Երեքշաբթի, 20 Դեկտեմբերի 2011 19:51
Պրոմեթեյ Բանկը մտադիր չէ բարձրացնել վարկային տոկոսադրույքները
ԱրմԻնֆո. Պրոմեթեյ Բանկի Վարչության նախագահի տեղակալ Հայրապետ Ալեքսանյանի հանրազրույցը ԱրմԻնֆո գործակալությանը
Ընթացիկ տարում Պրոմեթեյ Բանկը ակտիվորեն մեծացնում էր իր հիմնական ցուցանիշները, այդ թվում նաև վարկային պորտֆելը: Հետաքրքրական է, որ վարկային պորտֆելի աճի տեմպերով Պրոմեթեյ Բանկը գտնվում է երկրի առաջատար բանկերի եռյակում, գրանցելով 45% աճ: Ինչո՞վ է պայմանավորված բանկի վարկային քաղաքականության նման ակտիվացումն ու արդիականացումը, որը նախկինում առանձնանում էր պահպանողականությամբ: Ի՞նչ վարկային պորտֆելով է Բանկը պատրաստում եզրափակել 2011 թվականը:
Իրոք, վարկային պորտֆելի աճի տեմպերով այս տարի հայտնվեցինք առաջատարների շարքում, և դա բանկի զարգացման նոր ռազմավարության շնորհիվ, որը հաշվարկված է մինչև 2014 թվականն ընկած ժամանակահատվածի համար, որը հաճախորդների բազայի վերակողմնորոշման և խոշոր գործարարների նեղ շրջանից հասարակայնության լայն շրջաննրին անցնելու ճանապարհով նախատեսում է մեր ընդլայնումը շուկայում:
Գաղտնիք չէ, որ փոքր բանկերն սկզբում ստեղծվում են իրենց հաճախորդներին սպասարկելու համար, իսկ այնուհետև, տարեցտարի ընդլայնում են գործունեության շրջանակները, ներգրավելով նոր հաճախորդների: Հաշվի առնելով, որ Պրոմեթեյ Բանկը հանդիսանում է երկրի առաջին առևտրային բանկերից մեկը, որն ունի ավելի քան 20 տարվա պատմություն, կասեմ, որ այսօր մենք լիովին պատրաստ ենք բնակչության լայն շրջանների սպասարկմանը, մանավանդ, որ շուկայում դրա պահանջարկը կա: Ընդ որում, հնարավոր կորուստներից խուսափելու համար բանկում արդեն ներդրվել են ռիսկերի կառավարման համապատասխան մեխանիզմներ ու տեխնոլոգիաներ:
Ըստ զարգացման նոր ռազմավարության, հաջորդ 3 տարիներին Պրոմեթեյ Բանկի վարկային պորտֆելը կմեծանա մինչև 35 մլրդ.դրամ: Դա մեզ համար լիովին իրական և հասանելի ցուցանիշ է, ինչի մասին է վկայում թեկուզ այն, որ մինչ օրս ապահովված վարկային պորտֆելն արդեն գերազանցում է 2011 թվականի զարգացման ծրագրով նախատեսված մակարդակը: Մասնավորապես, եթե, ըստ այդ ծրագրի, ընթացիկ տարին բանկը պետք է եզրափակեր 23 մլրդ.դրամ վարկայինն պորտֆելով, ապա այսօր այն արդեն կազմում է 25 մլրդ.դրամ, իսկ 2012 թվականի սկզբին կհատի 25.5 մլրդ.դրամի սահմանը: Ընդ որում, մեր պորտֆելն առողջ է, քանի որ ժամկետանց վարկերն այնտեղ կազմում են ընդամենը 0.5%:
Ո՞ր ոլորտների վարկավորման շնորհիվ եք հասել այդ աճին:
