Հինգշաբթի, 8 Դեկտեմբերի 2011 17:41
ՎՏԲ-Հայաստան բանկը դարձել է Հայաստանի ֆակտորինգային ծառայությունների շուկայի առաջատարներից մեկը
ԱրմԻնֆո. ՎՏԲ-Հայաստան բանկը դարձել է Հայաստանի ֆակտորինգային ծառայությունների շուկայի առաջատարներից մեկը, 2011 թվականի հոկտեմբերի 1-ի դրությամբ ապահովելով 709 մլն.դրամի ֆակտորինգային պորտֆել:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից,
ՎՏԲ-Հայաստան բանկը ֆակտորինգային պրոդուկտի ստեղծման ծրագրի իրականացմանը ձեռնամուխ եղավ 2010թ. դեկտեմբերին, և արդեն 2011թ. մարտից ապահովեց ֆակտորինգային ծառայությունների տրամադրումը ՀՀ բանկային շուկայում` դրանով իսկ էլ ավելի նպաստելով իրավաբանական անձանց-հաճախորդների համար նախատեսված ծառայությունների փաթեթի զարգացմանը:
Բանկը խոշոր և միջին բիզնեսի հաճախորդներին առաջարկում է դասական ֆակտորինգ, համաձայն որի հաճախորդը զիջում է բանկին դեբիտորային պարտքը, որի դիմաց ստանում է ֆինանսավորում: Ֆակտորինգային ֆինանսավրումը ունի մի շարք առավելություններ: Այն թույլ է տալիս ներմուծողներին մեծացնել վաճառքի ծավալները` իր գնորդներին առավել շահավետ պայմաններ առաջարկելու հաշվին` այն է վճարման հետաձգում, ըստ այդմ բանկի կողմից ստանալով ֆինանսավորում առանց գրավի առկայության, ընդ որում ֆինանսավորումը մեծանում է վաճառքների ծավալի հետ համաչափ: Ներկրողը ստանում է նաև հնարավորություն օգտվել բանկի դեբիտորական պարտքի հավաքագրման և կառավարման մասնագիտացված ծառայություններից:
ՙԱրդեն մեկ տարի է ինչ ՎՏԲ-Հայաստան բանկը իր հաճախորդներին առաջարկում է ֆակտորինգային ծառայություններ: Ֆակտորիգային ծառայությունների հանդեպ պահանջարկը ինչ որ չափով հանդիսանում է հաճախորդների «Ձեռնարկատիրական հասունությանե ինքնատիպ ցուցանիշ և այժմ նկատվում է ֆակտորինգի հանդեպ պահանջարիկի աճ, քանի որ շատ ընկերություններ դիտարկում են այս պրոդուկտը որպես դեբիտորական պարտքի կառավարման, լիկվիդայնության և վարկային ռիսկերի ապահովագրման առավել արդյունավետ տարբերակ: Տվյալ ենթատեքստում մեր բանկը` համագործակցելով խոշոր առևտրային և արդյունաբերական ընկերությունների հետ, յուրաքանչյուր հաճախորդին առաջարկում է ֆակտորինգային համագործակցության անհատական սխեմա՚.-ասել է ՎՏԲ -Հայաստան բանկի գլխավոր տնօրեն - Տնօրինության նախագահ` Վ. Օվսյաննիկովը:
2011թ.-ի վերջին ամիսներին նկատվում էր ֆակտորինգային ծառայություններից օգտվող հաճախորդների քանակի ակտիվ աճ, ինչպես նաև ֆակտորինգային շրջանառության նշանակալի ավելացում: 2011թ. 3-րդ եռամսյակի տվյալներով ֆակտորինգային ֆինանսավորման ընդհանուր ծավալները կազմում են 709 մլն ՀՀ դրամ («Առկաե տեղեկատվական գործակալության տվյալներով զբաղեցնում է 2-րդ տեղը ՀՀ բանկային համակարգում դասական ֆակտորինգ տրամադրոդ բանկերի միջև):
2012թ. ՎՏԲ - Հայաստան բանկը նախատեսում է հետևողականորեն ընդլայնել ֆինանսավորման ոլորտների ցանկը և մեծացնել ֆակտորինգային գործառնությունների ծավալները, ինչպես նաև զարգացնել ծառայությունների տեսականին` առաջարկելով ֆակտորինգի նոր տեսակներ, այդ թվում միջազգային ֆակտորինգ, որն ունի մեծ հեռանկարներ Հայաստանյան շուկայում:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները