Հինգշաբթի, 22 Դեկտեմբերի 2011 17:37

ՙԱնելիք՚ Դրամական Փոխադրումների Համակարգը 2011 թվականի 11 ամիսների ընթացքում գրանցել է փոխանցումների քանակի ավելի քան 50%-ի աճ

ԱրմԻնֆո. ՙԱնելիք՚ Դրամական Փոխադրումների Համակարգը 2011 թվականի 11 ամիսների ընթացքում գրանցել է փոխանցումների քանակի ավելի քան 50% աճ: Ինչպես ԱրմԻնֆո գործակալությանը տեղեկացվել է Անելիք Բանկի մամուլի ծառայությունից, 2010 թվականի նույն ժամանակաշրջանի համեմատ ՙԱնելիք՚ Դրամական Փոխադրումների Համակարգով 2011 թվականի 11 ամիսների ընթացքում փոխանցումների քանակը կազմել է 1,405,088, ինչը ավելի քան 50%-ով գերազանցում է 2010 թվականի նույն ժամանակաշրջանում կատարված փոխանցումների քանակը:

Աղբյուրի համաձայն, 2011 թվականի հունվար-նոյեմբեր ամիսների ընթացքում ՙԱնելիք՚ Դրամական Փոխադրումների Համակարգով իրականացված փոխանցումների ծավալը աճել է 14%-ով, նախորդ տարվա նույն ժամանակահատվածի համեմատ: 2011 թվականի 11 ամիսներին կատարված փոխանցումների ծավալը կազմել է 951,464,240.00 ԱՄՆ դոլարին համարժեք:

ՙ2009 թվականի տնտեսական ճգնաժամի ժամանակ ՙԱնելիք՚ Դրամական Փոխադրումների Համակարգի գրանցված անկումը վերջին երկու տարիներին վերականգնվում է, դրա մասին են վկայում 2010-2011 թվականներին համակարգի գրանցած քանակական և ծավալային ցուցանիշները: Ոգևորիչ փաստ է, որ աճում են դեպի Հայաստան փոխանցումների ծավալը, ոչ միայն ՙԱնելիք Բանկով՚ այլ նաև հայկական այլ բանկերով, որոնք օգտվում են ՙԱնելիք՚ համակարգից: 2011 թվականին ՙԱնելիք՚ համակարգով փոխանցումների աճի տեսանկյունից առանձնացել են հայկական 3 բանկեր` ՀայԷկոնոմ Բանկը, Արարատ Բանկը և Զարգացման Հայկական Բանկը, որոնք գրանցել են թե ծավալային, և թե քանակական զգալի աճ՚, - ասաց Ֆինանսական շուկաներում գործառնությունների և թղթակցային հարաբերությունների վարչության պետ Արման Շուշյանը:

Աճի նման տեմպերի պահպանման դեպքում ՙԱնելիք՚ Դրամական Փոխադրումների Համակարգի շրջանառությունը տարեվերջին կգերազանցի 1 մլրդ. ԱՄՆ դոլարը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՙԱնելիք՚ Դրամական Փոխադրումների Համակարգը 2011 թվականի 11 ամիսների ընթացքում գրանցել է փոխանցումների քանակի ավելի քան 50%-ի աճ