Հինգշաբթի, 17 Նոյեմբերի 2011 17:26

Ամերիաբանկը ներկայանում է որպես ունիվերսալ բանկ և այդ ռազմավարության շրջանակներում ընդլայնում է ֆիզիկական անձանց մատուցվող ծառայությունների շրջանը

ԱրմԻնֆո. Ամերիաբանկը հիմք ընդունելով իր ռազմավարական նպատակները, սկսում է ակտիվ գործունեություն ծավալել ֆինանսական շուկայում, որպես ունիվերսալ բանկ` ընդլայնելով համագործակցությունը ֆիզիկական անձ հաճախորդների հետ:

Ինչպես այսօր ԱրմԻնֆո գործակալությանը տեղեկացվել է Ամերիաբանկի մամուլի ծառայությունից, չնայած նրան, որ մանրածախ բանկային ծառայությունները հիմնականում առաջարկվում էին կորպորատիվ հաճախորդների աշխատակիցներին, այնուհանդերձ, Ամերիաբանկը գրանցել է մանրածախ գործառնությունների գծով ցուցանիշների մեծ աճի տեմպեր: Ընդամենը մեկ տարվա ընթացքում /31.10.10-31.10.11/ շուրջ 40%-ով աճել է Բանկի ֆիզիկական անձ հաճախորդների թվաքանակը, իսկ վարկային հաշիվների քանակն աճել է 56%-ով, ավանդային հաշիվների քանակը` 68%-ով: Ֆիզիկական անձանց ժամկետային ավանդների պորտֆելը մեկ տարվա ընթացքում աճել է 56%-ով` և 31.10.11թ. դրությամբ կազմել շուրջ 35 մլրդ դրամ, իսկ վարկային պորտֆելն աճել է 31%-ով` կազմելով շուրջ 19 մլրդ դրամ:

Ըստ հաղորդագրության բանկն ունի ֆիզիկական անձանց համար նախատեսված բազմաբնույթ ծառայությունների փաթեթ. ժամկետային ավանդների ընդարձակ տեսականի` ամենատարբեր պայմաններով, ներառյալ ոսկու կառուցվածքային ավանդը, ինչպես նաև խնայողական, մետաղական հաշիվներ, վճարային քարտերի լայն տեսականի, վարկային ծառայությունների բազմազան տեսականի` ներդրումային, հիփոթեքային, անշարժ գույքի վերանորոգման, տրանսպորտային միջոցների ձեռքբերման, անձնական և ընտանեկան կարիքների համար, վարկային գծեր և մի շարք այլ ծառայություններ, որոնք առանձնանում են պայմանների բազմազանությամբ և ճկուն սակագներով:

Աղբյուրի համաձայն, արդեն իսկ հասարակությանը ներկայանալով որպես ունիվերսալ բանկ` Ամերիաբանկն ընդլայնելու է համագործակցության շրջանակները ֆիզիկական անձանց հետ: Բանկ ակտիվորեն համալրելու է ֆիզիկական անձանց համար նախատեսված ծառայությունների փաթեթը հայաստանյան ֆինանսական շուկայի համար նոր առաջարկներով:

Բանկում արդեն մշակվել են հիփոթեքային վարկերի նոր, ՀՀ ֆինանսական շուկայում նախադեպը չունեցող տեսակներ, շուտով կառաջարկվի նաև Նվեր (Gift) քարտ:

Նշենք, որ Ամերիաբանկը շարունակում է նոր առաջարկներով հանդես գալ նաև կորպորատիվ հաճախորդների համար, մասնավորապես, մոտ ժամանակներում հաճելի անակնկալ է սպասվում փոքր և միջին ձեռնարկատիրական գործունեությամբ զբաղվող կազմակերպություններին:

Չնայած նրան, որ տարիներ շարունակ Ամերիաբանկը հանրությանը ներկայացել է որպես կորպորատիվ, ներդրումային բանկ, այնուհանդերձ, մշտապես պատշաճ ուշադրության է արժանացրել ֆիզիկական անձանց համար նախատեսված ծառայությունների մշակմանը, ճկուն սակագնային փաթեթի ձևավորմանը, սպասարկման մակարդակի մշտապես բարելավմանը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.70	-0.04
USD	382.57	0.02
EUR	439.34	-0.78
GBP	498.34	-1.81
CAD	270.71	-1.16
JPY	24.90	-0.01
CNY	53.68	-0.01
CHF	471.90	-1.44

Նորություններ

Ամերիաբանկը ներկայանում է որպես ունիվերսալ բանկ և այդ ռազմավարության շրջանակներում ընդլայնում է ֆիզիկական անձանց մատուցվող ծառայությունների շրջանը