Պորտֆելի աճի դինամիկան ապահովվում է հիմնականում երկրի տնտեսության վարկավորման, այդ թվում նաև ՓՄՁ վարկավորման հաշվին, որի բաժինը վարկային պորտֆելում կազմում է 80-85%: Ընդ որում, ՓՄՁ վարկավորման պորտֆելը մեզ մոտ բավականաչափ դիվերսիֆիկացված է, որտեղ մեծ բաժին են կազմում սննդի արդյունաբերության, առևտրի և ծառայությունների ոլորտները: Հաճախորդների հիմնական մասը արտահանումային կողմնորոշում ունեցող հաճախորդներն են, որոնք աշխատում են Երևանում և Գյումրիում, որտեղ տեղակայված են Բանկի մասնաճյուղերը: Հաջորդ տարվա փետրվար-մարտ ամիսներին բանկի ծառայությունները մատչելի կդառնան նաև Աբովյանում և Վանաձորում, որտեղ նախատեսվում է նոր բաժանմունքների բացում: Պրոմեթեյ Բանկը նախատեսում է ակտիվանալ նաև հիփոթեքի շուկայում, ինչին կնպաստի արդեն առաջարկվող նոր պրոդուկտը` 11 տարով հիփոթեքը, որը տրամադրվում է տարեկան 11% դոլարային և 13% տոկոսադրույքով` դրամային վարկերի համար: Այդ պրոդուկտի առանձնահատկությունը կայանում է նրանում, որ այն նախատեսված է այն անձանց համար, ովքեր ցանկանում են բնակարան ձեռք բերել Երևանի կենտրոնի նորակառույցներում: Ի դեպ, շենքը կառուցվել է մեր բանկի բաժնետիրոջ նախաձեռնությամբ և ջանքերով:
Այժմ վարկավորման պայմանների մասին, ինչպիսի՞ն են այսօր ՓՄՁ վարկավորման տոկոսադրույքները և Ձեր կանխատեսումները կարճատև հեռանկարի կապակցությամբ:
Մինչ այդ նշեմ, որ ներկայումս Պրոմեթեյ Բանկը ՓՄՁ սուբյեկտներին վարկեր է տրամադրում Հայաստանի բանկային համակարգի համար նախադեպը չունեցող` 10 տարի ժամկետով: Ընդ որում, այդ վարկերի տոկոսադրույքներն արդյունավետ են և ֆիքսված` տարեկան12%: Իհարկե, չի բացառվում, որ 10 տարիների ընթացքում վարկային տոկոսադրույքները կարող են զգալիորեն բարձրանալ, բայց, որ մենք դրան պատրաստ ենք: Ըստ իմ կանխատեսումների, 2012 թվականին տոկոսադրույքները չեն բարձրանա, քանի որ ներկայումս շուկայում առաջարկը շարունակում է գերակշռել պահանջարկի նկատմամբ, չէ որ շատ ընկերություններ խուսափում են նոր վարկեր ներգրավելուց: Միևնույն ժամանակ, բանկերը ձգտում են ճգնաժամի առաջին փուլում կուտակված իրացվելիության ավելցուկը տեղաբաշխել, իսկ ներկայիս պայմաններում դա մեկ տարում լուծվող հարց չէ: Մեր բանկը նույնպես չի նախատեսում առաջիկայում փոխել տոյկոսոադրույքները:
Հայաստանի բանկերի ռեսուրսային բազայում դեռևս շարունակում է գերակշռել արտարժութային բաղադրիչը: Պայքարո՞ւմ է արդյոք դրա դեմ Պրոմեթեյ Բանկը, եթե այո, ապա ինչպե՞ս:
Այսօր Պրոմեթեյ Բանկի ավանդային պարտավորությունների մեջ դրամայինի բաժինը կազմուամ է 3%, իսկ արտարժութայինի բաժինը` 97%: Ընդ որում, Պրոմեթեյ Բանկի վարկային պորտֆելում դոլարային և դրամային վարկերի հարաբերությունը կազմում է 40/60: Դրամային վարկերի առավելությունը հնարավորություն դարձավ Կենտրոնական բանկից ներգրավված դրամային փոխառության շնորհիվ, որը տեղի ունեցացավ բանկի բաժնետերերի կողմից բանկի կապիտալիզացիայի իրականացման միջոցով, այսինքն, ԿԲ առաջարկությամբ համալրելով կապիտալը մենք ստացանք 3.6 մլրդ.դրամի փոխառություն: Այնպես որ դրամային իրացվելիության դեմ առանձնապես պայքարելու հիմքեր չունենք: Հաջորդ տարի, վարկային պորտֆելի հետագա մեծացման նպատակով նախատեսում ենք ներգրավել վարկային նոր ռեսուրսներ:
Զրույցը վարեց Լիլիթ Ասլանյանը
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները