Ուրբաթ, 27 Հունվարի 2012 17:51

Ինֆլյացիային դիմակայելու համար հարկավոր է ունենալ օլիգարխների կամայականությունների նկատմամբ հսկողության, գտնում է հայ անվանի տնտեսագետը

ԱրմԻնֆո. ՀՀ Կենտրոնական բգանկ դրամավարկային քաղաքականությունը փոխվել է և դարձել ավելի արդյունավետ, բայց մեգառեգուլյատորն ի վիճակի չի լինի միայնակ սանձել գների կտրուկ աճը: Այսօր Երևանում հրավիրված մամուլի ասուլիսում նման կարծիք է արտահայտել հայ անվանի տնտեսագետ, ՙԱյլընտրանք՚ վերլուծական կենտրոնի ղեկավար Թաթուլ Մանասերյանը: Ըստ տնտեսագետի, կառավարությունը պետք է վերանայի ինֆլյացիայի դեմ պայքարի իր մոտեցումները, բավականաչափ հսկողություն սահմանելով օլիգարխների կամայականությունների նկատմամբ, որոնք շարունակում են իրենց գները թելադրել պարենային շուկայում:

Թ.Մանասերյանը նկատել է, որ 2011 թվականին կառավարությունն օլիգարխների դեմ պայքարի որոշակի քայլեր ձեռնարկեց, մասնավորապես, ստեղծելով մի քանի նոր տոնավաճառներ: Սակայն, անբավարար հսկողության և կարգավորող մեխանիզմների բացակայության պատճառով այդ գործողությունները չտվեցին ակնկալվող արդյունքը: յուղացին, նշել է նա, շարունակում է իր ապրանքը ստիպված զիջել օլիգարխներին, որոնք այն վաճառում են մի քանի անգամ ավել գներով: ՙԱյս գործողություններ արդյունքում տուժվում են թե գյուղացին, ով ակնկալվող եկամուտը չի ստանում, և թե սպառողը, ով ստիպված է լինում խնայել միջոցները, կամ ընդհանրապես չգնել որոշա թանկ ապրանքներ՚,-նշել է Մանասերյանը:

Թ.Մանասերյանը հիշեցրել է, որ մի շարք զարգացած երկրներում պետությունը գյուղատնտեսական շուկաներում իրականացնում է մրցակցային գների քաղաքականություն, որի հետևանքով ոչ ոք չի կարող թելադրել սեփական գները:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	0.00
USD	382.55	-0.10
EUR	440.47	-2.29
GBP	502.25	-0.17
CAD	272.36	-0.75
JPY	24.81	-0.02
CNY	53.72	-0.07
CHF	473.63	-3.37

Նորություններ

Ինֆլյացիային դիմակայելու համար հարկավոր է ունենալ օլիգարխների կամայականությունների նկատմամբ հսկողության, գտնում է հայ անվանի տնտեսագետը