Երեքշաբթի, 22 Նոյեմբերի 2011 16:01
<Արցախ ՀԷԿ>-ի մեկ բաժնետոմսի դիմաց 10%-ը բաժնետիրոջ համար դեռ սահմանագիծ չէ
ԱրմԻնֆո: <Արցախ ՀԷԿ> ընկերության գլխավոր տնօրեն Վահրամ Բաղդասարյանի հարցազրույցը ԱրմԻնֆո լրատվ ական գործակալությանը
<Արցախ ՀԷԿ> ընկերության IPO-ն միակն է Հայաստանի կապիտալի շուկայի պատմության մեջ: Ընկերությունն առաջատարներից մեկն է Լեռնային Ղարաբաղի Հանրապետության էներգետիկ համակարգում, բավարարելով ԼՂՀ էներգետիկ պահանջարկի ավելի քան 60%-ը: Նոյեմբերի սկզբին ընկերությունն իրականացրեց բաժնետոմսերի երրորդ թողարկումը: Բաժնետոմսերի երեք տեղաբաշխումից առաջացած միջոցներն ուղղվեցին նոր հիդրոէլեկտրակայաների շինարարությանը:
Ինչպիսի՞ն է ծրագրերի իրականացման գործընթացի վերաբերյալ Ձեր գնահատականը, ծրագրերի, որոնք ուղղված են Լեռնային Ղարաբաղի Հանրապետության հիդրոէներգետիկ ոլորտի զարգացմանը: Գնահատեք ձեռք բերված արդյունքները:
ԼՂՀ հիդրոէներգետիկ համակարգի զարգացման ծրագիրն սկսվել է 2007 թվականին, <Արցախ ՀԷԿ> ԲԲԸ հիմնադրման օրվանից: Հիմնադրման պահին ընկերոությունը տիրապետում էր ընդամենը մեկ արտադրական ռեսուրսի` 50 Մվտ հզորությամբ <Սարսանգ> ՀԷԿ-ին: Ընկերության 4-տարյա գործունեության ընթացքում հաստատվեց 5 նոր հիդրոէլեկտրակայաների շինարարության ծրագիրը, մասնավորապես, <Կասկադ>-ը` Թարթար գետի վտակ հանդիսացող Թրղի գետի վրա, որը կազմված էր 3 փոքր ՀԷԿ-երից` <Մատաղիս-1> և <Մատաղիս-2>: Ներկայումս գործարկվել է նաև <Թրղի-1> և <Թրղի-2> կայանները, համապատասխանաբար` 3 և 5.9 Մվտ հզրությամբ: Ավարտվել են <Մատաղիս -1> և <Մատաղիս-2> շինարարական աշխատանքները, իսկ մոնտաժային աշխատանքները նախատեսված են ավարտել 2012 թվականի առաջին կիսամյակում: Սկսվել են նաև <Թրղի-3>-ի նախագծային աշխատանքները, որի շինարարությունը նախատեսվում է ավարտել 2013 թվականին: Ինչպես տեսնում եք մեր ընկերության գործունեության ցուցանիները, իմ կարծիքով, բավականին բարձր են: Հուսով ենք այդ տեմպերը պահպանել նաև ապագայում:
Յուրաքանչյուր բաժնետեր, ձեռք բերելով <Արցախ ՀԷԿ> ընկերության բաժնետոմսերը, բախվում է որոշակի, բավականին բարձր ռիսկերի: Դա արտարժութային, տոկոսային, քաղաքական ռիսկերն են: Ընդ որում, նա ակնկալում է փոխհատուցման տեսքով ստանալ բարձր դիվիդենտներ: Ինչպիսի՞ դիվիդենտներ կարող են ակնկալել ընկերության ներդրողները, առաջիկա տարիների համար շահույթի ինչպիսի՞ մակարդակ է ամրագրված ընկերության ռազմավարության ծրագրով:
Ընկերությունը միշտ էլ ունի իր արտադրանքի իրացման երաշխավորված շուկա, իսկ քաղաքական իրավիճակը հանրապետությունում կայուն է: Ընկերությունը բոլոր հնարավոր պայմանները կօգտագործի շահույթի չափերը պահպանելու և մեծացնելու համար, որպեսզի արդարացնի բաժնետերերի ակնկալիքները: Կուզենայի նաև նշել, որ նախորդ երկու տարիների ֆինանսական արդյունքներով բաժնետերերն ստացել են մեկ բաժնետոմսի դիմաց 100 դրամ դիվիդենտ կամ մեկ բաժնետոմսի գնի 10%-ը: Եվ այդ ամենը միջազգային ֆինանսական ճգնաժամի պամաներում: Նշված 5 ՀԷԿ-երի շինարարության ավարտից հետո ընկերությունը մտադիր է շահույթի ավելացման հաշվին մեծացնել նաև վճարվող դիվիդենտների չափերը:
