության՚ ոլորտի ընդլայնման ուղղությամբ իր գործունեությունը:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները