Չորեքշաբթի, 1 Փետրվարի 2012 18:25

Հատուկ առաջարկ ՎՏԲ-Հայաստան Բանկի և Cosmopolitan Հայաստան ամսագրի կողմից ՎՏԲ-Cosmopolitan քարտապանների համար

ԱրմԻնֆո. 2012 թվականի հունվար ամսից ՎՏԲ-Հայաստան Բանկը և Cosmpololitan Հայաստան ամսագիրը Ավստրիական ավիաուղիների հետ համատեղ ներկայացնում են նոր բացառիկ արտոնություններ ՎՏԲ-Cosmopolitan քարտապանների համար: Ինչպես ԱրմԻնֆո գործակալության տեղեկացվել է Բանկի մամուլի ծառայությունից, արտոնություններն ընդգրկում են` ցանկացած մեկ ուղղությամբ լրացուցիչ բեռի տեղափոխման հնարավորություն, Վիենա քաղաքի օդանավակայանի VIP գոտում անվճար ծառայություններ (Վիենայի օդանավակայանում 2 ժամից ավել սպասելու դեպքում), հատուկ գնային առաջարկներ միայն ՎՏԲ-Cosmopolitan քարտապնների համար:

ՙՎՏԲ-Հայաստան Բանկը հաջողությամբ իրականացրեց Visa VTB Cosmopolitan քարտերի համատեղ նախագիծը, որը նախաձեռնվել էր անցյալ տարվա աշնանը: Տվյալ նախագծի շրջանակներում VTB Cosmopolitan քարտապանները ունեն զեղչեր և հատուկ առաջարկներ Հայաստանի լավագույն առևտրասպսարկման սրահներում, որոնց ցանկը պարբերաբար ավելանում է և թարմացվում: ՎՏԲ-Հայաստան Բանկը հետագայում էլ ընդլայնելու է գրավիչ քարտային պրոդուկտների շարքը, որը կնպաստի Հայաստանի բնակչության մոտ ապրանքի դիմաց անկանխիկ վճարման սովորության զարգացմանը՚,-նշել է ՙՎՏԲ-Հայաստան Բանկ՚ ՓԲԸ Մանրածախ բիզնեսի զարգացման դեպարտամենտի տնօրեն Ա. Խաչատրյանը:

ՙVTB Cosmopolitan քարտը վայելում է մեծ հաջողություն մեր ընթերցողների շրջանում: Եվ մենք շատ ուրախ ենք, որ VTB Cosmopolitan քարտապանների քանակը ավելանում է ամսե ամիս: Իսկ Ավստրաիական ավիաուղիների հետ համատեղ նախագիծը հնարավորություն կտա VTB Cosmopolitan քարտապաններին ճամփորդել հատուկ արտոնություններով, ինչը կդարձնի ճանապարհորդությունը անմոռանալի, իսկ թռիչքը էլ ավելի հետաքրքիր Cosmօpolitan Հայաստան ամսագրի հետ միասին: Հետագայում նախատեսվում են նաև մի շարք այլ համատեղ նախագծեր VTB-Cosmօpolitan-ի հետ՚,-ասել է Cosmօpolitan Հայաստան ամսագրի գլխավոր խմբագիր Հրաչուհի Ութմազյանը:

ՙԱվստրիական ավիաուղիները և ՎՏԲ-Հայաստան Բանկը կիսում են այնպիսի արժեքներ, ինչպիսիք են գերազանց սպասարկումը, հուսալիությունն ու հաճախորդների հետ մանրակրկիտ աշխատանքը: Երկու ընկերությունների մոտ էլ մեկ նպատակային լսարան է, և մեր կողմից ՎՏԲ-Cosmօpolitan քարտապաններին առաջարկվող բացառիկ արտոնություններից ու առաջարկություններից հաղթում են բոլոր ներգրավված կողմերը, և ամենակարևորը` հաճախորդները՚,-ասել է Հայաստանում Ավստրիական ավիաուղիների ներկայացուցիչ Լ.Նեգեդլին:

Նշենք, որ 2011թվականի աշնանը ՎՏԲ-Հայաստան Բանկը և Cosmօpolitan Հայաստան ամսագիրը հայտարարեցին Visa VTB-Cosmopolitan համատեղ կանացի քարտերի թողարկման մասին: VTB-Cosmopolitan քարտը կարողացավ կարճ ժամանակահատվածում մեծ հեղինակություն վայելել Հայաստանի կանանց շրջանում, քանի որ այս քարտը քարտապաններին տրամադրում է մի շարք առավելություններ` Cosmopolitan Հայաստան ամսագրի անվճար բաժանորդագրություն, կանացի պայուսակի կորստի ապահովագրություն, վարկային գիծ` ամենաերկար վարկավորման արտոնյալ ժամանակահատվածով` 55 օր, զեղչեր և հատուկ առաջարկներ Հայաստանում կանանց համար մասնագիտացված լավագույն առևտրի/սպասարկման սրահներում, որոնց թվում են խանութներ, գեղեցկության կենտրոններ, բժշկական կենտրոններ և այլն:

Նշենք, որ ՙՎՏԲ-Հայաստան Բանկ՚ ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: ՙՎՏԲ Բանկ՚ ԲԲԸ հանդիսանում է ՙՎՏԲ-Հայաստան Բանկ՚ ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ողջ երկրում-68 մասնաճյուղ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.70	-0.04
USD	382.57	0.02
EUR	439.34	-0.78
GBP	498.34	-1.81
CAD	270.71	-1.16
JPY	24.90	-0.01
CNY	53.68	-0.01
CHF	471.90	-1.44

Նորություններ

Հատուկ առաջարկ ՎՏԲ-Հայաստան Բանկի և Cosmopolitan Հայաստան ամսագրի կողմից ՎՏԲ-Cosmopolitan քարտապանների համար