Չորեքշաբթի, 21 Դեկտեմբերի 2011 22:16
Հայաստանում սպառողների վստահությունն ընթացիկ պայմաններում գնալով դառնում է հոռետեսական, սպառելով նաև հեռանկարների վարաբերյալ սպասումները
ԱրմԻնֆո. Հայաստանում սպառողների վստահությունը 2011 թվականի 4-րդ եռամսյակում նվազել է 102%-ից մինչև 90.9%, իսկ տարեկան կտրվածքով նվազել է 5.3%-ից մինչև 94.7%: Ինչպես ԱրմԻնֆո գործակալությանը տեղեկացվել է ՀՀ Կենտրոնական բանկի մամուլի ծառայությունից, ընդեքսի բաղադրիչները`ընթացիկ պայմանների ենթաինդեքսը 3 եռամսյակներում աճել է, իսկ 4-րդ եռամսյակում նվազել: Մասնավորապես, հաշվետու եռամսյակում այդ ենթաինդեքսն աճել է 2.4%-ից մինչև 93.5%, նախորդ եռամսյակի 11.8%-ի համեմատ: Ընդ որում, ինդեքսի մյուս բաղադրիչը`ապագա պայմանների ենթաինդեքսը 4-րդ եռամսյակում նվազել է 10.7%-ից մինչև 88.9%, 3-րդ եռամսյակի 2.5% աճի համեմատ:
Ընդ որում, ընթացիկ պայմանների ենթաինդեքսի կազմում 10.3% աճ է գրանցվել խոշոր գնումների գծով, մի փոքր չհասնելով 3-րդ եռամսյակում գրանցված 11.6% աճին: Չորրորդ եռամսյակում այս ենթաինդեքսը կազմել է 96.3%, իսկ տարեկան կտրվածքով`101.9%: Հաշվետու եռամսյակում նվազում է գրանցվել միայն տնային տնտեսությունների կողմից ներկա տնտեսական իրավիճակի գնահատման ենթաինդեքսով`9.7%, նախորդ եռամսյակում գրանցված 15.4% աճի փոխարեն: Չորրորդ եռամսյակում այս ենթաինդեքսը կազմել է 86.4%, իսկ տարեկան կտրվածքով`90.3%:
Ապագա պայմանների ենթաինդեքսի կազմում բաղադրիչ բոլոր ենթաինդեքսները հաշվետու եռամսյակում նվազել են: Այսպես, եկամուտների փոփոխության գծով հոռետեսական սպասումները վերջին եռամսյակում գրանցել են 17.2% անկում, 3-րդ եռամսյակի 1.4% աճի փոխարեն: Չորրորդ եռամսյակում այս ենթաինդեքսը կազմել է 81.8%, իսկ տարեկան կտրվածքով`82.8%: Ընտանիքում զբաղվածության ենթաինդեքսը 4-րդ եռամսյակում նվազել է 8.1%, իսկ հաջորդ եռամսյակում նվազել է խոշոր գնումների հնարավորության ենթաինդեքսը`7.2%, համապատասխանաբար կազմելով 78.1% և 97.5%, իսկ տարեկան կտրվածքով`համապատասխանաբար կազմելով 91.9% և 92.8%:
Բոլոր ենթաինդեքսների գծով գնահատականները նվազել են, ինչն առաջին հերթին նվազեցրել է նաև սպառողների վստահության ինդեքսը:
Հիշեցնենք, որ հարցումը ՀՀ ԿԲ կողմից իրականացվում է 2005 թվականից և կոչված է գնահատելու երկրի ներկայիս տնտեսական իրավիճակը և դրա նկատմամբ սպասումները: Ինդեքսների հաշվարկման մեթոդաբանությունը հիմնված է Conference Board (ԱՄՆ) և երմանական IFO ինստիտուտի կողմից մշակված սկզբունքների վրա:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%