Ինչպե՞ս եք գնահատում <Արցախ ՀԷԿ>-ի բաժնետոմսերի երեք տեղաբաշխումները, արդարացա՞ն արդյոք Ձեր սպասելիքները: Պատմեք Ձեր բաժնետոմսերի անդերռայթեր և մարկետմեյքեր հանդիսացող Արմսվիսբանկի հետ համագործակցության մասին:
Սկսեմ նրանից, որ 2009 թվականին անցկացվեց ընկերության բաժնետոմսերի առաջին թողարկումը, որի արդյունքում հավաքվեց մոտ 900 մլն.դրամ: Այդ միջոցներն ուղղվեցին <Թրղի-1> կայանի շինարարությանը: Առաջին թողարկման ժամանակ անդերռայթեր հանդիսացավ <Արմենբրոք> ներդրումային ընկերությունը: 2010 թվականին իրականացվեց բաժնետոմսերի երկրորդ թողարկումը, և այս անգամ որպես անդերռայթեր հանդես եկավ Արմսվիսբանկը: Երկրորդ թողարկման շրջանակներում տեղաբաշխվեց թողարկման ամբողջ ծավալը, որը կազմեց 1.5 մլրդ. դրամ: Դրանից հետո որոշում ընդունվեց շարունակել համագործակցությունը Արմսվիսբանկի հետ և 2011 թվականի սեպտեմբերին իրականացվեց ընկերության բաժնետոմսերի արդեն երրորդ թողարկումը: Թողարկման արդյունքները բավականին տպավորիչ են, քանի որ մեզ հաջողվեց տեղաբաշխել թողարկման ընդհանուր ծավալի մոտ 80%-ը, ինչի արդյունքում ընկերությանը հաջողվեց ներգրավել 3.5 մլրդ.դրամի միջոցներ: Այնպես որ, մեր անդերռայթերի և մարկետմեյքերի հետ համագործակցությունը բավականին արդյունավետ է և օրեցօր զարգանում է:
Ինչպիսի՞ հզորությամբ և ի՞նչ թվով հիդրոէլեկտրակայաններ է ընկերությունը պատրաստվում շահագործման հանձնել 2011-2012 թվականներին: Պատմեք էլեկտրակայանների շինարարության նոր նախագծերի մասին:
Ինչպես մեր զրույցի սկզբում արդեն ասացի, 2011 թվականի նոյեմբերին ընկերությունը շահագործման հանձնեց 5.3 Մվտ հզորությամբ <Թրկի-2> կայանը, իսկ 2012 թվականի առաջին կիսամյակում նախատեսվում է շահագործման հանձնել <Մատաղիս-1 և <Մատաղիս-2> էլեկտրակայանները: Իսկ <Թրղի-3>-ի շինարարությունը նախատեսվում է սկսել 2012 թվականին և ավարտել 2013 թվականին:
Կա՞ն արդյոք <Արցախ ՀԷԿ>-ի բաժնետերերի կազմում օտարերկրյա քաղաքացիներ, և եթե այո, ապա ո՞ր երկրներից են:
Ներկայումս ընկերության բաժնետեր են հանդիսանում 1200 ֆիզիկական և իրավաբական անձինք, որոնց կազմում ամենախոշոր բաժնետեր է հանդիսանում ԼՂՀ կառավարությունը, որին պատկանում է մեր ընկերության բաժնետոմսերի 46%-ը: Օտարերկրյա ներդրողներին պատկանում է մեր ընկերության բաժնետոմսերի մոտ 13%-ը, իսկ մնացած 41%-ը տեղեբաշխված է Հայաստանի և ԼՂՀ իրավաբանական և ֆիզիկական անձանց միջև:
Որտե՞ղ և ինչպե՞ս կարելի է ձեռք բերել <Արցախ ՀԷԿ ընկերության բաժնետոմսերը:
Ընկերության բաժնետոմսերն անցել են լիստինգի գործընթացը և շրջանառվում են NASDAQOMX Armenia բորսայում: Բաժնետոմսերը կարելի է ձեռք բերել բորսայական սակարկությունների ցանկացած մասնակցի միջոցով:
Էլիտա Բաբայան
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները