Ուրբաթ, 18 Նոյեմբերի 2011 17:30
Ամերիաբանկը Հայաստանի ֆինանսական շուկա է դուրս բերել աննախադեպ ցածր կանխավճարով հիփոթեքային վարկեր
ԱրմԻնֆո. Ամերիաբանկն առաջարկում է ՀՀ ֆինանսական շուկայում նախադեպը չունեցող հիփոթեքային վարկեր: Ինչպես ԱրմԻնֆո գործակալությանը տեղեկացվել է Ամերիաբանկի մամուլի ծառայությունից, բանկը, մասնավորապես առաջարկում է նոր հիփոթեքային վարկերի հետևյալ տեսակները` ավանդով ապահովված հիփոթեքային վարկ, որը վարկառուի համար ապահովում է վստահություն, եթե նա ապագայում ունենա ֆինանսական դժվարություններ, ապա վարկի մարումները կարող են կատարվել ավանդային միջոցներից: Այս վարկի դեպքում անշարժ գույքի ձեռք բերման համար կանխավճարի գումարը հաճախորդի կողմից ներդրվում է Ամերիաբանկում որպես ավանդ և ձևակերպվում է որպես դրամական միջոցների գրավ, կամ Ամերիաբանկում գործող ավանդն է ձևակերպվում որպես գրավ, ընդ որում, ընդունվում է նաև երրորդ անձի կողմից ներդրված ավանդը: Վարկի մնացած մասի համար գրավ է հանդիսանում ձեռք բերվող անշարժ գույքը: Երբ վարկի մարումները հասնեն այն աստիճանին, երբ մնա մարելու միայն անշարժ գույքի գրավով ապահովված մասը, ապա ավանդատուն կարող է ազատ տնօրինել ավանդի գումարը:
Հաջորդը դա այլ անշարժ գույքի գրավով ապահովված վարկն է: Այս վարկատեսակը նախատեսված է այն անձանց համար, ովքեր ցանկանում են անշարժ գույք ձեռք բերել արտերկրում կամ Հայաստանի այն մարզերում, որտեղ Ամերիաբանկը չունի մասնաճյուղ: Ընդ որում, չկա սահմանափակում ձեռք բերվող գույքի գտնվելու վայրի նկատմամբ: Այս դեպքում Բանկը գրավ է վերցնում ոչ թե ձեռք բերվող անշարժ գույքը, այլ Երևանում գտնվող անշարժ գույքը կամ այն մարզերում գտնվող անշարժ գույքը, որտեղ Բանկն ունի մասնաճյուղ:
Երրորդը, դա լրացուցիչ գրավով ապահովված հիփոթեքային վարկն է, որը նախատեսված է այն անձանց համար, ովքեր չունեն բավարար չափով կուտակված կանխավճարային գումար` հիփոթեքային վարկ ստանալու համար, սակայն ունեն կայուն եկամուտ և լրացուցիչ անշարժ գույքի գրավ: Եվ այս վարկի համար սահմանված է ընդամենը 5% կանխավճար:
Ամերիաբանկը համալրելով հիփոթեքային վարկերի արդեն իսկ բազմաբնույթ տեսականին բոլորովին նոր առաջարկներով` կարող է բավարարել ամենապահանջկոտ հաճախորդի պահանջները հիփոթեքային վարկերի գծով:
Ըստ ԱրմԻնֆո գործակալության կողմից կազմված`Հայաստանի առևտրային բանկերի Ռենկինգի, 2011 թվականի սեպտեմբերի 30-ի դրությամբ Ամերիաբանկը վարկային պորտֆելի չափերով հանդիսանում է շուկայի առաջատարը` 143 մլրդ.դրամ, գրանցելով 43% տարեկան և 11% եռամսյակային աճ: Վարկային պորտֆելի կազմում ֆիզիկական անձանց վարկերը կազմում են 12% կամ 17.4 մլրդ.դրամ, որի 36%-ը կազմում է հիփոթեքը ¥7 տեղ, տարեկան աճը` 24%, եռամսյակային աճը` 14.4%¤: Ֆիզիկական անձանվ վարկավորման ծավալը Ամերիաբանկը տարեկան կտրվածքով մեծացրել է 20%-ով, իսկ միայն 3-րդ եռամսյակում` 10%-ով: 2011 թվականի 9 ամիսների արդյունքներով Ամեիաբանկն ապահովել է 2.95 մլրդ.դրամի զուտ շահույթ ¥4 տեղ¤, տարեկան 42% աճով: Հոկտեմբերի 1-ի դրությամբ Բանկն ունի 8 մասնաճյուղ, որոնցից 4-ը` Երևանում, 3-ը` մարզրում ¥Քաջարան, Դիլիջան, Վանաձոր¤ և 1 մասնաճյուղ գտնվում է Ղարաբաղում: Մինչև տարեվերջ բանկը նախատեսում է մասնաճյուղերի թիվը հասցնել 10-ի:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները