Ուրբաթ, 11 Նոյեմբերի 2011 15:30

ՙՌոսգոսստրախ Արմենիա՚ ընկերության ապահովագրական հատուցումները 10 ամսում կազմել են 2 մլրդ.դրամ

ԱրմԻնֆո. ՙՌոսգոսստրախ Արմենիա՚ ընկերության ապահովագրական հատուցումների ընդհանուր ծավալը 2010 թվականի 10 ամիսներին կազմել է 2 մլրդ.դրամ, որի 1.5 մլրդ.դրամը փաստացիորեն արդեն հատուցվել է: Այս մասին ԱրմԻնֆո գործակալությանը տեղեկացվել է ընկերության մամուլի ծառայությունից:

ԱՊՊԱ մասին օրենքի ներդրումից սկսած ընկերությունն ստացել է վնասների կարգավորման 7920 դիմում, որի 7250 դիմումն արդեն կարգավորված է: Միայն 34 դեպքերով է, որ ընկերությունը մերժել է հատուցման վճարումը, ինչը կազմում է ապահովագրական հատուցումների ընդհանուր ծավալի 0.4%-ը: Ապահովագրական հատուցման մերժման հիմք է հանդիսացել մեկ ֆիզիկական կամ իրավաբանական անձին պատկանող ավտոմեքենաների իրար բախումը, կամ էլ` դիմումի ներկայացման երեքամսյա ժամկետը խախտումը:

Ընկերության Կոնտակտ-Կենտրոնը 2011 թվականի 10 ամիսներին ընդունել է մոտ 50900 զանգ, ընդ որում, ամենամեծ թվով զանգերը կատարվել են հոկտեմբերին` 6610 զանգ, որոնց կազմում 1460-ը եղել են Ճանապարհա-տրանսպորտային պատահարների վերաբերյալ:

Ընկերության վնասների կարգավորման Կենտրոնի տվյալներով, տարեսկզբից գրանցվել է մարմնական վնասներով 322 ՃՏՊ: Առավելագույն քանակը տեղի է ունեցել սեպտեմբերին`51 և հոկտեմբերին` 47 պատահար:

Ըստ ԱրմԻնֆո գործակալության կողմից կազմված`Հայաստանի ապահովագրական ընկերությունների Ռենկինգի, 2011 թվականի 9 ամիսներին ընկերության ապահովագրական պրեմիաների ընդհանուրչ ծավալը կազմել է 5.6 մլրդ.դրամ, զբաղեցնելով այս ցուցանիշով 1-ին տեղը: Ընկերության կանոնադրական կապիտալը ներկայումս կազմում է 2.13 մլրդ.դրամ կամ 6 մլն.դոլար:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.76	0.04
USD	382.28	0.19
EUR	443.94	1.90
GBP	502.81	1.36
CAD	273.14	0.55
JPY	24.72	0.05
CNY	53.87	0.19
CHF	480.49	2.58

Նորություններ

ՙՌոսգոսստրախ Արմենիա՚ ընկերության ապահովագրական հատուցումները 10 ամսում կազմել են 2 մլրդ.դրամ