Չորեքշաբթի, 21 Դեկտեմբերի 2011 18:10

Ամերիաբանկն Ամանորի շեմին ֆիզիկական անձանց համար թողարկել է VISA GIFT քարտ

ԱրմԻնֆո. Ամերիաբանկը շարունակում է համալրել ֆիզիկական անձանց ծառայությունների փաթեթը նոր առաջարկներով: Բանկի հերթական առաջարկը VISA GIFT քարտն է: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, քարտը տրամադրվում է ընդամենը մի քանի րոպեի ընթացքում: Նվեր քարտի նվազագույն սահմանաչափը կազմում է 30000 ՀՀ դրամ կամ 100 ԱՄՆ դոլար:

Ամանորի շեմին այն կարող է լավագույն նվեր դառնալ ամենատարբեր նախասիրությունների տեր անձանց համար: Ամերիաբանկի Նվեր քարտն ունի նրբաճաշակ ու յուրօրինակ դիզայն և օրիգինալ փաթեթավորում, ինչն առավել գրավիչ ու հետաքրքիր է դարձնում այն:

VISA GIFT քարտատերը կարող է օգտվել միջազգային VISA ELECTRON քարտի բոլոր առավելություններից, գնումներ իրականացնել աշխարհի ցանկացած կետում, ուր սպասարկվում են VISA ELECTRON քարտեր, ինչպես նաև կատարել on-line վճարումներ:
Ամերիաբանկի GIFT քարտը կապահովի նաև նոր հնարավորություններ քարտատիրոջ համար: VISA GIFT քարտատերը հնարավորություն կստանա օգտվել մինչև 50% զեղչերից Երևան քաղաքի առևտրի և սպասարկման ավելի քան 250 լավագույն կետերում:

Ըստ ԱրմԻնֆո գործակալության կողմից կազմված`ՙՀայաստանի բանկերը քարտային բիզնեսում՚ տեղեկագրի, Ամերիաբանկը տարեկան կտրվածքով իր ակտիվ քարտերի թիվը մեծացրել է 58%, հոկտեմբերի 1-ի դրությամբ հասցնելով 24 հազարի: Ընդ որում, քարտերի հիմնական մասը կազմել են Visa և ArCa քարտերը, համապատասխանաբար աճելով 96% և 47%: Ամերիաբանկի քարտային պորտֆելում Visa քարտերը կազմում են 62%, իսկ ArCa քարտերը` 24%: 2011 թվականի 9 ամիսներին քարտերով իրականացված տրանսակցիաների ծավալներն աճել են տարեկան կտրվածքով 80%, կազմելով 36 մլրդ. դրամ, որով բանկը տեղ է զբաղեցրել առաջատարների յոթնյակում: Ներկայումս բանկն ունի 516 POS-թերմինալ և 67 բանկոմատ: Բանկոմատային տրանսակցիաների գծով բանկն ապահովել է 20% տարեկան աճ: Քարտերի ակտիվության տրանսակցիոն գործակցով Ամերիաբանկը 2011 թվականի 9 ամիսների արդյունքներով զբաղեցրել է 1-ին տեղը Հայաստանի բանկային համակարգում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Ամերիաբանկն Ամանորի շեմին ֆիզիկական անձանց համար թողարկել է VISA GIFT քարտ