Չորեքշաբթի, 21 Դեկտեմբերի 2011 21:45

ՀՀ ԿԲ Կանխատեսում. 2011 թվականին արտահանումը կաճի 18-20%, իսկ ներմուծումը կնվազի 1-3%

ԱրմԻնֆո. 2011 թվականի ավարտին ապրանքների և ծառայությունների արտահանման ծավալները Հայաստանում կկազմեն 18-20%, իսկ իրական ծավալները կաճեն 12-14%: Կանխատեսումն արված է ընթացիկ տարվա առաջին 3 եռամսյակներում տեղի ունեցած աճի բարձր տեմպերի հիման վրա: Ինչպես նշվում է ՀՀ Կենտրոնական բանկի 2011 թվականի դրամավարկային քաղաքականությա մեջ, ապրանքների և ծառայությունների արտահանման իրական աճը 2012 թվականի հունվար-սեպտեմբեր ամիսներին սպասվում է 5-7% սահմաններում: Արտահանվող ապրանքների և ծառայությունների գների տարեկան անկման դեպքում դրանց դոլարային գնի աճը 2012 թվականի հունվար-սեպտեմբերին կկազմի 3-5%:

Արտաքին և ներքին տնտեսություններում սպասվող միտումները կազդեն նաև ներմուծման ծավալների վրա: 2011 թվականը կեզրափակվի ներկրվող ապրանքների ու ծառայությունների դոլարային գների 10-12% աճով: Ապրանքների ու ծառայությունների ներկրման իրական ծավալները 2011 թվականին կնվազեն 1-3%, եթե հաշվի առնենք այդ ցուցանիշի անկումն առաջին կիսամյակում: 2012 թվականի հունվար-սեպտեմբեր ամիսներին սպասվում է ներկրվող ապրանքների ու ծառայությունների գների աճ, ինչպես նաև դրանց իրական ծավալների 1-3% աճ:

Արդյունքում, ընթացիկ հաշվառման բաժինը ՀՆԱ կազմում 2011 թվականի ավարտին կկազմի 12%: Այդ ցուցանիշի բարելավման միտումը կպահպանվի նաև 2012 թվականի ընթացքում, կազմելով 9-11%:

Արտաքին հոռետեսական ռիսկերի ֆոնի ներքո, զարգացող երկրներում, այդ թվում նաև Հայաստանում, կնվազեն արտահանման, օտարերկրյա ներդրումների և ֆինանսական հոսքերի ծավալները: Մասնավորապես, հումքի գների իջեցումը, համաշխարհային անկման պայմաններում, բացասականորեն կազդի ռուսական տնտեսության վրա, ինչն էլ իր հերթին, էապես կանդրադառնա Հայաստանի արտահանման ծավալների և ֆինանսական հոսքերի վրա:

Ըստ ՀՀ Ազգային վիճակագրական ծառայության տվյալների, Հայաստանի արտաքին առևտրի շրջանառությունը նոյեմբերին աճել է 0.1%, իսկ տարեկան կտրվածքով`10.2%, մինչև 192.8 մլրդ.դրամ կամ 504.5 մլն.դոլար: Դրա կազմում արտահանումը աճել է 9.9%, մինչև 47.4 մլրդ.դրամ կամ 124.1 մլն.դոլար, գրանցելով տարեկան 22.3% աճ: Իսկ ներմուծման ծավալները կրճատվել են 2.8%, մինչև 145.4 մլրդ.դրամ կամ 380.4 մլն.դոլար, գրանցելով 6.7% տարեկան աճ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՀՀ ԿԲ Կանխատեսում. 2011 թվականին արտահանումը կաճի 18-20%, իսկ ներմուծումը կնվազի 1-3%